Íþróttablaðið - 01.11.1991, Síða 47

Mauri Oksanen sæmdur Gullmerki ÍSÍ.
daga. Stefnt er að því að hafa eina
vináttuhelgi.
Það er full ástæða til að hvetja félög
og einstaklinga til að taka þátt í þessu
þarfa og skemmtilega verkefni.
Trimmhópar víða um land.
Trimmnefnd ÍSÍ hafa borist þó
nokkrar beiðnir um aðstoð við að
koma af stað trimmhópum í hinum
ýmsu byggðarlögum landsins. Nú
þegar hefur Trimmnefndin aðstoðað
hóp fólks á Hólmavík við að koma
slíkum hóp af stað. Pví vill Trimm-
nefnd ISI hvetja alla þá er hafa áhuga
á að stofna svona hópa, er hafa það
að markmiði að stunda holla hreyf-
ingu og útiveru, og vantar aðstoð við
að koma þeim af stað að hafa sam-
band við Trimmnefndina því hún er
reiðubúin til að aðstoða.
Þetta er mjög ánægjuleg þróun
sem er að eiga sér stað því það virðist
sem fólk sé að verða meira meðvitað
um gildi hollrar hreyfingar og útiveru
ásamt hollu mataræði.
Nýr forseti íþróttasambands
Islands.
Við fráfall Sveins Björnssonar, for-
seta ISI, tók Ellert B. Schram, varafor-
seti, við embætti forseta ÍSÍ. Ellert var
kjörinn varaforseti ÍSÍ á síðasta
Iþróttaþingi. Þá varð Árni Þór Árna-
son, sem var fyrsti varamaður í fram-
kvæmdastjórn ÍSÍ, aðalmaður í
stjórninni en varamenn eru 5 talsins
og fer röð þeirra eftir atkvæðamagni
er þeir hlutu við kosningu á íþrótta-
þingi.
Þeim Ellert og Árna er óskað vel-
farnaðar í þessu mikla og vandasama
starfi.
Þing sérsambanda
Nú er sá tími þegar sérsambönd
ÍSI halda sín ársþing og hefur
Sundsamband Islands þegar haldið
sitt þing og var það haldið á Selfossi.
Tennissambandið verður með sitt
þing 19. okt. í Reykjavík. í nóvember
munu Hestaíþróttasambandið,
Frjálsíþróttasambandið og Knatt-
spyrnusambandið halda sín þing. HÍS
mun halda sitt þing í Húnavalla^kóla
9. nóv. FRI verður með sitt þing á
Laugarvatni 23. nóv. og Knattspyrnu-
sambandið heldur sitt um mánaðar-
mótin nóv./des. á Höfn í Hornafirði. Á
þessari upptalningu sést að sérsam-
böndin virðast í ár vera mikið með
þing sín úti á landi og er það mjög
ánægjulegt að geta dreift þingstöð-
um.
Finnskir íþróttaleiðtogar
sæmdir heiðursmerkjum ÍSÍ
Samstarfsfundur íþróttasam-
banda Norðurlandanna var haldinn í
Vierumaki í Finnlandi um miðjan
september s.l. Fundinn sátu af hálfu
ISI Sigurður Magnússon, fram-
kvæmdastjóri ÍSÍ, og Sigurður Jóak-
imsson, stjórnarmaður ISI.
Við það tækifæri voru tveir af for-
ystumönnum finnska íþróttasam-
bandsins, formaðurinn Jukka Gunila
og framkvæmdastjórinn Mauri Oks-
anen, sæmdir heiðursmerkjum ISl.
Þeir hafa báðir tekið virkan þátt í nor-
rænu samstarfi í fjölda ára og eiga
áratuga starfsferil að baki í forystu-
sveit finnskra íþrótta.
Hverabakarí
Heiðmörk 35,
810 Hveragerði
S 98-34179
Útsölustaðir:
Höfn, Selfossi,
Hagkaup, Reykjavík,
Mikligarður, Reykjavík,
KRON, Eddufelli,
Verslunin Hveragarður, Hveragerði,
Verslunin Kjarabót, Selfossi.