Bændablaðið - 11.03.2021, Blaðsíða 6

Bændablaðið | Fimmtudagur 11. mars 20216
Búnaðarþing verður haldið 22. og 23. mars
næstkomandi þar sem félagskerfið verður
meginstefið á þinginu. Það fer óneitanlega
um okkur hér varðandi þau COVID-19
smit sem eru að greinast í samfélaginu.
Við stefnum ótrauð á staðarþing þar sem
okkur finnst nauðsynlegt að fara yfir
málefni landbúnaðarins í góðu samtali
við búnaðarþingsfulltrúa.
Boðað er til þingsins með öllum
fyrirvörum um takmarkanir og byggjum
við undirbúninginn á núgildandi reglugerð
um takmarkanir á samkomum sem gildir
til 17. mars næstkomandi. Við biðjum
alla að fylgjast vel með ef einhverjar
breytingar verða eftir þann 17., hvort sem
er til frekari takmarkana eða rýmkunar. Á
grunni núgildandi fyrirkomulags þá munu
þingfulltrúar fá afhentar leiðbeiningar
um fyrirkomulag og sætaskipan og er
nauðsynlegt fyrir okkur að gæta vel að
persónulegum sóttvörnum.
Mælaborð landbúnaðarins
Ráðuneyti landbúnaðarins hefur kynnt
fyrir Bændasamtökunum fyrstu drög að
mælaborði landbúnaðarins og það verður
að segjast að verkefnið lofar góðu. Þetta
er málefni og verkfæri sem hefur verið
áhersluatriði undanfarinna ára að fá þessar
upplýsingar samanteknar á einum stað. Það
er ástæða til að koma á framfæri hrósi til
ráðuneytisins með þessa framsetningu sem
nýtast mun öllum sem starfa að málefnum
landbúnaðarins. Ég treysti því að þetta verði
opnað með viðhöfn þegar búið verður að
fylla inn í fleiri glugga í mælaborðinu.
Landbúnaðarháskólinn
Eftir tveggja ára samtal og viðræður er
starfs nám í garðyrkju óskrifað blað, þó
hefur verið tekin ákvörðun um að færa
starfsmenntanámið til Fjölbrautaskóla
Suðurlands, sem er jákvætt. En að­
staðan á Reykjum á að vera á hendi
Landbúnaðarháskólans, þar sem helst á ekki
að hleypa grunnnáminu að með sína starf­
semi, samkvæmt nýrri þarfagreiningu LbhÍ.
Við í garðyrkjunni höfum nálgast málefni
námsins af mikilli yfirvegun síðastliðin tvö
ár og vilja til að leita sátta, en nú er mælirinn
fullur. Enn og aftur skal horft til þess að
LbhÍ þurfi alla aðstöðuna á Reykjum fyrir
sína rannsóknarstarfsemi. Við höfnum ekki
rannsóknum en teljum skynsamlegt skref að
byrja á grunnnáminu svo einhverjir verði til
að framleiða og skapa verðmætin á grund­
velli allra rannsóknanna. Ef fer fram sem
horfir verður væntanlega ekkert grunnnám
á Reykjum. Ég er líka hugsi yfir því hvert
Landbúnaðarháskólinn stefnir á grundvelli
frumframleiðslunnar í landbúnaði. Nú
skrifa fræðimenn greinar og skýrslur um
ofbeit á Íslandi sem sé svo umfangsmikil og
umtalsverð að eina lausnin liggi hreinlega í
því að fella allan bústofn. Væri ekki nær að
skólinn og þeirra starfsmenn væru með upp­
byggilegar leiðbeiningar til bænda hvernig
betur mætti fara heldur en að mála þá sem
skúrka náttúrunnar? Við verðum að auka
veg og vanda þessarar menntastofnunar í
stað þess að nota hann í pólitískum áróðri
gegn bændum þar sem engan stuðning og
leiðbeiningar er að fá til þeirra mikilvægu
verkefna sem við þurfum öll í sameiningu
að takast á við.
Bændablaðið kemur út 24 sinnum á ári. Því er dreift ókeypis á yfir 400 stöðum
á landinu og á öll lögbýli landsins.
Lesendur geta einnig gerst áskrifendur að blaðinu og fengið það sent heim í pósti
gegn greiðslu. Árgangurinn kostar þá kr. 11.600 með vsk. (innheimt í tvennu lagi).
Ársáskrift fyrir eldri borgara og öryrkja kostar 7.600 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Heimsfaraldur af völdum COVID-19
hefur hrist heldur betur upp í samfélög-
um manna um allan heim og fengið fólk
til að átta sig á að góð heilsa er ekki jafn
sjálfgefið fyrirbæri og við höfum flest
talið. Þá hefur COVID haft mikil áhrif á
hegðun fólks og efnahagslíf þjóða.
Íslendingar eru sennilega betur settir en
margar aðrar þjóðir í þessum heimsfaraldri
af ýmsum ástæðum. Hér var efnahags­
staða ríkisins ótrúlega góð til að takast á
við áfall af þessum toga. Þá hefur okkur
auðnast að fara að verulegu leyti eftir leið­
beiningum sérfræðinga sem hefur reynst
okkur farsælt.
Vissulega var það mikill skellur að
missa nær alveg þá veigamiklu stoð sem
ferðaþjónustan er úr atvinnulífinu svo
að segja í einu vetfangi. Eigi að síður
hefur Íslendingum tekist að halda uppi
tiltölulega stórum hluta atvinnulífs sem er
meira en hægt er að segja um margra aðrar
þjóðir. Lögð hefur verið mikil áhersla á
að halda matvælaframleiðslu gangandi
eins og landbúnaði og sjávarútvegi, enda
er fátt mikilvægara á svona tímum en að
tryggja fæðuöryggi þjóðarinnar. Það er því
ekki nein tilviljun að þjóðir heims hafi lagt
ofuráherslu á fæðuöryggi sitt, því flestum
er ljóst að ef menn geta ekki brauðfætt sig
sjálfir þá er ekki á vísan að róa með aðstoð
þegar í harðbakkann slær.
Á Íslandi poppa samt upp annað slagið
vitringar sem hafa gert lítið úr fæðuör­
yggisumræðunni. Sama fólk gerir gjarnan
lítið úr hættu á að hingað berist sýklalyfja­
ónæmar bakteríur. Samt er útbreiðsla
ofurbaktería talin vera af helstu faralds­
sérfræðingum heims mesta viðvarandi
ógn við lýðheilsu jarðarbúa, jafnvel að
COVID­19 faraldrinum meðtöldum.
Það er líka dapurlegt að fylgjast með
því þegar úr hópi ríkisrekinna sérfræðinga
berast stöðugar neikvæðar raddir í garð
íslensks landbúnaðar þar sem látið er í
veðri vaka að það sé einsdæmi á heimsvísu
að landbúnaður njóti ívilnunar af hálfu rík­
isins eins og hér er gert. Þessu sama fólki
finnst svo ekkert siðferðilega athugavert
við það að kaupa helst öll okkar matvæli
frá útlöndum sem eru niðurgreidd í stórum
stíl af viðkomandi ríkjum.
Óneitanlega er svolítið pirrandi að
heyra svo sömu fræðimenn flytja síbylju
um að Bændablaðið sé rekið fyrir fé úr
ríkissjóði. Undirritaður hefur starfað við
þennan fjölmiðil í rúm tíu ár og allan
þann tíma hafa auglýsingatekjur staðið
undir rekstrarkostnaði blaðsins og oftast
gott betur. Kannski er þessi tilraun til að
sverta blaðið í augum almennings sprottin
af öfund, því þekkt er að sumir þola ekki
velgengni annarra og alls ekki ef sú vel­
gengni er sprottin af eigin verðleikum.
Til fróðleiks má geta þess að frá 2010
hefur stærð blaðsins aukist um 180% og
upplag um nærri 58% þó starfsmannafjöldi
sé enn sá sami. Auglýsingatekjur hafa
haldist nokkuð vel í hendur við vaxandi
gengi blaðsins. Bændablaðinu er dreift
frítt en ekki troðið upp á nokkurn mann.
Áhugsamir verða því að hafa fyrir því
að sækja sér blað ef þeir vilja lesa það.
Lesendakannanir Gallup árum saman hafa
líka staðfest mikinn meðbyr. Hefur það
verið vinsælasti prentmiðillinn á lands­
byggðinni um árabil og var fyrir COVID
komið í annað sæti yfir landið allt ef höf­
uðborgarsvæðið er tekið inn í myndina.
Vissulega hefur heimsfaraldurinn haft
nokkur áhrif á dreifingu Bændablaðsins,
en tryggð og velvilji lesenda hefur samt
haldist ótrúlega vel og sömu sögu er að
segja af tekjustreymi. Öllu tali um ríkis­
rekstur á Bændablaðinu er því enn og aftur
vísað til föðurhúsanna. /HKr.
Gunnar Þorgeirsson
formaður Bændasamtaka Íslands
gunnar@bondi.is
ÍSLAND ER LAND ÞITT
Ritstjóri: Hörður Kristjánsson (ábm.) hk@bondi.is – Sími: 563 0339 − Rekstur og markaðsmál: Tjörvi Bjarnason tjorvi@bondi.is – Blaðamenn: Erla Hjördís Gunnarsdóttir ehg@bondi.is –
Margrét Þóra Þórsdóttir mth@bondi.is – Sigurður Már Harðarson smh@bondi.is – Vilmundur Hansen vilmundur@bondi.is – Auglýsingastjóri: Guðrún Hulda Pálsdóttir ghp@bondi.is – Sími: 563 0303 –
Netfang auglýsinga: augl@bondi.is − Vefur blaðsins: www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun: Ágústa Kristín Bjarnadóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621
Af Djúpavatnsleið. Þetta er hluti af Krísuvíkurgosbeltinu á Reykjanesi, en sprungusveimurinn frá því teygir sig m.a. í gegnum Norðlingaholt ofan
við Breiðholtið í Reykjavík og að Rauðavatni. Vestan til í þessu belti hefur verið nokkuð um jarðskjálfta að undanförnu, en til vinstri við veginn
og hæðina sem þarna sést er Djúpavatn. Það er 0,15 km² stöðuvatn sunnan Trölladyngju og Soga á Reykjanesskaga og er í 195 m hæð yfir sjó.
Mikið er af bleikju í vatninu, en bleikju af Þingvallastofni var sleppt í það í kringum 1960. Mynd / Hörður Kristjánsson
Sameinumst um mikilvæg verkefni
Frá Búnaðarþingi 2020. Mynd / HKr.
Góður gangur