Fréttabréf Öryrkjabandalags Íslands - 01.06.1995, Page 41

s
Frá Alnæmissamtökunum á Islandi
Aðalfundur Alnæmissamtakanna á
íslandi var haldinn 26.febrúar sl.
á Hótel Lind og var hann fjölsóttur
vel.
Fram kom í skýrslu stjómar, að í
ýmsu hefði verið vel gert á liðnu
starfsári, en aðstaða samtakanna á
Hverfisgötu 69 er þeim mjög dýrmæt,
en frá afhendingu Reykjavíkurborgar
á því húsnæði hefur áður verið sagt á
vettvangi blaðsins.
Starfsmaður samtakanna er Gréta
Adolfsdóttir og skrifstofutíminn er
alla virka daga, mánudaga til föstu-
daga, kl. 13-17. Petrína Ásgeirsdóttir
félagsráðgjafi er til viðtals einu sinni
í viku í aðsetri samtakanna. Jákvæði
hópurinn heldur vikulega fundi og
aðstandendahópurinn fundar mán-
aðarlega. Úthlutun styrkja til þeirra
sem sjúkir eru er býsna fyrirferða-
mikil, enda þeir verið mörgum afar
dýrmætir, hvort sem það hafa verið
almennir styrkir, jólastyrkir eða ferða-
styrkir. Samtökin njóta styrks á fjár-
lögum, fá auk þess styrki frá Rauða
krossi íslands, Reykjavíkurborg og
Öryrkjabandalagi Islands svo helztu
aðilar séu nefndir.
En merkasta átakið á allan veg var
það sem þau kalla ÍTR-átakið,
kennt við íþrótta- og tómstundaráð
Reykjavíkur, sem þarna var sam-
starfsaðili ágætur, en til þess fengu
samtökin styrk frá þrem ráðuneytum:
félags-, heilbrigðis- og menntamála.
Fræðsluvika var um alnæmi -or-
sakir og afleiðingar- í félagsmiðstöðv-
um á höfuðborgarsvæðinu. Fulltrúi
frá Jákvæða hópnum kom og talaði
við unglingana og svo áttu þeir að leita
sér frekari fræðslu og það gerðu þeir
svo sannarlega, því þeir skrifuðu um
þetta heilmikið á eftir. Samhliða
þessu söfnuðu unglingarnir svo fé og
iðkuðu maraþondans til styrktar
samtökunum sem skilaði hvorki meira
né minna en 1,6 milljónum króna og
munu þó varla öll kurl komin til
grafar. Fjölskylduhátíð var svo í
Kolaportinu 1. desember og þar kom
fram mikill fjöldi listamanna sem gaf
vinnu sína.
Á aðalfundinum fluttu Petrína
Ásgeirsdóttir félagsráðgjafi og dr.
Haraldur Briem yfirlæknir erindi góð
og urðu af umræður nokkrar.
Stjórn félagsins skipa nú: Björg-
vin Gíslason formaður; Eggert S.
Sigurðsson varaform.; Guðni Bald-
ursson gjaldkeri; Hólmfríður Gísla-
dóttir ritari; Sigrún Guðmundsdóttir
meðstjórn.
Til vara voru kjörin: Björk
Bjarkadóttir og Árni Fr. Gylfason.
Eggert S. Sigurðsson er af samtak-
anna hálfu fulltrúi í stjórn Öryrkja-
bandalagsins. H.S.
Sigurður Gunnarsson fv.skólastjóri:
Fagnaðaróður til vorsins
Daginn lengja óðum er
ómar vorsins harpa.
Innan stundar fljúga fer
fugl í tún og varpa.
Vorsins boði, fuglinn fær,
fagri sumargestur,
þú ert okkur undur kær
allra gesta bestur.
Hækkar nú á himni sól
hýrnar jarðarvangi,
vaknar allt sem áður kól
undir vetrarfangi.
Komdu blessuð, bjarta sól
besta lífsins yndi.
Þú gefur kossa grund og hól,
gnípu og hverjum tindi.
Þú gefur öllu Ijós og líf
sem lifir hér á jörðu,
ert þeim veiku vernd og hlíf
vörn í stríði hörðu.
Þig ég ætíð elska mun
ævidaga mína.
Þó að verði þjóðahrun
þú munt ávallt skína.
Sæla mér um sálu fer
sumars brátt við njótum.
Ómar vorsins ylja mér
inn að hjartarótum.
S.G.
FRÉTTABRÉF ÖRYRKJABANDALAGSINS
41