Skessuhorn - 28.10.2020, Side 25

11
Til hamingju með 50 árin!
Rekstrarvörur
– vinna með þér
Birna Jakobsdóttir var einn af fyrstu starfsmönnum Brák-arhlíðar og vann þar til árs-
ins 2014 að undanskildum nokkr-
um árum þar sem hún var í fæð-
ingarorlofi. „Við vorum sex starfs-
menn þarna í byrjun; Anna Gests-
dóttir var forstöðukona, Ágústa Jó-
hannsdóttir og Guðrún Nóadótt-
ir skiptu eldhúsinu með sér og ég,
Guðný Sigvaldadóttir og Þorgerð-
ur Þorgilsdóttir sáu um umönn-
un og önnur störf á heimilinu. Við
skúruðum, þvoðum þvotta og sáum
um allt,“ segir Birna. Heimilið var
vígt í lok janúar 1971 og allan janú-
armánuð vorum við á kafi í þrifum,
að koma fyrir húsgögnum, sauma
og setja upp gardínur og bara gera
allt klárt,“ segir Birna.
Fyrsti hjúkrunar -
fræðingurinn í Brákarhlíð
Birna vann sem
hjúkrunarfræðingur í Brákarhlíð en
hún hafði nýlega lokið námi þegar
hún flutti í Borgarnes og vildi þá
til að heimilið var um það bil að
opna. „Mér fannst ég heppin að
fá þetta starf svona fljótt eftir að
ég flutti í Borgarnes og að fá að
starfa þarna næstum allan minn
starfsaldur,“ segir hún. Aðspurð
segir hún breytingarnar á bæði
heimilinu og heimilismeðlimum
hafa verið mjög miklar þessi ár sem
hún vann í Brákarhlíð. „Fyrst voru
íbúarnir innan við 30 talsins og
herbergin voru öll tveggja manna,
nema eitt eins manns herbergi.
Það var þrengra en fólk hafði pláss
fyrir hillur og svona persónulega
muni í herbergjum sínum. Í dag er
húsnæðið allt rúmgott og nóg pláss
fyrir hvern og einn íbúa. Flestir
íbúar voru þokkalega hressir og við
góða heilsu fyrstu árin en í dag er
fólk oftast orðið mun veikara þegar
það kemur,“ segir hún. „Í upphafi
vorum við til dæmis ekki með
neinar næturvaktir. Við skiptumst
bara á að sofa á svefnbekk á
skrifstofunni, bara svo einhver væri
á staðnum. Það var bara ekki þörf
á því að hafa einhvern á vakt alltaf
því það voru allir í raun svo frískir,“
bætir Birna við.
Hjálpartækin
mikil bylting
Spurð hvað sé eftirminnilegast úr
starfinu hugsar hún sig um í smá
stund og segist eiga margar stundir
sem standi upp úr. „Ætli fyrsta
árið sé ekki eftirminnilegast. Það
var frábært að fá að taka þátt í að
opna þetta heimili en það breyttist
mjög hratt fyrstu árin. Tæplega
ári eftir að heimilið var opnað fór
ég í fæðingarorlof og þá voru ekki
leikskólar svo ég var lengi í orlofi.
Ég kom svo til baka árið 1974 og
þá hafði rosalega margt breyst og
svo fljótlega fórum við að fá meira
af hjálpartækjum, sem ég held að
hafi verið mesta byltingin, bæði
fyrir íbúana og okkur starfsfólkið,“
svarar Birna og bætir við að
Hallsteinn Sveinsson listamaður
sé henni líka ofarlega í huga sem
eftirminnilegur íbúi í Brákarhlíð.
„Hann kom inn strax fyrsta árið
og fékk að hafa smíðaverkstæði í
kjallaranum þar sem hann gerði
marga fallega hluti. Það var frábært
að geta skaffað honum svona
aðstöðu og gaman fyrir okkur að
fylgjast með honum,“ segir Birna.
Góður starfsandi
Birna vann í Brákarhlíð í 41 ár
og segist þakka háan starfsaldur
góðum stjórnendum og
samstarfsfólki. „Það var einfaldlega
svo gott að vinna þarna. Við
lögðum okkur fram strax í byrjun
að skapa gott starfsumhverfi og ég
held að það hafi bara haldist allar
götur síðan. Mér leið alltaf vel á
þessum vinnustað, annars hefði
ég ekki tollað þar svona lengi,“
segir Birna og hlær. „Það voru
samt alveg gerðar breytingar og
nýjar áherslur komu með nýju
fólki en andinn breyttist ekki,“
segir hún. En var aldrei erfitt að
vinna í Brákarhlíð? „Jú, það gat
verið erfitt. Eðli málsins samkvæmt
þurfti maður oft að kveðja fólk sem
gat stundum verið erfitt. En maður
tókst bara á við það og vandist
þessu líka. Auðvitað kynntist maður
oft fólki mjög náið og eignaðist
góða vini meðal heimilisfólks og
sumir bjuggu jafnvel í áratugi þarna
en það kom alltaf að kveðjustund,“
svarar hún. „En þetta var bara
einn partur af starfinu,“ segir
Birna Jakobsdóttir fyrrum
hjúkrunarfræðingur í Brákarhlíð.
arg
Birna vann í Brákarhlíð í
rúmlega fjóra áratugi
Birna Jakobsdóttir var einn af fyrstu starfsmönnum Brákarhlíðar.
Birna á vaktinni á góðri stundu með Ágústu Jóhannsdóttur, heimilismanni og áður
samstarfsfélaga á dvalarheimilinu.