Íþróttablaðið - 01.11.1991, Side 24

„ÞETTA VAR ALLT
GERT AF ÁST
OG ÁHUGA"
Það er varla hægt að skrifa um
íþróttir í Keflavík án þess að minnast
á þann mann sem var aðalhvatamað-
urinn að stofnun íþróttabandalags
Keflavíkur árið 1956. Hann heitir
Hafsteinn Guðmundsson og er for-
stöðumaður Sundmiðstöðvarinnar í
Keflavík í dag.
Það má í raun segja að Hafsteinn
sé algjört félagsmálatröll því hann
hefur víða komið við. Hann er uppal-
inn Valsmaður og lék með öllum
flokkum félagsins, bæði í fótbolta og
handbolta um margra ára skeið.
Hann lék 150 meistaraflokksleiki
með Val í knattspyrnu á 14 árum
(1942-'55), á fjóra landsleiki að baki
ogvarsíðan landsliðseinvaldur í 5 ár.
Hann var í stjórn HSÍ um tíma, for-
maður handknattleiksráðs Reykja-
víkur, sat í stjórnum hjá Val, þjálfaði
víða og svo mætti lengi telja. Það
hefur margt á daga Hafsteins drifið
síðan byrjaði í boltanum en heyrum
stuttlega í honum sjálfum.
„Ég var svo mikill Valsmaður að ég
hékk á Hlíðarenda öllum stundum á
mínum yngri árum. Eftir að ég lauk
prófi frá íþróttaskólanum á Laugar-
vatni kallaði Þorsteinn Einarsson,
íþróttafulItrúi ríkisins, mig á sinn
fund og óskaði eftir því að ég gerðist
íþróttkennari á Suðurnesjum. Hann
valdi sér frískan fótboltastrák til þess
að fara þangað því það var ekkert
íþróttahús til á Suðurnesjum og átti
kennslan því að byggjast upp á knatt-
spyrnuiðkun utanhúss. Ég kenndi í
HAFSTEINN
GUÐMUNDSSON,
AÐALHVATA-
MAÐURINN AÐ
STOFNUN ÍBK
Garðinu, Sandgerði og Keflavík —
tvo daga á hverjum stað fyrir sig. Það
gerði ég í þrjá vetur en lék jafnframt
áfram með Val. Ferðir mínar suður
með sjó gerðu það að verkum að ég
gifti mig til Keflavíkur og þegar ég
flutti þangað endanlega hafði ég
strax hug á því að gera Keflavík að
sérstöku íþróttahéraði. Knattspyrnu-
lið frá íþróttabandalagi Suðurnesja
samanstóð af mönnum af öllum
skaganum en ég vildi stofna sérstakt
bandalag í Keflavík. Það varð úr að
íþróttabandalag Keflavíkur var stofn-
að árið 1956 og ég var kosinn for-
maður þess. Þeirri stöðu gegndi ég
reyndar næstu tuttugu árin.
Á þessum árum var mesta áherslan
lögð á knattspyrnuna en hér var þó
ágætis sundlið, frískir frjálsíþrótta-
krakkar og sjálfur gutlaði ég áfram í
handbolta með ÍBK. Reyndar tók ég
fram skóna aftur hér í Keflavík og lék
með ÍB K þar til ég var að verða fertug-
ur. Á tímabili var ég þjálfari, fyrirliði,
þjálfaði yngri flokkana og gegndi
öðrum stöðum. Þá var þetta allt gert
af ást og áhuga án nokkurra
greiðslna. ÍBK lagði strax mikla
áherslu á yngri flokkana og árið 1959
varð 4. flokkur ÍBK íslandsmeistari.
Uppistaða þess liðs skipaði síðan
gullaldarliðið sem stóð sig einstak-
lega vel á árunum 1964 til 1975. Á
þeim árum stóðum við einmitt í hvað
mestri baráttu við Val um íslands-
meistaratitilinn. Liðinu gekk vel og
tók þátt í Evrópukeppni sjö ár í röð
sem þýðir að það hefur þá ýmist lent í
1. eða 2. sæti í deildinni á þessum
árum."
— Ertu sáttur við þróunina í ÍBK frá
því þú dróst þig í hlé?
„Já, ég held ég geti verið það. Ég er
vitanlega ekki ánægður með gengi
ÍBK í fótboltanum en það er verið að
vinna vel í yngri flokkunum og það á
eftir að skila sér."
24