Börn og menning - 2017, Page 27

27Ísland til umræðu
Þær viðbótarupplýsingar sem finna má á opnunni um
„Gamminn“, „Griðunginn“, „Drekann“ og „Bergris-
ann“ varða þá landshluta sem landvættirnar tengjast
fremur en þessar fjórar spennandi skepnur sem finna
má á skjaldarmerkinu og þessar viðbótarupplýsingar
eru með einhverjum hætti mjög ófullnægjandi. Um
griðunginn segir aðeins: „Í Breiðafirði var griðungurinn
en það er annað orð fyrir naut. Breiðafjörðurinn liggur
á milli Vestfjarða og Snæfellsness.“
Myndir í fyrirrúmi
Höfundar bókarinnar hafa augljóslega tekið um það
meðvitaða ákvörðun að fylla hana ekki af texta og ég get
ímyndað mér að það hafi verið tímafrek nákvæmnis-
vinna að stytta textana þannig að þeir tækju ekki upp of
mikið rými en segðu engu að síður nóg. Í sumum tilvik-
um finnst mér það hafa tekist miður vel, annars staðar
prýðilega. Ég vil sérstaklega hrósa umfjöllun um fugla
og þá einkum og sér í lagi kríuna. Þegar á heildina er
litið finnst mér textinn samt standa fullmikið í skugga
myndanna; þar hefði mátt leika sér með málið, jafnvel
slá á létta strengi. Að mínu viti mætti bók sem þessi
a.m.k. greina sig frá máli og stíl hefðbundinna kennslu-
bóka með djarfari hætti en hér er gert. Gamall ritdóm-
ari sagði eitt sinn við mig að það væri svo skrítið að það
væri auðvelt að tína til lesti góðra bóka og kosti þeirra
vondu. Hér hefur ýmislegt verið tínt til sem ef til vill
gætu talist lestir en það er vegna þess að ég tel þetta
góða bók sem á að þola gagnrýna umræðu. Og þegar
upp er staðið er það helsti kostur þessarar bókar, hún
vekur umræðu og er grundvöllur samræðu milli barna
og fullorðinna.
Höfundur er rithöfundur og doktorsnemi
í íslenskum bókmenntum.