Morgunblaðið - 12.03.2020, Qupperneq 63

MENNING 63
MORGUNBLAÐIÐ FIMMTUDAGUR 12. MARS 2020
Þó að hægt sé að sjá allar þær
kvikmyndir sem Stockfish hefur
upp á að bjóða að þessu sinni er
öllu líklegra að fólk þurfi að velja
og hafna. Úr mörgum vönduðum
myndum er að velja og verða hér
nokkrar áhugaverðar nefndar.
Monos
Kólumbísk kvikmynd sem frum-
sýnd var í fyrra og vakti mikla at-
hygli og lof gagnrýnenda. Hún seg-
ir af átta barnungum skæruliðum
sem taka gísl og heilaga mjókurkú.
Óvænt launsátur hrekur þennan
hóp inn í frumskóginn þar sem taka
við hindranir og átök. Handrit,
framleiðsla og leikstjórn Monos er í
höndum leikstjórans Alejandro
Landes og hefur myndin hlotið 25
virt kvikmyndaverðlaun og 45 til-
nefningar. Kvikmyndin er með
meðaltalseinkunnina 78 af 100 á
vefnum Metacritic.
Extra Ordinary
Írsk gamanmynd sem gagnrýn-
endur hafa flestir ausið lofi. Í
myndinni segir af Rose sem er öku-
kennari með yfirnáttúrlega hæfi-
leika sem hún bæði hatar og elskar,
eins og því er lýst á vef Stockfish.
Þrátt fyrir blendnar tilfinningar
gagnvart hæfileikum sínum
ákveður hún að koma nágranna sín-
um Martin og Söru dóttur hans,
sem er andsetin, til hjálpar. Myndin
hlaut Dublin Film Critics Circle
Award sem besta írska kvikmyndin
og leikstjórar hennar eru Enda
Loughman og Mike Ahern.
Color Out of Space
Nicolas Cage fer með aðalhlut-
verkið í þessari kvikmynd sem
byggð er á sögu eftir H.P. Love-
craft. Segir í henni af Gardner-
fjölskyldunni sem flyst úr borg í
sveit með það fyrir augum að fá
frið fyrir áreiti nútímans. Það er þó
allt annað en friður sem bíður
þeirra í sveitinni því eftir að loft-
steinn lendir í garðinum þeirra
breytist líf þeirra í litríka martröð.
Kvikmyndin hlaut verðlaun sem
besta myndin og áhorfendaverðlaun
á H.P. Lovecraft Film Festival í
Portland í fyrar og var tilnefnd sem
besta myndin á Catalonian Inter-
national Film Festival. Hún er með
meðaltalseinkunnina 70 af 100 á
Metacritic.
Bacurau
Brasilísk kvikmynd sem gerist í
litlu þorpi. Máttarstólpi þorpsins,
Carmelita, fellur frá, 94 ára að aldri
og nokkrum dögum síðar verður
þorpsbúum ljóst að þorpið er horfið
af landakortum og hefur það hvarf
dularfullar afleiðingar. Bacurau er
samstarfsverkefni leikstjóranna
Kleber Mendonca Filho og Juliano
Dornelles og hefur myndin unnið til
fjölda verðlauna, m.a. dómnefndar-
verðlauna á kvikmyndahátíðinni í
Cannes. Á Metacritic er hún með
meðaleinkunnina 79 af 100.
Invisible Life
Kvikmynd sem heitir á frummál-
inu A vida invisibel de Euridice
Gusmão og fjallar um tvær systur
frá Rio de Janeiro sem er stíað í
sundur af föður sínum. Hvor
ímyndar sér að hin lifi því lífi sem
hún ætlaði sér og er myndinni lýst
sem sjónrænni kvikmyndanautn
með skærum litum og fallegum
skotum sem minni á neo-noir kvik-
mynd sem hafi verið tekin úr
spennumyndasamhenginu og skellt
í dramabúning. Leikstjóri myndar-
innar, Karim Aïnouz, er gestur
Stockfish. Myndin er með einkunn-
ina 81 af 100 á Metacritic.
Los tiburones
Los tiburones, eða Hákarlarnir,
eftir úrúgvæsku leikstýruna Lucíu
Garibaldi, fjallar um íbúa rólegs
strandbæjar sem bregður þegar
sögusagnir fara á kreik um hákarla
í sjónum við strendur bæjarins.
Rosina, 14 ára stúlka sem er heldur
fámál og lætur lítið fyrir sér fara,
telur sig hafa séð eitthvað í sjónum
en enginn hlustar á hana. Hún er
hrifin af strák í bænum og nýtir sér
hina meintu hákarlaógn til að ná at-
hygli hans. Kvikmyndin hefur hlot-
ið verðlaun víða, m.a. í San Sebast-
ian og á Sundance-kvikmynda-
hátíðinni. Hún er með einkunnina
88 af 100 á vefnum Rotten Tom-
atoes.
Humanity on Trial
Heimildarmynd eftir danska
kvikmyndagerðarmanninn Jonas
Bruun sem hlaut áhorfendaverð-
laun á Nordisk Panorama í fyrra.
Myndin fjallar um Salam Aldeen
sem ásamt öðrum aðstoðaði flótta-
fólk við strendur Grikklands og var
ákærður fyrir að smygla flóttafólki
inn í Grikkland.
Ógn og óvæntar vendingar
Extra Ordinary Ökukennari kemur nágranna sínum til hjálpar.
Color Out of Space Nicolas Cage tekst á við ógn utan úr geimnum. Humanity on Trial Salam Aldeen var ákærður fyrir að smygla flóttafólki.
Invisible Life Tvær aðskildar systur ímynda sér hvernig líf hinnar er.
Nokkrar áhugaverðar kvikmyndir af þeim sem sýndar eru á Stockfish
ICQC 2020-2022
Nánari upplýsingar um sýningartíma á sambio.is
SÝND MEÐ ÍSLENSKU OG ENSKU TALI
Julia Louis-Dreyfus Will Ferrell
ADifferent Kind of Disaster Movie.
m.a.
ÓSKARSVERÐLAUN3 BESTA KVIKMYNDATAKAN
ÓSKARSTILNEFNINGAR2 BESTA ERLENDA MYNDINBESTA LE IKARI : ANTONIO BANDERAS
SÝND MEÐ ÍSLENSKU, ENSKU OG PÓLSKU TALI
FRUMSÝND Á FÖSTUDAGINN
San Francisco Chronicle
Indiewire
Hollywood reporter