Bændablaðið - 07.06.2018, Blaðsíða 1

11. tölublað 2018 ▯ Fimmtudagur 7. júní ▯ Blað nr. 516 ▯ 24. árg. ▯ Upplag 32.000 ▯ Vefur: bbl.is
Slakað á eftirliti með notkun sýklalyfja þrátt fyrir vitneskju um ört vaxandi fjölda dauðsfalla vegna sýklalyfjaónæmis:
Áform ESB um eftirlit með lyfjamengun
þynnt út vegna viðskiptahagsmuna
– Karl G. Kristinsson, yfirlæknir sýkla- og veirufræðideildar Landspítalans, segir þetta gríðarleg vonbrigði
Evrópusambandið dregur úr eða
hættir við áform um að takast á
við mengun af völdum sýklalyfja
þrátt fyrir vaxandi hræðslu við
sýklalyfjaónæmi.
Viðskiptahagsmunir er helsta
ástæða þess að hætt er við eftirlitið.
Gríðarleg vonbrigði, segir Karl G.
Kristinsson, yfirlæknir sýkla- og
veirufræðideildar Landspítalans og
prófessor í veirufræði við Háskóla
Íslands.
Samkvæmt frétt The Guardian
hefur Evrópusambandið hætt við
að auka eftirlit með lyfjanotkun
býla og starfsemi lyfjafyrirtækja
sem snýr að notkun, framleiðslu
og förgun á sýklalyfjum.
Gríðarleg vonbrigði
Karl G. Kristinsson, yfirlæknir
sýkla- og veirufræðideildar
Landspítalans og prófessor í
veirufræði við Háskóla Íslands,
segir að þetta séu honum mikil
vonbrigði.
„Þetta málefni hefur verið rætt
reglulega á fundi samnorrænnar
„One Health“-nefndar um
sýklalyfjaónæmi á vegum Norrænu
ráðherranefndarinnar. Mögulega
verða Norðurlöndin að beita sér
í þessu máli og eða að sýna gott
fordæmi með því að ganga lengra
en Evrópusambandið. Það er þó
ekki víst að slíkt standist reglur
ESB, og því eru þessar fréttir
vonbrigði.“
Um 700 þúsund dauðsföll vegna
sýklalyfjaónæmis
Upphaflega gerði hugmyndin ráð fyrir
því að eftirlitið myndi draga úr hættu
á mengun vegna lyfja sem væri fleygt
en ekki fargað samkvæmt reglum. Í
dag er talið að um 700 þúsund manns
látist árlega á heimsvísu vegna
baktería sem hafa myndað með sér
ónæmi fyrir sýklalyfjum. Helsta
ástæða sýklalyfjaónæmis baktería
er of- eða misnotkun á sýklalyfjum
og vegna lyfja sem ekki er fargað á
réttan hátt.
Spáir hruni í lækningum
Ástandið er svo alvarlegt að Sally
Davis, yfirmaður heilbrigðis mála
á Bretlandseyjum, hafur sagt að ef
ekkert verði að gert gætu sýklalyf
orðið ónothæf í náinni framtíð og
að hrun verði í lækningum þar
sem ekki verður hægt að eiga við
einföldustu sýkingar.
Tíu milljón dauðsföll til 2050
Í skýrslu sem gefin var út árið
2014 og kallast Antimicrobial
Resistance: Tackling a crisis
for the health and wealth of
nations og unnin var fyrir breska
forsætisráðuneytið segir að allt
að 10 milljón manns geti látist
árlega á heimsvísu til 2050
vegna sýklalyfjaónæmis og að
kostnaðurinn vegna þess geti orðið
ríflega 100 milljón pund, sem
jafngildir um 14 þúsund milljónum
íslenskra króna.

Áform um eftirlit þynnt út
Samkvæmt upplýsingum sem The
Guardian segist hafa undir höndum
hafa áform um eftirlit með notkun,
framleiðslu og förgun sýklalyfja
verið dregin verulega saman eða
hætt við þau að fullu. /VH
– Sjá nánar á bls. 10
Aðalheiður Elma Andradóttir og Nína Vala Ásgeirsdóttir, nemendur í Mýrarhúsaskóla á Seltjarnarnesi, fóru í heimsókn með skólafélögum sínum að bænum
Mynd / HKr.
Fyrir skömmu voru kúa-
bændurnir Hermann og
Sigrid Dempfle frá Rott í
Bæjaralandi, rétt sunnan við
München í Þýskalandi, stödd
hér á landi. Þau vara Íslendinga
við óheftum innflutningi á
landbúnaðarafurðum.
„Samkeppni milli afurðastöðva
í Evrópusambandinu felst aðallega
í að geta selt afurðirnar til
verslana og úr landi á eins lágu
verði og hægt er og það bitnar
á bændum. Evrópusambandið
selur meðal annars mikið af
landbúnaðarafurðum til Afríku á
verði sem þarlendir bændur geta
ekki keppt við og grefur þannig
undan matvælaframleiðslu þar.
Það sama á eftir að gerast
á Íslandi verði innflutningur
á landbúnaðarvörum óheftur.
Íslendingar fá hugsanlega matinn
aðeins ódýrari en það eru bændur
í Evrópusambandinu sem munu
bera kostnaðinn og milliliðirnir
sem munu græða.“
Salan á kjöti á Íslandi er í
vaxandi mæli innfluttar land-
búnaðarafurðir og hafa bændur af
þessu miklar áhyggjur. Búist er við
að sá innflutningur muni aukast
til muna vegna nýs tollasamnings
við ESB. Í fyrra var heildarsalan
á alifuglakjöti 9.530 tonn og þar
af nam innflutningur um 11%.
Heildarsalan á svínakjöti var 6.269
tonn og þar af var innflutningur
rúm 23%. Af nautakjöti voru
seld 4.603 tonn og þar af nam
innflutningur um 18%.
– Sjá nánar á bls. 2 og 8
Þýskir bændur:
Vara við óheftum
innflutningi
Það er þjóðin sem á að láta þetta sig
varða, ekki einstakir hagsmunaaðilar
32–33
Ábyrg matvælaframleiðsla
– Ísland og heimsmarkmið
Sameinuðu þjóðanna
18–19
Munum sjá mikla
nýsköpun í landbúnaði
22