Heilbrigðisskýrslur - 01.12.1932, Blaðsíða 60

58
taka það fram, að ég tel, að blóðleysi þetta stafi ekki af fæðuskorti eða
efnaskorti til að afla sér fæðu, heldur fáfræði og þekkingarskorti á
matreiðslu og vali á nærandi og heilnæmum fæðutegundum, er um
kaup er að ræða eða öflun matar. Þannig kaupa margir heimilisfeð-
ur eða mæður, sérstaklega ef um lítinn mjólkurkost er að ræða, mik-
ið af hveitibrauði, kringlum, kexi, tvíbökum og sætu bakaríisbrauði
til þess að bæta fæði barna, og svo er kaffi drukkið með. Yfirleitt er
neyzla hveitibrauðs algeng og of mikil. Er erfitt að fá fólk til að trúa
því, að það hafi minna næringargildi heldur en t. d. rúgbrauð eða
brauð úr hveiti, þar sem hýði og kjarni er sammalað (Grahamsbrauð).
Þá er það og algengt, að börnum er leyft að ganga i búðir með hvern
eyri, er þeim áskotnast, og kaupa sér fyrir það brjóstssykur.
Hofsós. Vegna forfalla héraðslæknis voru skólarnir skoðaðir af
vikar hans. Skoðunin virðist hafa verið framkvæmd af óþarflega mik-
• illi nákvæmni. Kvillarnir, sem hann hefir fundið, eru miklu algeng-
ari en héraðslæknir hafði fundið árið áður, og er óhugsandi, að svo
miklar breytingar hafi átt sér stað. T. d. eru 71% með bólgna eitla,
en í fyrra um 47%. Adenoid veget. hafa tæp 37% (aðéins 1 með
munnöndun), en í fyrra rúmlega 2%. Hypertrophia tonsill. hafa 30%,
en í fyrra 10%. Lús eða nit höfðu tæp 36%, en í fyrra tæp 6%, o. s.
frv. Má óhætt fullyrða, að „sínum augum lítur hver á silfrið“, hvað
þetta snertir, og' er bágt að segja, hvað leggjandi er upp úr skoðun-
um, sem ekki er meira samræmi i. Það virðist ekki síður ástæða til að
reyna að samræma mat vor lækna á kvillum skólabarna en kjöt- og
fiskmat.
•ei/rur. Sveitabörn (227) Akureyrar
Sjóngalla höfðu 25 41
Heyrnardeyfu .. 18 39
Tannskemmdir . 118 318
Eitlaþrota 97 241
Eitlingaauka ... 36 49
Kokeitlingaauka 30 98
Munnöndun .. .. 52 76
Skakkbak 5 10
Lús i 0
Nit 10 41
Vanþroska og megruð 26 58
Blóðþynnku .. .. 4 8
Kvefsótt 7 0
Flóabit 3 0
Málhelti 3 2
Gallalaus að kalla .... 54 Á Alcureyri voru 53 börn heiltennt. 32
Framfarir barna i barnaskólanum á Akureyri.
Skólastjórinn, hr. Snorri Sigfússon, skýrir þannig frá:
Undanfarna vetur hafa börnin í barnaskóla Akureyrar verið vegin
um miðbik skólaársins, auk þess sem þau hafa verið vegin haust og vor.
Hefir skólinn nú eignazt ágæta vog, sem mælir „normal“ vöxt jafn-
framt því sem hún mælir þungann. Við rannsókn á framförum barn-