Heilbrigðisskýrslur - 01.12.1932, Blaðsíða 94

92
9. Alþýðufræðsla.
Læknar láta þessa getið:
Norðfí. Ég hélt námsskeið í hjálp í viðlögum í sambandi við mótor-
og siglinganámsskeið, sem hér var haldið. Sóttu það nærri 40 nem-
endur. 9 fyrirlestrar með æfingum.
Vestmannaeyja. Erindi um barnauppeldi flutt, og fólki leiðbeint í
heilbrigðismálum með blaðagreinum o. fl.
10. Skólaeftirlit.
Læknar Iáta þessa getið:
Hafnarfi. Læknir hefir stöðugt eftirlit með börnunum allan skóla-
tímann. Hjúkrunarkona kembir lús og nit úr þeim, sem þess þurfa.
Skólaeftirlit er meira en lög mæla fyrir.
Borgarfj. Skoðaðir voru nemendur á Hvanneyri og í Reykholti, áð-
ur en kennsla hófst, samtals rúmt 100 manns. Heilsufar gott í skól-
unum. Bar ekki á hinum hvumleiða eyrnakvilla, sem getið var um
í síðustu ársskýrslu í sambandi við sundlaugina í Reykholti. Vatn-
ið var haft lítið eitt kaldara nú og látið meira í það af calx chlorata
en í fyrra. Má vera, að þetta hvorttveggja hafi hjálpað. Skólabörn
voru skoðuð áður en kennsla hófst, 102 alls. Reyndust þau sæmilega
hraust, og engu vísað frá.
Borgarnes. Ég hefi litið á flesta skólastaði og álitið húsnæði og að-
búð viðunandi. Fátítt er að börn sýkist — svo að kveði — í þessum
slcólum, nema þegar einhverjar pestir ganga. Smátt og smátt virðast
mér skólamálin þokast í hetra horf; húsakynni batna og skilningur
á nauðsyn hreinlætis og öðru, sem að heilbrigðara lífi skólaharn-
anna lýtur, fer í vöxt. Sökum strjálbýlis og fjarlægða er lækniseftir-
litið ófullnægjandi, en þó hetra en ekki, það lítið það er.
Dala. Engar teljandi endurbætur á kennslustöðunum frá því, sem
áður er getið, og farkennslan yfirleitt sama vandræðakákið og alltaf
hefir verið. Hún er mjög dýr, samanborið við þau not, sem af henni
fást. í 5 fræðsluhéruðum eru 6—11 börn á skólaaldri í hverju, og
náttúrlega sérstakur kennari fyrir hvert hérað, enda eru þess dæmi,
að kennari hangi yfir því, að kenna aðeins einu barni í 8 vikur, þó
að mörg önnur börn í hreppnum, hæði á skólaskyldualdri og utan,
fari á mis við nauðsynlegustu fræðslu. Mun þetta nokkuð stafa af
því, að fólk getur ekki gefið með börnum sínurn út af heimilinu.
Blönduós. Farskólar allsstaðar annarsstaðar en hér á Blönduósi.
Skólinn hér allmjög úr sér genginn. Slæmir ofnar, slæm húsakynni.
Siglufj. Við barnaskólann hefir verið byggð ný álma, sem tekin var
til notkunar á síðastliðnu hausti, og eru i henni aðalanddyri, kenn-
araherbergi og 4 skólastofur, 2 með sömu stærð og aðrar kennslu-
stofur skólans. Umgengni um skólann hefir verið góð og ýmislegt gert
til umbóta, sem ekki var þar áður, svo sem drykkjargosbrunnur
(eiga að verða fleiri) o. s. frv.
Svarfdæla. Ekkert skólahúsanna fullnægir að öllu þeim kröfum,
sem gera þyrfti að því er skólastofurnar sjálfar snertir, nema skól-
inn í Ólafsfirði.