Bændablaðið - 07.06.2018, Síða 2

2 Bændablaðið | Fimmtudagur 7. júní 2018
Ísey skyr er nýr bakhjarl íslenska
Kokkalandsliðsins en samningur
þess efnis var undirritaður á
dögunum.
Kokkalandsliðið er skipað
færasta matreiðslufólki landsins
og fram undan er sjálf Heims-
meistarakeppnin í matreiðslu
sem haldin verður í Lúxemborg
í lok nóvember. Liðið leggur
mikla áherslu á sérvalið íslenskt
gæða hráefni og mun liðið á
næstu mánuðum ljúka þróun
á keppnisréttum sínum þar
sem íslenskur þorskur, íslenskt
lambakjöt og Ísey skyr verða í
aðalhlutverkum. Mjólkursamsalan
er stoltur styrktaraðili íslenska
Kokkalandsliðsins og óskar hópnum
góðs gengis við undirbúninginn
fram að keppni.
Íslenskt lamb er orðið
verndað afurðaheiti
Ísey skyr styður
kokkalandsliðið
FRÉTTIR
Neysluvenjur á kjöti hafa gjörbreyst á Íslandi á síðustu 34 árum:
Alifuglakjöt er langvinsælasta kjötafurðin
með 9.530 tonna sölu 2017
– þar á eftir kemur lambakjöt með 6.976 tonn og svínakjöt fylgir fast á eftir með 6.265 tonn
Könnun Gallup á neysluvenjum
erlendra ferðamanna á Íslandi
sem birt var í síðasta Bændablaði
vakti mikla athygli. Komið
hefur fram hörð gagnrýni á að
í tölunum er ekki tekið tillit til
neyslu á alifuglakjöti sem hefði
mögulega getað breytt myndinni.
Þegar rýnt er í Hagstofutölur sést
að innanlandssala á kindakjöti
2017 var 6.976 tonn, en 9.530
tonn af alifuglum og þar af nam
innflutningur 1.398 tonnum.
Engin leið er að segja
nákvæmlega til um hver neysla
erlendra ferðamanna hefur verið á
innlendu alifuglakjöti vegna þess
að 11% af heildarsölunni er innflutt
kjöt. Ekki frekar en hver neyslan
hefur verið á innlendu nautakjöti eða
svínakjöti.
Könnun Gallup sýndi að 57%
erlendra ferðamanna hafi smakkað
lambakjöt, en 41,7% nautakjöt og
25,3% svínakjöt. Alifuglakjöt var
hins vegar ekki inni í dæminu.
Könnunin gefur samt ágætar
vísbendingar um hvað ferðamenn
vilja upplifa.
Í könnuninni má greina hvað
ferðamenn vilja helst smakka, en hún
segir samt ekkert um magnið sem
neytt er. Þá er heldur ekki sjálfgefið
að alifuglakjöt hefði endilega skorað
hátt miðað við spurninguna sem lögð
var fram, jafnvel þótt alifuglakjöt
gæti verið oftast á diski ferðamanna.
Ástæðan er einfaldlega sú staðreynd
að alifuglakjöt er orðið algengasti
hversdagsmaturinn um allan heim.
Ferðamenn nefna því líklega fremur
í svona könnun upplifun sína af því
að prófa eitthvað nýtt, heldur en að
lýsa magni þess sem neytt er.
Gjörbreytt neyslumynstur
Neysla Íslendinga á kjötafurðum
hefur gjörbreyst á undanförnum
áratugum samkvæmt gögnum
Hagstofu Íslands. Árið 1983 neyttu
landsmenn t.d. 45,3 kg af kindakjöti
að meðaltali á hvert mannsbarn á
ári. Sú tala var komin niður í 19,5
kg árið 2015. Á sama tíma stökk
neysla á alifuglakjöti úr 4,3 kg í
27,6 kg á mann á ári og á svínakjöti
úr 4,3 kg í 21 kg á mann. Þá fór
nautakjötsneyslan úr 8,8 kg í 14,1
kg. Hrossakjötsneyslan dróst hins
vegar saman úr 3,2 kg á mann í 1,6
kg.
Miðað við neysluþróun
undanfarna áratugi á Íslandi með
stóraukinni neyslu á alifugla- og
svínakjöti, má leiða líkum að því
að neysla erlendra ferðamanna sé í
samræmi við það. Þannig að erlendir
ferðamenn sem á annað borð borða
lambakjöt gætu mögulega verið að
neyta um 40% meira af alifuglakjöti
en lambakjöti meðan þeir dvelja hér
og um 8% meira af svínakjöti. Slík
tölfræðinálgun er þó æði varasöm.
Samantekt um kjötneyslu
á íbúa hætt 2015
Tölur um kjötneyslu á hvern
íslenskan ríkisborgara nær ekki
lengra en til 2015. Samkvæmt
upplýsingum frá Hagstofu sáu
menn engan tilgang í að halda
slíkri samantekt áfram þar sem
ferðamenn sem hingað streymdu
voru þá farnir að hafa mikil áhrif á
neyslutölurnar hér innanlands. Ekki
var því mögulegt að greina hvort
neytendurnir voru íslenskir eða
erlendir ríkisborgarar. Væntanlega
hlýtur það sama að gilda um neyslu
á öðrum vörum eins og áfengi.
Heildarsala á áfengi á Íslandi í dag
gefur þannig alls ekki rétta mynd
af neyslu alkóhóls á hvern íbúa
landsins.
Sundurgreining á neyslu erfið
vegna innflutnings
Þótt auðvelt væri að greina með
slembiúrtakskönnun hversu
margir erlendir ferðamenn neyttu
íslensks lambakjöts, þar sem nær
enginn innflutningur hefur verið á
lambakjöti, þá er ekki sömu sögu
að segja af öðrum kjöttegundum.
Vaxandi innflutningur hefur verið á
alifuglakjöti, svínakjöti og nautakjöti
undanfarin ár.
Innflutningur 0% af
kindakjötssölunni
Samkvæmt tölum Hagstofu
Íslands var flutt inn 1 tonn af
kindakjöti á árunum 2012, 2013
og 2016. Á árinu 2017 var enginn
innflutningur á kindakjöti. Það
ár var kindakjötsframleiðslan
rúm 10.619 tonn samkvæmt
tölum Búnaðarstofu MAST.
Innanlandssalan nam 6.976 tonnum
og flutt voru út 3.162 tonn. Birgðir
í árslok námu 5.751 tonni.
Innflutningur 11% af
alifuglasölunni
Af alifuglakjöti var innan-
landsframleiðslan 9.697 tonn árið
2017, en flutt voru inn 1.398 tonn.
Heildarsalan var 9.530 tonn og
þar af nam innflutningur líklega
um 11%. Er þá miðað við að 754
tonna birgðir í árslok skiptist jafn
á milli innlendrar framleiðslu og
innflutnings.
Innflutningur 23% af
svínakjötssölunni
Af svínakjöti var innanlands-
framleiðslan 6.265 tonn árið
2017, en flutt voru inn 1.449 tonn.
Heildarsalan var 6.269 tonn og þar
af var innflutningur rúm 23%. Flutt
voru út 5 tonn og birgðir í árslok
voru því engar.
Innflutningur 18% af
nautakjötssölunni
Af nautakjöti voru framleidd 4. 614
tonn á árinu 2017, en flutt voru inn
853 tonn. Heildarsala var 4.603
tonn og þar af var innflutningur um
18%. Birgðir í árslok voru 33 tonn.
Innflutningur 0% af
hrossakjötssölunni
Af hrossakjöti voru framleidd 1.061
tonn á árinu 2017. Innflutningur var
enginn en heildarsala 641 tonn. Þá
voru flutt út 414 tonn af hrossakjöti
og birgðir í árslok voru 64 tonn.
/HKr.
voru inn 1.398 tonn. Mynd / HKr.
Kýrnar á bænum Garði
í Eyjafjarðar sveit
gripu tækifærið fegins
hendi þegar þeim var
hleypt út í fyrsta sinn á
þessu sumri síðastliðinn
föstudag.
Viðtökur enda góðar
utandyra, sól og blíða og
nýsprottið grasið grænt
og safaríkt. Orðatiltækið
að skvetta úr klaufunum
átti vel við þegar kýr tóku
á rás úr fjósi og niður á
tún. Alls eru um 140 kýr í Garði,
en á efri hæð fjóssins er Kaffi Kú,
þar sem gestum gefst færi á að njóta
veitinga og fylgjast í leiðinni með
daglegu lífi íbúa fjóssins. Gestir og
gangandi fylgdust af áhuga með
þegar kúm var hleypt út og í tilefni
dagsins var boðið upp á frískandi og
ískalt sítrónute og roastbeef samloku
að bíta í með.
Myndir og texti / MÞÞ
Garður í Eyjafirði:
Kýrnar skvettu úr klaufunum
Íslenskt lambakjöt er fyrsta og
eina skráða íslenska afurðaheitið
samkvæmt lögum nr. 130/2014
um vernd afurðaheita sem vísa
til uppruna, landsvæðis eða
hefðbundinnar sérstöðu.
Ásamt notkun á heitinu fylgir
heimild til að nota sérstakt íslenskt
auðkennismerki í markaðssetningu.
Það þýðir að íslenskt lambakjöt er
nú verndað afurðaheiti í 30 löndum
í Evrópu. Þetta er í samræmi
við samning á milli Íslands og
Evrópusambandsins um gagnkvæma
verndun afurðaheita sem tók gildi 1.
maí síðastliðinn.