Orð og tunga - 2020, Page 14

2 Orð og tunga
(1) Heimsókn í bústað: ÍSTAL (04­701­05)3
01 A: já það er mjög skemmtilegt gott að vera þarna á Völlum hef ég
02 hef ég heyrt=
03 B: =já (.)
04 A: (x) [(x) ]
05 B: [æðislega] fallegt þarna í kring og svona
06 A: jájá
→ 07 B: ég fór einmitt hvað fyrir tveimur árum þá fór ég að heimsækja
08 þarna fólk sem var að vestan þarna í (.) bústað
09 A: já
10 B: og það er orðið svo gróið sko ég man eftir því hérna þegar pabbi
11 og mamma voru þarna í bústað einhvern tímann
Hér er rætt um tiltekið sumarbústaðahverfi sem B þekkir vel til og
lýsir hann hversu mikið hafi gróið þar upp frá þeim tíma þegar for­
eldrar hans dvöldu þar fyrir alllöngu og þar til hann kom þangað
aftur nýlega, fyrir tveimur árum að öllum líkindum sem hann gefur
til kynna með því að skjóta inn orðinu hvað á undan ártalinu (lína
7). Hér má glöggt sjá að ekki er verið að spyrja viðmælandann, inna
hann svars á einhverju sem mælanda er ókunnugt um: hann bíður
ekki eftir viðbrögðum heldur talar áfram ótrauður. Orðið já í línu 9
er ekki svar A heldur endurgjöf, þ.e. A gefur til kynna að hann sé að
hlusta og með á nótunum.
Svipað er uppi á teningnum í dæmi (2) þar sem tveir félagar ræða
um tölvur og tölvuskjái og hversu stórir þeir séu orðnir. A man ekki
nákvæma stærð tölvuskjásins en skýtur á tiltekna tölu (lína 7). Við­
brögð B í línu 10 og framhald samtalsins sýnir enn fremur að þeir eru
á einu máli um það að þeir hafi fulla þörf fyrir svo stóra skjái.
(2) Skjár: ÍSTAL (07­220­03)
01 A: =þeir hafa alltaf verið stórir og (e-) ((diskaglamur)) það er
02 bara út af sko gæði ((diskaglamur)) (x) byggjast svolítið upp á
03 dýptinni í
04 B: já ((andar)) (.)
05 A: einhvern veginn í bjögun upp á bjögun að gera sko
06 B: já ((smjattar)) (.) ((diskaglamur))
3 Dæmin sem valin eru í greininni birtast eins og þau voru upphaflega skráð af
að stand endum ÍSTALS­verkefnisins (sjá nánar um ÍSTAL í 2. kafla). Skráningin
er gróf og sýnir hvorki hljómræna þætti né nákvæma tímamælda lengd þagna
en fylgir að öðru leyti í stórum dráttum hefðbundnum umritunaraðferðum
samtals grein ingar, sbr. t.d. Hutchby og Wooffitt (2008:73–87) (sjá Þórunni Blöndal
2002:7–8). Lykil að umskráningu og þeim táknum sem við hana eru notuð er að
finna aftan við greinina sjálfa.
tunga_22.indb 2 22.06.2020 14:03:49