Bændablaðið - 30.07.2020, Blaðsíða 40

Bændablaðið | Fimmtudagur 30. júlí 202040
MATARKRÓKURINN
LÍF&LYST – BÆRINN OKKAR
Jón Kristján kaupir jörðina í
janúar 2016 af frænda sínum,
Gunnari, og konu hans, Sigrúnu,
svo flytur Þorbjörg inn haustið
2017. Byrjað var á því að fjölga
fénu aftur en það voru um 350
fjár þegar tekið var við.
Býli: Hrútatunga.
Staðsett í sveit: Hrútafirði í Húna­
þingi vestra.
Ábúendur: Jón Kristján Sæm unds­
son og Þorbjörg Helga Sigurðar­
dóttir.
Fjölskyldustærð (og gæludýra):
Við erum þrjú; Jón Kristján Sæm­
unds son og Þorbjörg Helga Sigurð­
ardóttir og tæplega þriggja mánaða
sonur okkar, Sæmundur Hólmar
Jónsson. Svo eigum við hundinn
Kátínu og köttinn Skoppu.
Stærð jarðar? Tæpir 1.800
hektarar, þar af 37 hektarar í túnum.
Gerð bús? Sauðfjárbú með nokkra
hesta til gagns og gamans.
Fjöldi búfjár og tegundir? 450
vetrarfóðraðar kindur og 25 hestar.
Hvernig gengur hefðbundinn
vinnu dagur fyrir sig á bænum?
Dagarnir eru nú mjög breytilegir
á sumrin, fer allt eftir veðri og
vindum.
Á veturna er náttúrlega byrjað
og endað á því að gefa en svo farið í
hin ýmsu störf þess á milli.
Skemmtilegustu/leiðinlegustu
bústörfin? Skemmtilegustu
bústörfin væri heyskapurinn og
fjárrag á haustin, sauðburðurinn er
líka skemmtilegur þó svo hann geti
verið krefjandi.
Hvernig sjáið þið búskapinn fyrir
ykkur á jörðinni eftir fimm ár?
Búskapurinn verður sjálfsagt lítið
breyttur eftir fimm ár. Vonandi búið
að rækta upp fleiri tún og frekari
betrumbætur á hinu og þessu.
Hvar eru helstu tækifærin í
framleiðslu á íslenskum búvörum?
Í hreinleika afurða og upprunavottun.
Hvað er alltaf til í ísskápnum?
Mjólk, ostur og egg.
Hver er vinsælasti maturinn á
heimilinu? Blessað lambalærið.
Eftirminnilegasta atvikið við
bústörfin? Það var þegar helmingur­
inn af fénu bar á fimm dögum.
Gljáðar svínakótelettur og grænmeti
Kjöt sem er gljáð með kryddjurtum
verður mjög bragðgott, þökk
sé kryddleginum með ólífuolíu,
timjan, rósmarín og lárviðarlaufi
í aðalhlutverki. Og smá chili til að
krydda lífið með.
Gljáðar svínakótelettur
› 400 g svínakótelettur
› 2 msk flögusalt
› ½ chili kjarnhreinsað
› 100 g ólífuolía
› 3 kvistir timjan
› 4 þurrkuð lárviðarlauf
› 2 kvistar af rósmarín
› 4 hvítlauksrif
Aðferð
Daginn áður, saltið allar hliðar á
svínakjötinu með því að nudda það
með flögusaltinu, bætið síðan saxaða
chili við. Setjið kjötið á disk og síðan
smá ólífuolíu yfir. Merjið timjan,
lárviðarlauf og rósmarín og stráið
þeim yfir kjötið. Bætið mörðum
hvítlauksrifjum saman við. Nuddið
kryddið saman við kjötið, setjið
plastfilmu yfir og látið það hvílast í
kæli í 12 klukkustundir.
Sama dag og á að elda kjötið, hitið þá
grillið, setjið kjötið á og eldið í 5–7
mín. á hvorri hlið, látið hvíla. Sneiðið
niður, saltið síðan og berið fram.
Með meðlæti að eigin vali.
Steikt grænmeti á pönnu
Þetta steikta grænmeti er gott með
cous cous eða hrísgrjónum.
Elskarðu grænmeti en ert ekki græn­
metisæta? Undirbúið og skerið græn­
meti sem til er í ísskápnum eða beint
af bændamarkaði; sem er ræktað á
þeim tíma sem á að elda, til dæmis
papriku, gulrætur, næpu, fennel, sell­
erí, sveppi, kúrbít, tómata, flatbaunir
og grænar baunir.
Grænmetið er fjölbreytt á sumrin og á
haustin þegar uppskera er í hámarki.
Berið þetta fram með salati.
Grænmeti að eigin vali, til dæmis:
› 1 gul paprika
› 2 litlar gulrætur
› 4 litlar næpur
› 1 fennelhaus
› 1 sellerí
› 4 fallegir sveppir
› 1 kúrbítur
› 2 tómatar
› 100 g baunir
› 4 vorlaukar
Annað hráefni:
› Ólífuolía
› ½ sítróna
› 2 hvítlauksrif
› 50 ml af grænmetissoði (vatn og
kraftur)
› 60 g soðnar kjúklingabaunir
› 3 kvistir af kóríander
Fjarlægðu rótarenda og skræl. Skerið
grænmetið, bætið á pönnuna papriku,
gulrótum, næpu, fennel og selleríi,
svo og sítrónu. Kryddið með salti
og pipar.
Bætið síðan við sveppunum, kúrbít
og tómötunum, svo og mörðum
hvítlauksrifjum. Láttu eldast í 2 mín.
yfir hóflegum hita.
Hellið seyði í, sjóðið og látið sjóða í
10 mín. yfir miðlungs hita.
Bætið við vorlauknum og baunum,
því sem á að haldast grænt og fal­
legt. Byrjið að sjóða aftur og eldið
í 2 mín.
Setjið kóríanderinn yfir. Takið af
hit anum.
Berið fram með ólífuolíu og stráið
með flögusalti.Til að stjórna
matreiðslu á grænmetinu, gættu
þess að skera grænmetið reglulega.
Mat reiðslan verður fljót og útkoman
falleg.
Aldrei hylja grænmeti með loki,
annars missir það fallegan lit og
verður grátt.
Bjarni Gunnar Kristinsson
matreiðslumeistari
Hrútatunga
Sæmundur Hólmar Jónsson.