Íþróttablaðið - 01.02.1983, Page 72

Hart — Veikt og segir nafngiftin
töluvert um einkenni stílsins.
Shotokan er stíll sem einkennist
af djúpum fótstöðum og notkun
fóta og langdrægra högga.
Shotokan á rót sína að rekja til
hins forna tígursstíls og má oft
finna samsvörun við hreyfingar
tígursins eða kattanna, en sem
kunnugt er þá er kötturinn
þekktur fyrir snjalla vöm sína og
að reka á brott jafnvel miklu
stærri dýr með tækni sinni og
bardagaaðferðum bæði í sókn og
vöm.
í karate er notað sérstakt
beltakerfi sem sýnir kunnáttu og
hæfni iðkendanna. Tekur langan
tíma og próf að vinna sér nýjan
beltislit að ekki sé talað um að ná
svarta beltinu sem þykir mjög
eftirsóknarvert. Enginn má veita
nemanda gráðu eða belti nema
viðkomandi hafi öðlast svart belti
og mjög alvarlegum augum eru
litin öll brot á þeirri reglu.
Sem fyrr greinir munu um 600
manns stunda æfingar í karate á
íslandi um þessar mundir. Um
20% þeirra er æfa eru stúlkur en
um 80% karlmenn. Langflestir
iðkendur hérlendis eru á aldr-
inum 10—26 ára en þó eru stöðugt
að aukast æfingar eldra fólks og
eru þess jafnvel dæmi að fólk sem
komið er á eftirlaunaaldur stundi
karate. Slíkt er raunar alls ekki
óalgengt erlendis þar sem
keppnismenn eru yfirleitt á aldr-
inum 30—40 ára og iðkendur oft
orðið roskið fólk. Þess má til
gamans geta að flestir þeir þjálf-
arar sem eru á heimsmælikvarða
eru orðnir aldraðir og er t.d.
viðurkenndasti þjálfarinn í
heimi, N. Nakayma 9. dan rösk-
lega sjötugur.
Sagt er að einn af hverjum
hundrað sem byrja að stunda
karate nái þeim áfanga að fá
svart belti. Hinir hætta áður en
markmiðinu er náð. Sumir sem
æfa karate hafa raunar engan
áhuga á belta- og gráðukerfinu
og fara ekki í próf, þar sem þeir
stunda íþróttina eingöngu sér til
heilsubótar og skemmtunar.
Frh. á bls. 81
Óneitanlega vígaleg stelling
Fjöldi þeirra er iðka karate fer stöðugt vaxandi hérlendis. Myndin vartekin á karate-æfingu fyrir skömmu.
72