Morgunblaðið - 09.01.2020, Side 4

4 FRÉTTIRInnlent
MORGUNBLAÐIÐ FIMMTUDAGUR 9. JANÚAR 2020
10-60%
AFSLÁTTUR
ÚTSALAN
ERHAFIN
SMÁRATORGI | KRINGLAN | GLERÁRTORGI | LINDESIGN.IS
Reykjavík • Mörkin 3 • 563 6900 | Akureyri • Undirhlíð 2 • 430 6900
ÚTSALAÁRSINSALLT AÐ 75% AFSLÁTTUR AF YFIR 1000VÖRUM. ALLT AÐ 50.000 AFSLÁTTUR AFYFIR 300 FARTÖLVUM
ÚTSALAN Á FULLU Í TÖLVUTEK
Opið í
dag 10-18
Höskuldur Daði Magnússon
hdm@mbl.is
„Svona mál eru viðkvæm og það
skiptir fólk máli hvort það þarf að
bíða í nokkra mánuði eða eitt til tvö
ár eftir niðurstöðu. Þessi bið getur
verið þungbær fyrir fólk,“ segir
Berglind Glóð Garðarsdóttir, lög-
maður hjá Opus lögmönnum.
Berglind gætir hagsmuna konu
sem telur sig hafa orðið fyrir mistök-
um við læknisþjónustu fyrir nokkr-
um árum. Konan sendi kvörtun til
Embættis landlæknis vegna málsins
í júnímánuði árið 2018 og hefur enn
ekki fengið niðurstöðu, nú átján
mánuðum síðar.
Berglind Glóð segir í samtali við
Morgunblaðið að það sé í verkahring
landlæknis að rannsaka ásakanir um
mistök við læknisþjónustu. Hún
kveðst hafa verið í sambandi við
embættið á fjögurra til sex vikna
fresti svo málið gleymist ekki. Svörin
sem hún hafi fengið bendi til þess að
svo sé ekki. „Ég veit að það er búið
að vinna í málinu, það er búið að fá
álit sérfræðings og vinna ákvörðun
að miklu leyti. Nú er þetta búið að
vera á lögfræðisviðinu í þrjá mánuði
en gengur hægt,“ segir Berglind,
sem sjálf er með fleiri mál sem bíða
úrlausnar hjá landlækni. Þá hefur
hún rætt við kollega sína sem kvarta
margir undan seinagangi hjá emb-
ættinu.
„Því skal haldið til haga að viðmót-
ið er gott og starfsfólk landlæknis er
klárlega að gera sitt besta. Það svar-
ar vel, sem er alls ekki tilfellið hjá öll-
um stofnunum. Ég tel vandann koma
að ofan,“ segir Berglind Glóð.
Kjartan Hreinn Njálsson, aðstoð-
armaður landlæknis, segir í svari við
fyrirspurn Morgunblaðsins að máls-
meðferðartíma þurfi að skoða í sam-
hengi hverrar kvörtunar fyrir sig,
eðlis hennar og umfangs.
„Meðferðartími mála hjá embætt-
inu getur verið afar langur og er það
miður. Bið í 18 mánuði eftir niður-
stöðu er ekki óalgengur biðtími,“
segir Kjartan.
„Hins vegar er það svo að á síð-
ustu árum hefur kvörtunum sem
berast embættinu fjölgað mikið, t.d.
fjölgaði þeim um 59 milli áranna
2017 og 2018, eða úr 277 í 336. Þess-
ari miklu aukningu hefur ekki fylgt
aukið fjármagn til að fjölga í hópi
þeirra sem sinna kvörtunarmálum.
Oft á tíðum eru þetta viðkvæm og
erfið mál sem réttilega ætti að leysa
og ganga frá með eins skjótum hætti
og mögulegt er.
Embætti landlæknis kappkostar
að gera það en um leið verður að
tryggja að mikið álag og verkefna-
fjöldi komi ekki niður á faglegri með-
ferð þessara mála, enda er embætt-
inu skylt lögum samkvæmt að finna
skýringar á kvörtunum og athuga-
semdum frá notendum heilbrigðis-
þjónustunnar og tryggja eftir því
sem kostur er að slík atvik endurtaki
sig ekki,“ segir Kjartan ennfremur.
Hann segir aðspurður að vinna við
uppgjör síðasta árs sé rétt að hefjast.
Því liggja sambærilegar upplýsingar
ekki fyrir. Við fyrstu athugun kom
þó í ljós að kvartanir samkvæmt 12.
gr. laga um landlækni og lýðheilsu
voru 126 talsins á síðasta ári en 112
árið 2018.
Hefur beðið í átján
mánuði eftir niðurstöðu
 Óánægja með seinagang hjá landlækni  Biðin þungbær
Biðin langa
» Sjúklingur sem kvartaði
undan mistökum við lækn-
isþjónustu hefur beðið nið-
urstöðu landlæknis í málinu í
18 mánuði.
» Slík bið er ekki óalgeng hjá
embættinu, segir aðstoðar-
maður landlæknis.
Morgunblaðið/Eggert
Aðgerð Óánægja er með seinagang hjá landlækni. Myndin er úr safni.
Stefán E. Stefánsson
ses@mbl.is
Nýtt skipurit Seðlabanka Íslands var
kynnt í gær og voru átta stöðugildi
við stofnunina lögð niður samhliða
þeim breytingum. Þær koma í kjölfar
þess að Fjármálaeftirlitið (FME)
sameinaðist bankanum um áramótin.
Af þeim átta starfsmönnum sem
hverfa frá bankanum við þessar
breytingar eru fjórir framkvæmda-
stjórar og fyrrverandi aðstoðarfor-
stjóri FME. Þannig hverfur Jón Þór
Sturluson frá störfum en fram að
áramótum var hann aðstoðarforstjóri
FME. Hann var meðal umsækjenda
um stöðu aðstoðarseðlabankastjóra á
sviði fjármálastöðugleika. Forsætis-
ráðherra skipaði Gunnar Jakobsson,
lögfræðing hjá Goldman Sachs í stöð-
una skömmu fyrir áramót.
Þá láta einnig af störfum þær Sig-
ríður Logadóttir, sem var fram-
kvæmdastjóri hjá Seðlabankanum og
yfirlögfræðingur og Anna Mjöll
Karlsdóttir, sem var yfirlögfræðing-
ur FME.
Þá lét af starfi framkvæmdastjóra
gagnasöfnunar og upplýsingatækni
hjá SÍ, Tómas Örn Kristinsson.
Einnig hefur Guðmundur Kr. Tóm-
asson, sem verið hefur framkvæmda-
stjóri fjármálainnviða hjá SÍ látið af
störfum. Hann hafði hins vegar til-
kynnt áður en til sameiningar SÍ og
FME kom að hann hygðist láta af
störfum fyrir bankann nú um ára-
mót.
Í tilkynningu sem Seðlabankinn
sendi frá sér í gær kemur fram að við
skipulagsbreytingarnar nú séu
kjarnasvið bankans sjö talsins, þ.e.
hagfræði og peningastefna, sem Þór-
arinn G. Pétursson stýrir, markaðs-
viðskipti, sem Sturla Pálsson stýrir,
fjármálastöðugleiki, sem Haukur C.
Benediktsson stýrir, bankar, sem
Finnur Sveinbjörnsson stýrir, lífeyr-
ir og vátryggingar, sem lýtur forystu
Rúnars Guðmundssonar, markaðir
og viðskiptahættir, en framkvæmda-
stjóri þess verður Páll Friðriksson og
lagalegt eftirlit og vettvangsathug-
anir sem Björg Sigurgísladóttir stýr-
ir.
Þá verða stoðsviðin fjögur. Rekst-
ur verður í höndum Þóru Helgadótt-
ur, upplýsingatækni og gagnasöfnun
undir Loga Ragnarssyni, fjárhagur
undir Erlu Guðmundsdóttur og
mannauður í höndum Írisar Guðrún-
ar Ragnarsdóttur.
Þá mun Rannveig Júníusdóttir
gegna stöðu framkvæmdastjóra á
skrifstofu bankastjóra og tekur hún
m.a. að stærstum hluta við þeim
verkefnum sem Sigríður Logadóttir
og Anna Mjöll Karlsdóttir gegndu
innan SÍ og FME fram til þess-
a.Heimildarmenn Morgunblaðsins
innan og utan Seðlabankans sem
þekkja til stöðunnar þar innanhúss
segja að fyrirliggjandi breytingar
muni styrkja stöðu Ásgeirs Jónsson-
ar seðlabankastjóra til muna. Hann
mun hafa átt lokaorðið um þær
breytingar sem hefur verið ráðist í.
Sérstaklega nefndu viðmælendur
blaðsins að Sigríður Logadóttir hefði
verið náinn samstarfsmaður Más
Guðmundssonar, fyrrverandi seðla-
bankastjóra og öðrum lykilstjórn-
endum SÍ til margra ára og stóð hún
m.a. mjög þétt við bak bankastjórans
í harkalegum deilum sem spruttu
upp í tengslum við umsvif og fram-
göngu gjaldeyriseftirlits bankans á
árunum eftir hrun. Þá var Anna
Mjöll Karlsdóttir mjög náinn sam-
starfsmaður Unnar Gunnarsdóttur
sem færðist úr stöðu forstjóra FME í
stöðu aðstoðarseðlabankastjóra við
sameininguna nú um áramótin. Hið
sama átti við um Jón Þór Sturluson,
sem var hægri hönd Unnar en hann
hverfur, líkt og áður var nefnt, frá
störfum.
Það er einnig sagt til marks um þá
uppstokkun sem er að eiga sér stað í
kjölfar þess að nýr seðlabankastjóri
var skipaður í ágúst síðastliðnum að
Rannveig Sigurðardóttir aðstoðar-
seðlabankstjóri, sem aðeins hefur
gegnt stöðunni í eitt og hálft ár, hefur
nú sótt um stöðu ríkissáttasemjara.
Ekki er ljóst hvað veldur því að hún
vill hverfa frá bankanum nú. Hins
vegar segja heimildir Morgunblaðs-
ins að það kunni að hafa áhrif að fyrr
í vetur tók Ásgeir Jónsson, hennar
nýi yfirmaður, ákvörðun um að segja
syni hennar upp störfum hjá bank-
anum. Hann hafði gegnt stöðu for-
stöðumanns fjárstýringar SÍ um
nokkurra ára skeið.
Uppstokkun hjá Seðlabankanum
 Yfirlögfræðingi bankans og Fjármálaeftirlitsins sagt upp störfum  Nýtt skipurit sameinaðrar
stofnunar hefur tekið gildi  Fyrrverandi aðstoðarforstjóri FME í hópi þeirra sem hverfa frá störfum
Morgunblaðið/Kristinn Magnússon
Breytt 142 dagar eru síðan Ásgeir Jónsson tók við af Má Guðmundssyni. Bankinn hefur tekið á sig breytta mynd og
lykilstarfsmenn horfið á braut. Rannveig Sigurðardóttir aðstoðarseðlabankastjóri sækist eftir stöðu utan bankans.