Rit Búvísindadeildar - 01.06.1993, Qupperneq 7

FORMÁLSORÐ
Bændaskólinn á Hvanneyri sendir nú frá sér tilraunaskýrslu fyrir árið 1992. í riti
þessu er að finna umfjöllun um þann þátt í starfsemi skólans sem tengist
rannsóknum og tilraunum. Þrátt fyrir takmörkuð fjánáð er leitast við að hafa
starfsemina all fjölbreytta eins og fram kemur í riti þessu. Fjármagn til rannsókna
og tilraunastarfsemi skólans er ýmist af fjárveitingum á fjárlögum eða fjármagn sem
veitt er sem styrkir frá ýmsum aðilum. Á árinu 1992 fengust styrkir til
tilraunaverkefna frá Vísindasjóði, Rannsóknarráði, Framleiðnisjóði landbúnaðarins og
fyrirtækjum. Þá hafa Landssambönd kúabænda og sauðfjárbænda veitt skólanum
styrki úr þróunarsjóðum greinanna. Þau verkefni sem um getur í riti þessu eru
ýmist unnin af starfsmönnum skólans eingöngu eða í samvinnu við starfsmenn
annara stofnanna landbúnaðarins. I mörgum tilvikum er hér um áratuga samvinnu að
ræða. Með þessum samstarfsverkefnum aukum við bolmagn okkar í rannsókna og
tilraunastarfsemi og ber því að efla hana eins og kostur er.
Rannsókna og tilraunastarfsemi skólans nemur um 10 -15% af heildarumsvifum hans.
Á undanfömum árum hefur rannsóknarstarfsemi skólans verið að eflast en áfram
verður að vinna að því að tryggja grunnfjármögnun hennar svo unnt sé að nýta til
fuíls þá aðstöðu og mannafla sem skólinn hefur til umráða á sviði rannsókna og
tilrauna.
Yfirlitsskýrsla þessi um rannsókna og tilraunastarfsemi ársins 1992 er
samvinnuverkefni margra aðila. Runólfur Sigursveinsson hefur safnað gögnunum
saman og búið þau til birtingar. Öllum aðstandendum skýrslunnar flyt ég þakkir fyrir
vel unnin störf að vinnslu hennar.
Það er von okkar að hún megi verða einhverjum til gagns og fróðleiks.
Hvanneyri í maí 1993
Magnús B. Jónsson
3