Bændablaðið - 08.07.2021, Blaðsíða 14

Bændablaðið | Fimmtudagur 8. júlí 202114
Þjóðgarður Snæfellsjökuls fagn-
aði 20 ára afmæli nýverið og af
því tilefni verður efnt til ýmissa
viðburða. Guðmundur Ingi
Guðbrandsson umhverfis- og
auðlindaráðherra hefur skrif-
að undir reglugerð um stækkun
þjóðgarðsins, en með viðbótinni
stækkar hann um 9%.
Við þjóðgarðinn bætist svæði
sem liggur norðan við jökulhettu
Snæfellsjökuls og austan við
núverandi þjóðgarðsmörk, frá
jökli að Búrfelli og norður fyrir
Dýjadalsvatn. Nær nýja svæðið
m.a. yfir gamla þjóðleið, Prestagötu.
Hluti landsins í Gufuskálum var
áður í eigu Mílu og Símans sem
gáfu það þjóðgarðinum.
Þjóðgarðurinn Snæfellsjökull er
staðsettur á utanverðu Snæfellsnesi
og var fyrsti þjóðgarður landsins
sem náði að sjó og hefur þá sérstöðu
að geyma minjar frá útræði fyrri
alda. Hann var stofnaður árið 2001
í þeim tilgangi að vernda bæði sér­
stæða náttúru svæðisins og merki­
legar sögulegar minjar.
Gestum fer ört fjölgandi
Gestum þjóðgarðsins hefur farið ört
fjölgandi undanfarin ár og sækir nú
um hálf milljón gesta þjóðgarðinn
heim árlega. Á síðasta ári heim­
sóttu um 200 þúsund gestir þjóð­
garðinn, langflestir Íslendingar, þar
sem fáir erlendir ferðamenn komu
til landsins vegna kórónuveiru­
faraldursins. Umfangsmikil upp­
bygging innviða hefur farið fram á
undanförnum árum og á síðasta ári
hófust framkvæmdir við gestastofu
þjóðgarðsins á Hellissandi sem mun
ljúka á því næsta.
„Ég er afskaplega stoltur og
ánægður með uppbyggingu í þjóð­
garðinum á síðustu árum, hvort sem
horft er til fjölgunar heilsársstarfa
og sumarstarfa landvarða, innviða
á borð við göngustíga og palla sem
vernda náttúruna, nú eða aðstöðu
og fræðslu fyrir ferðamenn sérlega
með nýju gestastofunni sem verður
opnuð á næsta ári. Þá er það sérstakt
gleðiefni að nú í tilefni af 20 ára
afmæli þjóðgarðsins, stækkum við
hann umtalsvert með náttúruvernd og
eflingu samfélagsins á Snæfellsnesi
að leiðarljósi. Til hamingju Ísland,“
segir Guðmundur Ingi Guðbrandsson
umhverfis­ og auðlindaráðherra á
vefsíðu ráðuneytisins.
Ráðherra mun á grundvelli reglu­
gerðar um þjóðgarðinn skipa þjóð­
garðsráð en það er í fyrsta skipti
sem það er gert á grundvelli laga
um náttúruvernd. /MÞÞ
FRÉTTIR
Þjóðgarður Snæfellsjökuls stækkar um 9%:
Um hálf milljón gesta sækir
þjóðgarðinn árlega
Guðmundur Ingi og Sigríður Auður Arnardóttir ráðuneytisstjóri undirrita
reglugerð um stækkun þjóðgarðsins.
Byggðarannsóknasjóður
styrkir fjögur verkefni
Byggðarannsóknasjóður úthlut-
aði á dögunum styrkjum til
fjögurra verkefna. Þau fjalla
um stöðu innflytjenda á vinnu-
markaði, náttúruhamfarir á
Seyðisfirði og félagslega seiglu,
launamun hjúkrunarfræðinga í
höfuðborginni og á Akureyri og
þá eru borin saman tvö fámenn
sveitarfélög sem byggja á land-
búnaði. Alls voru 10 milljónir
króna til úthlutunar og skiptist
féð jafnt á milli þeirra.
Innflytjendur og staða þeirra á
vinnumarkaði í Covid­kreppu er
eitt þeirra verkefni sem hlaut styrk
nú en þar er m.a. skoðað hver
staða innflytjenda á vinnumark­
aði landsbyggðarinnar er í sam­
anburði við höfuðborgarsvæðið á
tímum kórónuveiru. Staða innflytj­
enda á höfuðborgarsvæðinu verð­
ur borin saman við landið allt og
staða innflytjenda á vinnumarkaði
á Vesturlandi einnig borin saman
við landið allt.
Félagsleg seigla
Þá hlaut verkefni sem snýst um
náttúruhamfarir á Seyðisfirði og
félagslega seiglu styrk úr sjóðnum.
Greina á og kortleggja afleiðingar
náttúruhamfaranna á Seyðisfirði
með tilliti til samfélagslegrar seiglu.
Markmiðið er að skoða og prófa
mælitæki sem notuð hafa verið í
erlendum rannsóknum til að mæla
seiglu eða viðnámsþol. Einnig í
bland við önnur mælitæki sem beitt
hefur verið í íslenskum rannsóknum.
Gera þannig tilraun til heildstæðrar
greiningar á þeim kröftum og öflum
sem toga samfélagið aftur til jafn­
vægis og um leið skýra þann nýja
jafnvægispunkt sem samfélagið
finnur.
Þriðja verkefni snýst um
rannsókn á launamun hjúkrunar­
fræðinga á Landspítalanum og
hjúkrun ar fræðinga á Sjúkrahúsinu
á Akureyri. Markmið er að bæta
þekk ingu á launamun starfsmanna
á hinum íslenska vinnumarkaði.
Einnig að varpa betra ljósi á þá
umræðu sem hefur átt sér stað
undanfarin ár um launamun milli
höfuðborgarsvæðisins og lands­
byggðarinnar.
Margur er knár
Að lokum er verkefni sem nefnist
Margur er knár þó hann sé smár
og snýst um að útskýra ólíka
velgengni nokkuð sambærilegra
fámennra landsvæða eins og
Dala­ og Vestur­Húnavatnssýslu.
Rannsakendur hyggjast komast að
því hvort læra megi af samanburði
Dalabyggðar og V­Húnavatnssýslu
og yfirfæra þekkinguna til styrktar
samfélögunum. Bæði svæðin eru
fámenn, tiltölulega einangruð eða
fjarlæg og byggja á landbúnaði.
/MÞÞ
Þingeyjarsveit:
Fyrsta íbúðin utan höfuðborgar-
svæðis sem fær Svansvottun
Nýbygging á Melgötu 6a og 6b,
á vegum Leiguíbúða Þingeyjar-
sveitar hses. fékk Svansvottun við
formlega athöfn fyrir skemmstu.
Umhverfisráðherra, Guð mund­
ur Ingi Guðbrandsson, afhenti Árna
Grétari Árnasyni, framkvæmdastjóra
Faktabygg Ísland, Svansvottunina.
Um er að ræða fyrstu nýbygginguna
utan höfuðborgarsvæðisins sem
hlýtur Svansvottun.
Parhúsíbúðirnar við Melgötu
6a og 6b eru Svansvottaðar og eru
hvor um sig 80 m2 með tveimur
svefnherbergjum, eldhúsi og stofu
í sama rými, forstofu og geymslu.
Ísskápur og uppþvottavél fylgja
með. FaktaBygg Ísland ehf. sá um
framkvæmdina fyrir Leiguíbúðir
Þingeyjarsveitar hses. og eru
íbúðirnar nú tilbúnar til útleigu en
lóða frágangi lýkur í sumar. Fyrsti
leigjandinn hefur fengið lykla að
íbúðinni afhenta.
Leiguíbúðir Þingeyjarsveitar
hses. áforma að byggja sams
konar parhús við Víðigerði í Aðal­
dal og kaupa tvær 67 m2 íbúðir í
nýbyggingu sem verður reist á
Lautavegi á Laugum í sumar.
Samtals verða þetta því sex íbúðir
til útleigu á vegum félagsins sem
er hrein viðbót leiguíbúða í sveitar­
félaginu. /MÞÞ
Unnur Gunnarsdóttir var að vonum ánægð með að komast í nýja íbúð með
dætur sínar tvær. Helga Sveinbjörnsdóttir byggingarfulltrúi afhenti lyklana
fyrir hönd Leiguíbúða Þingeyjarsveitar hses.
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
HAUGSUGU-
DÆLUR
6,500 - 9,500
11,000 - 13,500 lítra
HAUGSUGUHLUTIR
VARAHLUTIR
Sveitarstjórn Blönduóss vill viðræður um sameiningu við Húnavatnshrepp:
Meirihlutinn í Húnavatnshreppi telur
ekki tímabært að hefja viðræður
Sveitarstjórn Blönduósbæjar
samþykkti á fundi í liðinni viku
að óska formlega eftir við ræð-
um við sveitarstjórn Húna vatns-
hrepps um sameiningu sveitar-
félaganna byggða á þeirri miklu
undirbúningsvinnu sem þegar
hefur farið fram.
Fulltrúar sveitarstjórnar Blöndu­
óss telja að nýta beri þau augljósu
tækifæri sem felist í sam einingu
þessara tveggja sveitarfélaga og
óska eftir því við sveitarstjórn
Húna vatnshrepps að taka eins fljótt
og hægt er afstöðu til beiðninnar.
Sveitarstjórn Húnavatnshrepps
kom saman á fund nokkru áður en
Blönduósingar lögðu fram beiðni
um viðræður og á þeim fundi var
niðurstaðan sú að meirihluti sveit­
arstjórnar Húnavatnshrepps telur
ekki tímabært að hefja viðræður
um sameiningu við Blönduósbæ
að svo stöddu.
Sameining fjögurra
sveitarfélaga var felld
Sameining fjögurra sveitarfélaga
í Austur­Húnavatnssýslu, Húna­
vatns hrepps, Blönduósbæjar, Skaga­
strandar og Skagabyggðar var felld
í kosningu í byrjun júní í tveimur
síðastnefndu sveitarfélögunum. Hún
var hins vegar samþykkt í tveimur
þeim fyrrnefndu.
Miklar umræður urðu um sam­
einingar málið á fundi sveitar­
stjórnar Húnavatnshrepps nýverið
en meirihluti sveitarstjórnar telur
mikilvægt að öll sveitarfélögin
vinni áfram sameiginlega að þeim
mála flokkum sem þau hafi nú þegar
byggða samlög um. Niðurstöður
kosning anna í júní sé með þeim
hætti að ekki sé tímabært að
hefja viðræður um annars konar
sameiningu að því er fram kemur
í bókun frá fundinum.
Mikill vilji fyrir sameiningu
á Blönduósi
Í kosningu um sameiningu sveitar­
félaganna allra í Austur­Húna­
vatnssýslu í byrjun júní var sam­
eining samþykkt í Húnavatns hreppi
og Blönduósbæ en hafnað í Skaga­
byggð og á Skagaströnd. Tæplega
90% íbúa á Blönduósi samþykktu
sameiningu og nær 57% íbúa í
Húnavatnshreppi.
Skiptar skoðanir eru innan Húna­
vatnshrepps um sameiningar málið.
Fulltrúar E lista telja að brotið hafi
verið á lýðræði íbúa hreppsins
þegar meirihlutinn ákvað að hafna
viðræðum við Blönduósbæ og þykir
þeim valdið ekki liggja hjá íbúum
sveitarfélagsins. Telja þeir sterkan
grunn fyrir áframhaldandi viðræðum
í stað þess að fara á ný á byrjunarreit.
Meirihlutinn vísaði á fundinum
á bug að verið væri að brjóta á
lýðræðislegum réttindum íbúa. /MÞÞ
Fulltrúar sveitarstjórnar Blöndu óss telja að nýta beri þau augljósu tækifæri sem felist í sam einingu við
Húnavatnshrepp. Mynd / HKr.