Bændablaðið - 30.07.2020, Side 2

Bændablaðið | Fimmtudagur 30. júlí 20202
FRÉTTIR
Kjötafurðastöð Kaupfélags Skagfirðinga og Fjallalamb á Kópaskeri:
Engar ákvarðanir um afurðaverð
– Gert ráð fyrir erlendu starfsfólki en meiri tilkostnaði við að koma því til landsins
„Stefna okkar er að gera ávallt
okkar besta í að greiða raunhæft
afurðaverð sem byggir á markaðs-
og rekstrarlegum forsendum,“
segir Ágúst Andrésson, forstöðu-
maður Kjötafurðastöðvar KS.
Ákvörðun um afurðaverð í kom­
andi sláturtíð hjá KS liggur ekki fyrir,
en búið er að gefa út álags greiðslur
fyrir fyrstu vikurnar. Hann segir þó
líklegt að farið verði yfir það og
metið hvort þörf sé á endurskoðun
á því sem áður hefur verið kynnt.
Það yrði gert fljótlega.
Ágúst segir að birgðastaða verði
í lágmarki þegar slátrun hefst í haust
og því minni þörf á útflutningi.
„Það er eins og gengur að sumt
fellur með, annað á móti. Við erum
að meta þetta og ræða við okkar
helstu kaupendur um hvernig
verð geti þróast í haust. Þegar það
liggur fyrir þá munum við gefa út
upphafsverð og meta það svo þegar
fram líður hvort við getum bætt
einhverju við, eins
og verið hefur,“
segir Andrés.
Líklegt að
slátrun hefjist
24. ágúst
Stefnt er að því
að hefja slátrun
hjá KKS dagana
24. eða 25. ágúst
en nokkru síðar
hjá SKVH á Hvammstanga, eða
7. september. Ágúst kveðst vonast
eftir sambærilegu innleggi og á liðnu
hausti en félagið gæti bætt við sig.
Aukinn kostnaður við
að koma fólki til landsins
Hvað mönnun sláturhúsa varðar
segist hann gera ráð fyrir að leysa
málin með erlendu vinnuafli líkt og
verið hefur undanfarin ár.
„Aðalmálið er að finna út úr því
hvað við þurfum að gera til að koma
manskapnum til okkar, vinna það
í tíma til að gæta fyllsta öryggis í
sóttvörnum vegna kórónuveirunnar.
Hvernig sem á það er litið þá mun
fylgja því aukinn kostnaður,“ segir
Ágúst. Sú breyting verður þó á í
haust að nýsjálenskir slátrarar verða
ekki að störfum hjá KKS í haust og
því þarf að þjálfa annað starfsfólk í
þær stöður sem þeir áður gegndu.
„Við munum að öllum líkindum
fara aðeins hægar af stað með minni
slátrun hvern dag,“ segir hann.
Fjallalamb tjáir sig ekki
um viðmiðunarverð LS
Sláturtíð hjá Fjallalambi á Kópaskeri
hefst 15. september og henni lýkur
í lok október. Hugsanlega verður
einhver forslátrun fyrr, að sögn
Björns Víkings Björnssonar fram­
kvæmda stjóra.
Hann segir að
margir af starfs­
mönnum fyrri
ára hafi sótt um
vinnu í sláturtíð
hjá Fjallalambi en
kórónuveiran hafi
veruleg áhrif þar
á. „Það snýst allt
um það að koma
eins og mögulegt
er í veg fyrir að
smit komist inn í
fyrirtækið. Þess vegna vil ég frekar
ráða fólk sem býr á Íslandi, en það
er lítið sótt um.“
Björn Víkingur segir birgðastöðu
fyrirtækisins nokkuð góða. Hann vill
ekki tjá sig um viðmiðunarverð sem
Landssamtök sauðfjárbænda gáfu út
fyrir nokkru. „En hækkun til bænda
hlýtur að vera háð væntingum okkar
um hækkanir úti á markaði,“ segir
Björn Víkingur.
/MÞÞ
Ágúst
Andrésson.
Þriðji sláttur
á Suðurlandi
Sláttur hefur gengið mjög vel á
Suðurlandi það sem af er sumri.
Margir kláruðu fyrsta slátt
snemma, annar sláttur er hafinn á
einhverjum bæjum og reiknað er
með að bændur, að minnsta kosti
undir Eyjafjöllum og í Landeyjum,
nái þriðja slætti þar sem fyrst var
byrjað.
„Ég er aðeins hissa á hvað rúllu­
heys kapurinn heldur velli þar sem
stæðu gerðin er spennandi kostur og
lítið eða ekkert plast. En rúlluhey­
skapur hefur marga kosti enda er hann
fljótlegur og menn geta nýtt glýjur
og verið sjálfbjarga,“ segir Sveinn
Sigurmundsson, fram kvæmdastjóri
Búnaðar sambands Suðurlands.
/MHH
Rúlluheyskapur. Mynd / MHH
Stofna skrifstofu
landbúnaðarmála
Atvinnuvega- og nýsköpunar-
ráð uneytið auglýsir laus embætti
þriggja skrifstofustjóra en með
ráðning unum á að efla fag skrif-
stofur ráðuneytisins og skerpa á
skiptingu málaflokka.
Frá 1. október nk. verða þrjár
nýjar fagskrifstofur settar á fót í stað
tveggja. Um er að ræða skrifstofu
land búnaða rmála, skrifstofu
matvælaöryggis og fiskeldis og
skrifstofu sjávarútvegsmála. Á hverri
skrifstofu um sig munu starfa 8–10
manns.
Skrifstofa landbúnaðarmála
fer m.a. með málefni er varða
búvöru samninga, landbúnaðarland,
starfsskilyrði landbúnaðar, grein ingar
og þátttöku í gerð viðskiptasamninga.
Á skrifstofu matvælaöryggis og
fisk eldis verða málefni sem varða
heilbrigði afurða landbúnaðar og
sjávar útvegs, dýravelferð og fiskeldis
í hafi og á landi.
Hæfniskröfur eru m.a. meistara­
próf á háskólastigi sem nýtist í starfi.
Umsóknar frestur er til 12. ágúst en
sjávarútvegs­ og landbúnaðarráðherra
skipar í embættin til fimm ára frá 1.
október 2020. /TB
Björn Víkingur
Björnsson.
Greiðslumiðlunarfyrirtækið Korta heldur eftir kreditkortagreiðslum aðila í ferðaþjónustu:
Ekki fengið greitt í marga mánuði
Greiðslumiðlunarfyrirtækið
Korta hefur haldið til baka kredit -
korta greiðslum til ferða þjónustu-
fyrirtækja innan vébanda Ferða-
þjónustu bænda og fleiri aðila í
ferða þjónustu. Dæmi eru um að
fyrirtæki hafi ekki fengið greidd-
ar kreditkortafærslur í marga
mánuði.
Ólöf Hallgrímsdóttir hjá Voga­
fjósi ehf. segir að Korta hafi ekki
borgað þeim út greiðslur sem
greiddar hafa verið með kreditkort­
um. „Korta borgar okkur allar debet ­
greiðslur samkvæmt samningi en
kreditgreiðslur virðast koma eftir
geð þóttaákvörðunum fyrirtækis­
ins. Þeir hafa aðeins verið að borga
okkur út undanfarið en af og frá að
þeir hafi gert það samkvæmt gild­
andi samningi.“
Jóhannes Már Sigurðsson, lög­
fræðingur Vogafjóss ehf., segist
hafa verið í sambandi við Korta
og lagt fram beiðni um hvort þeir
séu tilbúnir að færa samninginn
við Vogafjós um dagleg uppgjör til
fyrra horfs en það voru þeir sem
breyttu honum einhliða. „Að þeirra
sögn er verið að fara yfir það og
þeir segja að næsta greiðsla eigi að
koma fljótlega. Lögmæti þess að
breyta samningnum er enn í skoðun
og ólíklegt að niðurstaða eða álit um
það verði komin fyrr en eftir nokkra
daga. Við bíðum einnig eftir svari
þeirra um kröfu Vogafjóss um að
upprunalegur samningur standi og
verði virtur. Korta ber því við að
sökum COVID­19 hafi aðstæður
breyst og að því sé þeim heimilt
að breyta samningnum. Ég er því
enn að meta réttarstöðu Vogafjóss
og vonandi skýrist hún á næstu
dögum.“
Fleiri að lenda í þessu
Sölvi Arnarsson, bóndi að Efstadal
II og formaður Félags ferða þjón­
ustu bænda, segir að samkvæmt
þeim upplýsingum sem hann hafi
sé það rétt að greiðslumiðlunar­
fyrirtækið Korta hafi ekki gert upp
greiðslukortagreiðslur við marga
af félagsmönnum í Félagi ferða­
þjónustubænda samkvæmt samn­
ingi. „Ég hef upplýsingar um sjö af
okkar bæjum sem hafa lent í þessu,
en ég hef líka heyrt um að það séu
fleiri en okkar fólk sem ekki fær
greitt. Upphæðirnar sem um ræðir
eru misjafnar eftir fyrirtækjum. Sú
hæsta sem ég hef heyrt er um 15
milljónir.“
Að sögn Sölva er Félag ferða­
þjónustubænda með lögfræðing sem
er búinn að skoða málið í nokkra
mánuði. „Samkvæmt þeim upplýs­
ingum sem ég hef hefur Korta ekki
greitt út neinar fyrirframgreiðslur
sem fyrirtækið gæti hugsanlega
orðið skaðabótaskylt fyrir nema að
undangenginni skoðun á bókhaldi
fyrirtækisins sem á að fá greiðsl­
una. Slík krafa er að öllu leyti mjög
óeðlileg.“
Búið að veita
þjónustu en ekkert greitt
Bryndís Óskarsdóttir hjá Ferða­
þjónust unni Skjaldarvík segir að
Korta hafi haldið til baka öllum
kredit korta greiðslum til þeirra frá
því um mánaða mótin mars og apríl.
„Ég er ekki bara að tala um fyrirfram­
greiðslur heldur öllum kreditkorta­
greiðslum sem við höfum tekið á
móti síðan þá og í dag eigum við
inni hjá þeim heilmiklar fjárhæðir
sem virkilega skipta máli fyrir lítið
fyrirtæki eins og okkar. Umræddar
fjárhæðir sem Korta heldur eftir bera
litla eða enga vexti á meðan okkar
fyrirtæki þarf að fjármagna sig með
dýrum lánum í gegnum banka.
Samkvæmt svörunum sem við
höfum fengið segist Korta vera að
vernda rétt korthafa sem hafa greitt
fyrir fram með kreditkorti en það
sem þeir halda eftir frá okkur eru
bæði greiðslur fyrir veitta þjónustu
sem og fyrirframsölu, sem er nánast
einvörðungu svokallaðar óendur­
kræfar bókanir, en við höfum í ljósi
aðstæðna boðið þeim gestum sem
áttu hjá okkur slíkar bókanir að fá
inneignarnót.“
Að sögn Bryndísar er hún búin að
skipta um kortafyrirtæki.
Bryndís hafði samband við blaðið
skömmu áður en það fór í prentun og
sagðist hafa verið að fá tilkynningu frá
Kortu um að hún fengi hluta greiðsln­
anna, sem þeir hafa haldið eftir, fljótlega.
Fleiri gististaðir í sömu sporum
Guðjón Árnason, sem rekur Downtown
Reykja vík Apartments, segir að Korta
skuldi sér rúmar 5 milljónir króna frá
því í mars. „Hluti skuldarinnar er vegna
fyrirframgreiddrar þjónustu en það sem
stendur eftir frá því í mars er löngu frá­
gengið við ferðamenn frá þeim tíma,
annaðhvort sem inneign eða sem endur­
greiðsla, en Korta heldur pening unum
enn þá. Upphaflega var skuldin 17 millj­
ónir króna en af henni standa 5 milljónir
eftir hjá Korta og án allra forsenda. Það
sem meira er að ég veit um mörg önnur
fyrirtæki í ferða þjónustu sem eru í sömu
stöðu. Félag hótel­ og gistihúsaeigenda
er farið að vinna í málinu með okkur.“
/VH
Kreditkortagreiðslur frá greiðslu­
mið l unar fyrirtækinu Korta til
rekstrar aðila Vogafjóss berast ekki
samkvæmt samningi. Mynd / Vogafjós
Korta hafnar ásökunum um ólögmætar aðgerðir
Bændablaðið leitaði til greiðslu-
miðlunarfyrirtækisins Korta vegna
fullyrðinga um að fyrirtækið héldi
eftir kreditkortagreiðslum vegna
fyrirframgreiddrar þjónustu.
Í yfirlýsingu frá Korta segir:
„Korta bendir á að vegna COVID­
19 faraldursins og áhrifa á ferða­
þjónustuaðila hafi félagið kallað eftir
upplýsingum um fyrirframsölu frá
viðskiptavinum og framkvæmt nýtt
áhættumat, sem í sumum tilvikum
hafi haft áhrif á uppgjörstíðni.
Langflestir viðskiptavinir hafi
sýnt þessum aðgerðum skilning.
Aðeins hafi fáeinir aðilar neitað að
skila gögnum.
Ástæða aðgerðanna er mögu­
leg endurkröfuáhætta Korta vegna
fyrirframsölu ferðaþjónustuaðila.
Sú meginregla gildir í viðskiptum
að neytandi sem hefur greitt fyrir
þjónustu sem hann fær ekki notið,
á eftir atvikum og að uppfylltum
skilyrðum hverju sinni, rétt til
endurgreiðslu. Þessi regla er meðal
annars áréttuð í skilmálum alþjóð­
legu greiðslukortafyrirtækjanna,
Visa og Mastercard, sem færsluhirð­
ar eins og Korta starfa eftir, og er
grundvöllur þess trausts sem notk­
un greiðslukorta byggir á. Í þessu
felst að korthafi getur gert kröfu um
endurgreiðslu þjónustu sem greitt
hefur verið fyrir, ef söluaðili getur
af einhverjum ástæðum ekki veitt
þjónustuna, burtséð frá afbókunar­
skilmálum bókunar.
Af þessum sökum áskilur Korta
sér, líkt og aðrir færsluhirðar, rétt
til að kalla eftir upplýsingum og
framkvæma áhættumat til að meta
endurkröfuáhættu. Korta hafnar því
að aðgerðir félagsins stangist á við
lög eða séu óeðlilegar. Þvert á móti
eru heimildir til upplýsingaöflunar
og til að halda eftir uppgjöri í fullu
samræmi við lög um greiðsluþjónustu
og reglur um eðlilega og heilbrigða
viðskiptahætti. Aðgerðirnar byggja
á skýrum ákvæðum í skilmálum
Korta og verklagi sem viðhaft er hjá
færsluhirðum um heim allan. Slíkar
heimildir eru enn fremur eðlilegar til
að gera Korta kleift að hafa skýra yfir­
sýn yfir endurkröfuáhættu félagsins
gagnvart söluaðila og til að takmarka
áhættu.
Mikils misskilnings gætir í
um ræð unni um eðli færsluhirðingar
og endurkröfurétt korthafa. Félagið
hefur fullan skilning á erfiðum
aðstæð um margra ferðaþjónustuaðila
og hefur eftir fremst megni reynt að
taka tillit til þeirra við úrlausn mála.
Korta áréttir að allir fjármunir sem
félagið móttekur eru tryggilega varð­
veittir á sérgreindum vörslureikningi
í samræmi við gildandi lög.“
/VH
Afkoma MS
batnar
Samkvæmt ársreikningi Mjólkur-
sam sölunnar fyrir 2019 batnaði
afkoma hennar frá árinu þar á
undan. 167 milljón króna hagnað-
ur var á starfsemi MS á síðasta ári.
Ari Edwald, forstjóri MS, segir að
afkoma af reglulegri starfsemi eftir
skatt sé sú sama 2018 og 2019, eða
hagnaður upp á tæpar 170 milljónir
króna. „Munur á niðurstöðu milli ára
felst í gjaldfærslu árið 2018 á sekt
Sam keppniseftirlitsins vegna meintra
brota á samkeppnislögum. Það mál
er nú fyrir Hæstarétti en gjaldfærsla
var engu að síður framkvæmd þegar
héraðsdómur lá fyrir.
„Ég tel niðurstöðuna á síðasta
ári viðunandi miðað við aðstæður.
Það voru engar verðhækkanir á sölu­
vörum MS á árinu 2019 en miklum
kost naðar hækkunum var mætt með
hagræðingu,“ segir Ari Edwald. /VH