Bændablaðið - 08.07.2021, Blaðsíða 10

Bændablaðið | Fimmtudagur 8. júlí 202110
FRÉTTIR
HÁ verslun ehf tók við umboði Husqvarna byggingavörum
á Íslandi þann 11. júní.
• Steinsagir
• Kjarnaborvélar
• Jarðvegsþjöppur
• Sagarblöð
• Kjarnaborar
Víkurhvarfi 4
203 Kópavogur
Opið mán. - fös. kl. 8-17.
S. 588-0028
haverslun.is
Husqvarna Construction Products
Þjónustuverkstæði og varahlutir
Framkvæmdir við Hólasandslínu
3 sem tengir Akureyri við Hólasand
standa nú yfir og ganga vel.
Línan er 220 kV háspennulína
í meginflutningskerfinu á Norður­
landi. Um þessar mundir er verið að
leggja um 10 kílómetra jarðstreng
milli Akureyrar og Kaupangs í
Eyjafjarðarsveit.
Verktakinn Finnur ehf. fjárfesti í
sérstökum vagni til að sanda í skurði
og dró þannig úr seinlegri vinnu við
að moka sandi með gröfu undir og
yfir strengi.
Þegar línan verður komin í
rekstur mun afhendingaröryggi
á Eyjafjarðarsvæðinu aukast til
muna þar sem við bætist ný og öflug
tenging inn á svæðið sem einnig
mun gefa möguleika á aukinni
notkun innlendra endurnýjanlegra
orkugjafa á svæðinu.
Framkvæmdin skipar einnig
drjúgan sess í uppbyggingu
meginflutningskerfisins í heild,
en Hólasandslína 3 er mikilvægur
hlekkur í styrkingu tengsla sterkari
hluta kerfisins á suðvesturhorninu við
veikari hluta þess á Norðausturlandi.
Leiðin er sem fyrr segir um
220 kílómetra löng og er innan
fjögurra sveitarfélaga, Akureyrar,
Eyjafjarðarsveitar, Þingeyjarsveitar
og Skútustaðahrepps.
/MÞÞ
Framkvæmdir við Hólasandslínu 3 sem tengir Akureyri við Hólasand standa nú yfir og ganga vel. Um þessar mundir
er verið að leggja um 10 kílómetra jarðstreng milli Akureyrar og Kaupangs í Eyjafjarðarsveit. Hólasandslínan er
220 kV háspennulína í meginflutningskerfinu á Norður landi. Myndir / Landsnet
Framkvæmdir við Hólasandslínu 3 ganga vel:
Afhendingaröryggi eykst
á Eyjafjarðarsvæðinu
Flóð ollu umtalsverðu tjóni á nokkrum bæjum
– Heyskapur hálfum mánuði seinna á ferð en í meðalári
Ábúendur á nokkrum bæjum,
einkum í Eyjafjarðarsveit, sitja
uppi með umtalsvert tjón í kjöl­
far mikilla flóða í liðinni viku.
Eyjafjarðará flæddi á nokkrum
stöðum yfir bakka sína og yfir tún.
Þess eru dæmi, að sögn Sigurgeirs B.
Hreinssonar, framkvæmdastjóra
Búnaðarsambands Eyjafjarðar, að
allt að helmingur ræktarlands hafi
farið undir vatn.
Sigurgeir segir að leysingar sem
urðu í Eyjafirði í síðastliðinni viku
séu þær mestu sem menn hafi séð
í allt að 35 ár. Þó minnist menn
að mikil flóð hafi orðið bæði árin
1986 og eins 1995. Hann segir að
ekki liggi fyrir úttekt á því tjóni
sem flóðið olli, ljóst sé þó að það sé
töluvert á einstaka bæjum í Eyjafirði.
Að vanda sig sem kostur er
Heyskapur er um hálfum mánuði
seinna á ferð í sumar en í meðalári
að sögn Sigurgeirs. Hann segir
stöðuna ekki alveg upp á það besta.
Kal var þó nokkuð í fyrravor sem
gerði að verkum að uppskera var
minni en vant er. Ofan á það bættist
kalt og erfitt vor, búfénaður var
lengi á húsum og vel gekk á birgðir
af þeim sökum. Margir bændur
voru því orðnir tæpir með hey í
sumarbyrjun. „Nú er allt skraufþurrt
og endurvöxtur fer hægt af stað. Þá
gildir næstu vikur að vanda sig sem
kostur er, dreifa áburði á hána og
reyna að ná heyinu á réttum tíma,
ekki of snemma og ekki of seint,“
segir Sigurgeir. /MÞÞ
Verktakinn Finnur ehf. fjárfesti í sérstökum vagni til að sanda í skurði og dró
þannig úr seinlegri vinnu við að moka sandi með gröfu undir og yfir strengi.
Húnaþing vestra:
Tæpar 6 milljónir til
viðhalds styrkvega
Vegagerðin hefur samþykkt að
úthluta 4 milljónum króna til
styrkvega í Húnaþingi vestra
til viðhalds samgönguleiða.
Samkvæmt fjárhagsáætlun
sveitarfélagsins var samþykkt
að veita 1,8 milljónum króna til
viðhalds styrkvega á árinu 2021
og hefur sveitarfélagið því 5,8
milljónir króna til ráðstöfunar.
Landbúnaðarráð Húnaþings
vestra fjallaði um málið á fundi
nýlega og lagði fram tillögu um
skiptingu fjárins. Samkvæmt
henni verður 3 milljónum varið til
afréttarvegar á Víðidalstunguheiði, til
afréttarvega í Miðfirði fara 1.550.000
og 750 þúsund vegna afréttarvega
í Hrútafirði. Þá er lagt til að vegna
vegar yfir Brandagilsháls fari 200
þúsund krónur og 300 þúsund krónur
vegna vegar upp á Vatnsnesfjall.
Fjallskilastjórnir sjá um fram­
kvæmdir á afréttarvegum hver
á sínu svæði, en að öðru leyti er
sveitarstjóra falið að fá verktaka í
viðhald vegar yfir Brandagilsháls.
Leggur landbúnaðarráð til að
samræmt gjald verði fyrir vinnu við
styrkvegi í sveitarfélaginu. Vinnu
við styrkvegi á að ljúka fyrir fyrstu
göngur í haust. /MÞÞ
Eyjafjarðará var í ham vegna mikilla hlýinda norðanlands og snjóbráðnunar
í fjöllum. Þessi mynd var tekin við ána skammt utan við flugvöllinn og horft
yfir á austurbakkann. Mynd / MÞÞ
Heimild veitt fyrir tvær
vindmyllur í Grímsey
Skipulagsráð Akureyrarbæjar
hefur samþykkt að veita Fallorku
heimild til eins árs til að setja
upp og reka tvær vindmyllur í
Grímsey.
Vindmyllurnar verða 6 kW og
er um að ræða tilraunaverkefni sem
stendur í eitt ár til prufu. Möstrin
eru 9 metrar á hæð og spaðarnir 5,6
metrar í þvermál, hæsti punktur frá
jörðu er því tæplega 12 metrar.
Verða vindmyllurnar reistar
á svæði sem í aðalskipulagi er
skilgreint sem athafnasvæði þar
sem fyrir eru fjarskiptamöstur
og tæknibúnaður í eigu Mílu og
Neyðarlínunnar. Ef vel gengur er
gert ráð fyrir að setja alls upp 6
vindmyllur. Verði hins vegar ákveðið
að fara ekki lengra með verkefnið
tekur einn dag að taka vindmyllurnar
niður án sjáanlegs rasks. /MÞÞ
Hengillinn „teppalagður“ með
500 jarðskjálftamælum
Settir hafa verið upp 500 jarð­
skjálfta mælar á Hengils svæðinu
en það er stærsta og þétt asta net
mæla sem sett hefur verið upp hér
á landi.
Mælarnir bætast við um 35 mæla
Orku náttúrunnar, Veðurstofu Íslands
og COSEISMIQ verkefnisins sem
þegar voru á svæðinu. Til saman­
burðar má nefna að 56 mælar fylgj­
ast með jarðhræringum á Reykja­
nesi, m.a. í tengslum við Geldinga­
dalagosið.
Til viðbótar við hefðbundna
jarðskjálftamæla eru nú ljósleiðarar
einnig nýttir til mælinga á jarð­
hræringum í Henglinum. Þetta
kemur m.a. fram í tilkynningu frá
Orkuveitu Reykjavíkur.
Uppsetning mælanna er hluti af
DEEPEN verkefninu sem ætlað er
að rannsaka rætur jarðhitakerfa og
safna þekkingu sem nýta má þegar
farið verður að bora dýpri holur við
nýtingu jarðhita.
Með djúpborun má komast hjá
því að bora margar grynnri holur á
stærra svæði. Verkefnið er styrkt af
alþjóðlega sjóðnum Geothermica,
í gegnum Rannís, en sjóðurinn
er samstarfsverkefni nokkurra
Evrópulanda, auk Bandaríkjanna,
sem veitir reglulega styrki til
jarðhitarannsókna á borð við
DEEPEN. /MHH
Nýju 500 jarðskjálftamælarnir á
Hengilssvæðinu eru eins og teppi
enda stærsta og þéttasta net mæla
sem sett hefur verið upp hér á landi.
Mynd / Orkuveitan