Fréttablaðið - 22.08.2020, Síða 8

Ég held að gagnrýni
Kjalnesinga snúi
frekar að kosningaloforðum
og loforðum sem voru gefin
við sameininguna, en sá
tími er löngu
liðinn.
Þórdís Lóa
Þórhallsdóttir,
formaður borgar-
ráðs
Meirihlutinn lítur á
Kjalarnes og
Kjalnesinga sem olnboga-
börn borgarinnar.
Vigdís Hauksdóttir,
oddviti Mið-
flokksins
Sparaðu
fullt fullt fullt!
Vertu með AlltSaman hjá Nova. Slepptu öllum
óþarfa og sparaðu allt að 204.000 kr. á ári!
Nova.is/AlltSaman
Samanburður á heimapökkum með 5 farsímum með 100 GB
netnotkun og AlltSaman hjá Nova – ótakmarkað net í allt!
Farsíminn fylgir og þú sparar
REYK JAVÍK Stýrihópur um inn­
leiðingu þjónustustefnu hefur
skilað borgarráði skýrslu með 33
umbótatillögum til að uppfylla
markmið sem sett voru við sam­
einingu Reykjavíkur og Kjalarness
árið 1998. Tillögurnar koma frá
starfshópi sem settur var á laggirnar
að frumkvæði borgarfulltrúa Sjálf­
stæðisf lokksins þegar 20 ár voru
liðin frá sameiningunni.
Stýrihópurinn starfaði undir
stjórn Þórdísar Lóu Þórhallsdóttur,
formanns borgarráðs. „Það var
unnið af bæði íbúum Kjalarness og
aðilum sem veita þjónustu á Kjalar­
nesi. Hópurinn hélt frábæra vinnu­
stofu og út komu þessar 33 heild­
stæðu tillögur,“ segir Þórdís Lóa.
Tillögurnar eiga ekki aðeins við
um Reykjavíkurborg. „Þetta er allt
frá ofanflóðamálum, samgöngum,
að setja upp skólahreystibraut,
skólabíla yfir í menningu. Það er
líka fjallað um sundlaugina og upp­
byggingu þar,“ segir Þórdís Lóa.
Skýrslan verður nú send til íbúa­
ráðs Kjalarness. „Íbúaráðið tekur
svo fyrir tillögurnar og skoðar
hvernig er hægt að koma þeim í
verk. Það er fullt af tillögum sem
hægt er að ráðast í strax. Svo eru
aðrar tillögur sem þarf að forgangs­
raða eða vinna í samstarfi við aðra
aðila, til dæmis Skógræktina og
Vegagerðina. Einnig það sem snýr
að auknu atvinnulífi.“
Óánægja íbúa á Kjalarnesi krist­
allaðist í kjöri á „Minnismerki um
brostin loforð Reykjavíkurborgar“
í íbúakosningunum Hverfið mitt
síðasta haust. Átti minnisvarðinn að
vera blá bók, eftir samningnum sem
gerður var á sínum tíma. Verkefnið
var sett á bið í byrjun júní, ekki hafa
fengist skýringar frá Reykjavíkur­
borg hvers vegna.
Vigdís Hauksdóttir, oddviti Mið­
flokksins, segir að dæmið um minn­
ismerkið sé í takt við vinnubrögð
borgarinnar. „Meirihlutinn lítur á
Kjalarnes og Kjalnesinga sem oln­
bogabörn borgarinnar,“ segir Vig­
dís. „Hverfið er algjör afgangsstærð
í huga meirihlutans og það er að
koma í ljós að sameining Kjalarness
og Reykjavíkur fyrir tuttugu árum
var einungis til þess að Reykja­
víkurborg gæti notað Álfsnesið og
land Kjalnesinga sem ruslageymslu
fyrir sig.“
Vigdís hefur ekki mikla trú á því
að umbótatillögurnar í skýrslunni
verði að veruleika. „Ekki fyrr en eftir
tvö ár þegar skipt verður um meiri­
hluta. Kjalnesingar eru langþreyttir
og það þýðir ekkert að veifa loforða­
skýrslum án þess að framkvæmdir
eða peningar fylgi með.“
Þórdís Lóa skilur gagnrýni Kjal­
nesinga, ekkert hverfi sé þó skilið
eftir. „Kjalarnes er í mínu hjarta
lifandi partur af Reykjavík. Land­
fræðileg staða hverfisins er augljós
en í mínum huga verður það aldrei
skilið eftir. Ég hef búið í Árbæ og
Breiðholti alla mína tíð og heyrt
sömu ræðu þaðan,“ segir Þórdís Lóa.
„Í þessari vinnu var farið ofan í
hina frægu bláu bók, hvað stendur
upp úr. Þetta er fyrst og síðast sam­
ráðsvettvangur borgarinnar og íbúa.
Ég held að gagnrýni Kjalnesinga snúi
frekar að kosningaloforðum og lof­
orðum sem voru gefin við samein­
inguna, en sá tími er löngu liðinn.“
Gera á öll hverfi notendamiðaðri
og einfalda kerfið. „Þessi vinna er
aðeins ein stoppistöð í þeirri lestar­
ferð.“ arib@frettabladid.is
Kjalarnes verði ekki skilið eftir
Skýrsla með 33 tillögum fyrir Kjalarnes fór til borgarráðs. Formaður þess segir ekkert hverfa borgarinn-
ar verða skilið eftir. Oddviti Miðflokks segir meirihlutann líta á Kjalnesinga sem olnbogabörn.
Ósáttir Kjalnesingar kusu í íbúakosningunum Hverfið mitt síðasta haust, að láta reisa minnisvarða um brostin
loforð borgarinnar. Ekkert bólar á honum, ólíkt öðrum sem kosin voru í öðrum hverfum FRÉTTABLAÐIÐ/ANTON BRINK
SAMGÖNGUR  Hjólreiðamaðurinn
Oddur Helgi Halldórsson hyggst
setja af stað undirskriftasöfnun til
að skora á Vaðlaheiðargöng hf. að
heimila hjólreiðar í gegnum göngin.
Oddur Helgi, sem vakti fyrst athygli
á málinu í Vikudegi í vikunni, ferð­
aðist um landið í sumar og tók eftir
því að Hvalfjarðargöng og Vaðla­
heiðargöng eru einu göngin á land­
inu sem ekki má hjóla í gegnum.
Í svari Vegagerðarinnar segir að
hjólreiðar séu leyfðar í göngum þar
sem umferðin er undir 1.000 bílum
á dag að meðaltali yfir árið. Í Hval­
firði er umferðin 7.000 bílar og því
ekki forsvaranlegt að leyfa hjólreið­
ar. Umferðin í Vaðlaheiðargöngum
sé yfir þúsund bílar á dag að meðal­
tali, en undir 1.500 og því mögu­
legt að leyfa hjólreiðar þar. Göngin
séu bæði breið og góð. Endanleg
ákvörðun er hins vegar hjá Vaðla­
heiðargöngum hf.
Valgeir Bergmann, framkvæmda­
stjóri Vaðlaheiðarganga, segir að
fyrst og fremst sé um öryggismál
að ræða. Ef almennar hjólreiðar
yrðu leyfðar inni í göngunum þá
sé öryggið ekki jafn mikið. Þá hafi
komið til greina að banna traktora
eða hægfara ökutæki á háannatíma
ef menn telja að það ógni öryggi
þeirra sem nota göngin. Engin
afmörkuð svæði eru í göngunum
né hafi verið gert ráð fyrir hjólandi
umferð við hönnun ganganna.
Oddur Helgi gefur lítið fyrir
þessar skýringar. „Oft á tíðum, til
dæmis á Öxnadalsheiði, er vegrið
mjög nálægt veginum. Má ekki
klessa mann út í stein en það má
klessa hann út í vegrið? Þetta bítur
í skottið á hvort öðru,“ segir Oddur
Helgi. Þá sé hámarkshraðinn minni
inni í göngunum. „Það keyra mjög
margir í gegnum Norðfjarðargöng,
þau eru mjórri og lengri, en það má
hjóla í gegnum þau.“ – ab
Vill leyfa hjól í
gegnum göngin
Mismunandi er hvort hjóla megi í
gegnum jarðgöng. MYND/GETTY
2 2 . Á G Ú S T 2 0 2 0 L A U G A R D A G U R8 F R É T T I R ∙ F R É T T A B L A Ð I Ð