Íþróttablaðið - 01.11.1991, Qupperneq 15

formi um þessar mundir og þarf
nokkrar vikur til viðbótar til þess að
ná mér á strik. Að mínu mati er liðið
okkar það gott að við eigum að kom-
ast í átta liða úrslitin.
Annars finnur maður það fljótt hér
á íslandi að kvenfólk fær ekki eins
mikla athygli og umfjöllun í fjölmiðl-
um og karlmenn. Það kemur niður á
íþróttinni. Mér finnst jákvætt hjá lið-
unum að fá erlenda leikmenn til liðs
við sig því við getum kennt íslenskum
stúlkum ýmislegt hvað varðar tækni
og taktík. Eg finn það á stelpunum
sem ég þjálfa að þær eru að læra
eitthvað nýtt á hverri æfingu.
Það undarlegt að hér skuli stelpur
stunda tvær til þrjár íþróttagreinar.
Það kemur fyrir að handboltastelpur
kasta bolta eins og þær séu í körf-
bolta. Og þær eiga það til að verjast
án þess að þora að snerta andstæð-
inginn eins og tíðkast í körfubolta.
Þetta gengurekki upp ef árangur á að
nást."
— Hvernig hefur þér líkað í Kefla-
vík til þessa?
„Mjög vel en það er kalt hérna."
— Ertu ólofuð?
„Já, en ætlarðu að taka það fram?"
5. flokkur í handbolta ásamt þjálfurunum.
Meistaraflokkur HKN í handbolta.
ERLING HANNESSON, FORMAÐUR HKN
Erling Hannesson.
„í fyrsta sinn leika meistaraflokk-
ar Njarðvíkur og Keflavíkur í hand-
bolta undir einu merki — merki
HKN. Það stendur fyrir handknatt-
leiksfélag Keflavíkur og Njarðvíkur
en formaður þess er Erling Hannes-
son. „Undanfarin ár hafa bæði liðin
átt miðlungs lið í 2. deild og var
ákveðið að sameina liðin til þess að
freista þess að ná betri árangri. Við
erum með sterkt lið á pappírnum en
síðan á eftir að koma í Ijós hvort það
er nógu sterkt til að vinna sig upp.
Meistaraflokkar þessara liða í
kvennabolta eru sömuleiðis samein-
aðir en þeir leika undir merkjum ÍBK.
Meginuppistaða þess liðs eru stúlkur
úr Njarðvík sem urðu íslandsmeistar-
ar í 3. flokki tvö ár í röð. Yngri flokkar
kvenna leika líka undir merkjum ÍBK
en allir karlaflokkarnir undir merkj-
um HKN."
— Er erfitt að reka handboltalið á
þessu körfuboltasvæði?
„Já, það er mjög erfitt — því körfu-
boltinn fær mest allt fjármagn sem
rennur til íþróttamála á þessu svæði.
Sum fyrirtæki hafa stutt vel við bakið
á handboltanum og vonandi heldur
sá Stuðningur áfram. Það segir sig
sjálft að það er betra að afla fjár fyrir
eitt lið en tvö og hvað það varðar er
sameiningin til bóta."
Sá gamalkunni refur, Hannes
Leifsson, þjálfar HKN en með lið-
inu leikur sterkur leikmaður frá Lit-
háen. „Hann var kjörinn einn af
þremur bestu varnarmönnum Dan-
merkur þegar hann lék þar," segir
Erling.
— Hvernig gengur að halda úti
yngri flokkum?
„Það er erfitt því körfuboltahefð-
in er svo sterk. Eftir sameininguna
þurftum við að draga tvo flokka út
úr keppni vegna þess að við áttum
hreinlega ekki í lið. Það skiptir
miklu máli að koma meistaraflokki
upp í 1. deild því það virkar hvetj-
andi á yngri iðkendurna."
— Ertu bjartsýnn á að það takist?
„Ég held að sameiningin sé af
hinu góða og í raun fyrsta skrefið í
átt til betri árangurs. Við ætlum
okkur að byggja upp handboltann á
Suðurnesjum og ég er bjartsýnn á
að það takist."
15