Freyr - 15.12.1967, Page 44

þar að auki reglulegar, t. d. greiðslur fyrir
rafmagn, húsaleigu og hita, og er heppilegt
að greiða þær með tékkum. Bæði gefur það
heildaryfirlit yfir greiðslurnar eftir á og
auðveldar greiðsluviðtakanda innheimt-
una. Einstaklingar ættu að forðast að
geyma mikla peninga á heimilum sínum,
þar sem sjaldnast eru góðar fjárhirzlur. Þá
ýtir það oft undir eyðslusemi að hafa mikla
peninga milli handanna. Mörgum er ósýnt
um að geyma fé, sem þeir geta auðveldlega
náð til, og kaupa þá jafnvel í hugsunarleysi
hluti, sem þeir sjá síðar, að þeir geta vel
verið án.
Notkun tékka veitir mönnum nokkuð að-
hald í meðferð peninga, gefur þeim tilefni
til að íhuga eyðslu sína nánar en þeir
mundu gera, ef þeir notuðu aðeins seðla.
Innlög í bankareikning og víðtæk notkun
tékka koma reglu á fjárreiður manna og
tryggja þeim auk þess vaxtatekjur. Slík
meðferð fjár er og líkleg til að vekja á-
huga á sparnaði, sem síðar getur komið í
góðar þarfir. Það er því ágæt regla að
leggja laun sín strax eftir útborgun í banka,
en ráðstafa þeim síðan með tékkum jafn
óðum og útgjöldin verða.
Opnun reikninga
Til þess að fá tékkareikning þarf að upp-
fylla eftirtalin skilyrði:
1. Leggja skal fram skriflega umsókn um
opnun reiknings, þar sem tilgreindur er
aldur umsækjanda, atvinna og heimilis-
fang auk meðmæla tveggja manna, ef
innlánsstofnun æskir þess.
2. Umsækjandi skal vera orðinn 21 árs og
fjár síns ráðandi.
3. Þeir, sem brotið hafa af sér, þannig að
lokað hefur verið fyrir þeim tékkareikn-
ingi, fá ekki að opna tékkareikning á ný.
4. Sparisjóðsávísanareikning er ekki hægt
að opna með minni upphæð en ð.OOO.oo
krónum.
5. Um opnun hlaupareiknings skal semja
sérstaklega hverju sinni við viðkomandi
innlánsstofnun.
Meðferð tékka
Til þess að tékki sé gildur, verður hann að
vera gerður eftir fyrirmælum tékkalag-
anna, og nýtur hann þá sérstakrar réttar-
verndar.
Vanda ber útfyllingu tékka og sérstak-
lega gæta þessara atriða:
1. Tilgreina verður rétt númer innstæðu-
reiknings, sem tékkin er gefinn út á.
2. Tékki má hljóða um greiðslu til tiltek-
ins manns (stofnunar) eða til handhafa.
Einnig má gefa tékka út til ráðstöfunar
útgefandans sjálfs, sem þá jafnframt er
handhafi.
506
F R E Y R