Vinnan - 01.05.1966, Page 17

innan
Alþýðusambandsstjórn á fundi 1952.
handa, og fjölda annarra, er notið hafa ávaxtanna af
starfsemi alþýðusamtakanna.
Á sambandsþinginu 1940, er skipulagi Alþýðusam-
bands íslands breytt á þann veg, að þaðan i frá skuli
það vera landssamband fagfélaga óháð öllum stjórn-
málaflokkum. En segja má, að þá fyrst hefjist barátta
stjórnmálaflokkanna fyrir því, að eiga ítök í sam-
bandinu, og hefur sú barátta stundum verið all hvöss,
og ekki ávallt til heilla fyrir verkalýðssamtökin.
Þegar litið er yfir farinn veg Alþýðusambands ís-
lands um hálfrar aldar skeið, finnst mér nauðsynlegt,
að hafa í huga þá mynd af kjörum fólks, sem upp
er brugðið hér að framan, til samanburðar við kjörin
eins og þau eru í dag, því að slíkt hlýtur að vekja hvern
hugsandi mann til meðvitundar um það, hvílík gjör-
breyting hefur hér á orðið.
En enginn skyldi ætla, að þessi mikla breyting til
batnaðar á kjörum vinnandi fólks hafi fengizt án
fyrirhafnar. Nei, þau bættu lífskjör og auknu mann-
réttindi, sem alþýða manna á íslandi býr við í dag,
er árangur af þrotlausu starfi þess fólks, sem skipaði
sér undir merki alþýðusamtakanna í upphafi, og hinna
mörgu, sem starfinu hafa haldið áfram, til dagsins
í dag.
Barátta alþýðusamtakanna hefur mótazt af því að
jafna lífskjör fólksins í landinu. Hún hefur ekki
verið sérréttindabarátta, heldur jafnréttisbarátta, er
miðað hefur að því að skapa almenningi skilyrði
til þess að lifa sem hamingjusömustu lífi.
Verkalýðssamtökin eru vopn, sem beita ber til sókn-
ar og varnar í baráttunni fyrir sem jöfnustum lífs-
kjörum, auknu lífsöryggi, bjartari framtið og ham-
ingjusamara lífi. En þau eru sterk vopn, sem því
ber að beita með aðgætni og festu.
Verkalýðssamtökin hafa verið byggð upp af hetj-
um, sem frægar hafa orðið af stórorustum og stór-
sigrum, sem féllu en héldu þó velli, en þau hafa um-
fram allt átt sína óþekktu hermenn, konur og karla,
sem eru hversdagsleg nöfn, er bregður fyrir í fundar-
gjörð, en af þeim fara annars engar sögur. En ef að
er gáð, þá er það þetta fólk, sem með staðfestu sinni,
skyldurækni og trúmennsku við góðan málstað hefur
tryggt sigrana.
Um leið og ég flyt Alþýðusambandi íslands fimm-
tugu hugheilar hamingjuóskir, óska ég því sigur-
sællar baráttu í framtíðinni fyrir lausn nýrra verk-
efna, er tryggja framhald bættra lífskjara, frelsi og
félagslegt öryggi íslenzkri alþýðu til handa.
Ég sendi félagsfólki hinna mörgu félagasamtaka
innan Alþýðusambands íslands hamingjuóskir á þess-
um merku tímamótum og þakka margra ára samvinnu
innan Alþýðusambands íslands.