Bændablaðið - 07.06.2018, Side 53

53Bændablaðið | Fimmtudagur 7. júní 2018
Víkurvagnar ehf. – Hyrjarhöfði 8. – 110 Reykjavík
Sími 577-1090 – www.vikurvagnar.is – sala@vikurvagnar.is
STYRKUR, ÞJÓNUSTA OG ÁREIÐANLEIKI
MIKIÐ ÚRVAL KERRUVARAHLUTA
VÍKURVAGNAR EHF.
RAFMAGNSBÚNAÐUR
BREMSUR
BEISLI
DEKK
LJÓS
LED LJÓS
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
TINE í Noregi íhugar að framleiða
hauggas úr kúamykju
Mjólkursamlagið TINE í Noregi
íhugar að koma á fót eigin
fyrirtæki til að framleiða hauggas
úr kúamykju til að framleiða
eldsneyti og orku fyrir bílaflota
fyrirtækisins og mjólkursamlög.
Arðsemi og ávinningur
fyrirtækisins vegna áætlananna
getur verið verulegt að mati
ráðgjafafyrirtækisins Rambøll.
„Hauggasmarkaðurinn í Noregi
er vaxandi bæði með tilliti til
fjölda framleiðenda og aukningar
í framleiðslu. Á sama tíma sjáum
við aukinn vilja til skuldbindingar
bæði hjá hinu opinbera og eins
í einkageiranum. Með þeim
náttúruauðlindum sem við höfum
hér í landi og með okkar virðiskeðju
getum við tekið okkur stöðu og
hjálpað til við að bæta umhverfið
og efnahag fyrirtækisins,“ segir
yfirmaður miðlunar og sjálfbærni
hjá TINE Lars Galtung.
Draga úr losun um 30%
Í fyrra hleypti fyrirtækið átakinu
#Kúkraftur af stokkunum þar sem
hluti bílaflota fyrirtækisins keyrir á
hauggasi sem búið er til úr kúamykju
í samvinnu við fyrirtækin Skagerak
Energi og Greve Biogass.
„Við fáum nú stuðning
í nýrri hauggasskýrslu frá
ráðgjafafyrirtækinu Rambøll sem
mælir með því að fyrirtækið skoði
möguleikana á að taka sér stöðu á
eigenda- og framleiðsluhliðinni.
Þetta sé gert til að afhenda hauggas
til eigin mjólkurvöruframleiðslu
og til flutninga en einnig sem
afhendingaraðili til viðskiptavina
utan frá,“ segir Lars og bætir við:
„Eigin hauggasframleiðsla getur
orðið mjög hagstæð, bæði fyrir
TINE og umhverfið. Það er einnig
mikilvægt fyrir landbúnaðinn
að minnka metangaslosun frá
matvælaframleiðslunni og þetta
getur verið einn liður í því. Á
sama tíma minnkum við til muna
notkun á jarðefnaeldsneyti eða
um 13% af CO2 á hvern lítra af
mjólk sem er frábært. Ef okkur
á að takast markmið stjórnvalda
um að draga úr 30% losun
gróðurhúsalofttegunda innan
ársins 2030 þá verðum við að
koma á framleiðslu sjálf og útbúa
stöðvar fyrir fljótandi hauggas.
Stjórnvöld verða líka að koma til
móts við okkur og íhuga ívilnanir
í til dæmis formi minni vegatolla
eins og raunin er um rafmagnsbíla
í dag.“ /ehg - Bondebladet
Hestaíþróttir og -bransinn í
heild sinni skapa störf og hefur
mikla möguleika á að auka enn
meira virði en hann gerir í dag. Í
samvinnu við hrossaræktina hefur
norska ríkisstjórnin þróað nýjar
hestaleiðbeiningar á landsvísu.
„Staða hestsins í Noregi er að
breytast og því verðum við að halda
vel utanum greinina í heild sinni
með fjölbreyttari hætti en gert hefur
verið. Hestar geta skapað arðbær
störf úti á landi og eru þessar nýju
hestaleiðbeiningar meðal annars
hugsaðar til þess að auðvelda
samvinnu milli sveitarfélaga
og hrossaræktarinnar,“ segir
landbúnaðar- og matvælaráðherra
Noregs, Jon Georg Dale.
Gera greinina sýnilegri
Nýju hestaleiðbeiningarnar
virka sem eins konar alfræðirit
og innihalda staðreyndir,
tengiliðaupplýsingar, hlekki á
gildandi reglur og góð dæmi sem
sýna hvernig hægt er að veðja og
öðlast árangur.
„Hesturinn hefur ákveðið
hlutverk í til dæmis ferðaiðnaði og
við ýmiss konar meðferðir. Þrátt
fyrir það eru störf innan greinarinnar
takmörkuð. Ríkisstjórnin vill leggja
áherslu á að landbúnaður er meira
en matvælaframleiðsla og hesturinn
er einn hluti af viðbótargreinum í
landbúnaði. Margir bændur sem
eru með í Opnum landbúnaði nota
hesta við þá kynningarvinnu og
leiðbeiningarnar hjálpa til við að
gera þessa grein sýnilegri og að
þróa áfram félagslegan ávinning
af því að halda hesta,“ segir Jon
Georg og bætir við:
„Í Svíþjóð er hestagreinin stór
og var veltan þar um 48 milljarðar
sænskra króna árið 2013 en í Noregi
á sama tíma var veltan rétt rúmir 7
milljarðar norskra króna. Það eru
um 100 þúsund hestar í Noregi
og þumalputtareglan segir okkur
að hægt sé að skapa eitt starf fyrir
hverja tíu hesta og því ætti að vera
hægt að gera meira úr þessari grein
í Noregi.“
/ehg – Norska landbúnaðar-
og matvælaráðuneytið
Norðmenn vilja auka
vægi hrossaræktar
Hestar geta skapað arðbær störf úti á landi, segir landbúnaðar- og
matvælaráðherra Noregs, Jon Georg Dale.
TINE vill auka sjálfbærni í mjólkurframleiðslunni með því að framleiða