Bændablaðið - 11.03.2021, Blaðsíða 18

Bændablaðið | Fimmtudagur 11. mars 202118
FRÉTTIR
Sendiherra Indlands heimsótti Solis
dráttarvélaumboðið á Íslandi
– Solis er orðið einn af 6 stærstu dráttarvélaframleiðendum í heimi
T. Armstrong Changsan, sendiherra Indlands, og Jón Valur Jónsson hjá Vallarbraut, við Sólis dráttarvél í höfuðstöðvum
íslenska umboðsins á Trönuhrauni í Harfnarfirði. Mynd / JVA
Vegna góðs árangurs Vallar­
brautar ehf. í sölu á Solis dráttar­
vélum á Íslandi, heimsótti sendi­
herra Indlands, hr. T. Armstrong
Changsan, fyrirtækið og kynnti
sér starfsemina og tækin.
Vallarbraut hóf innflutning
og sölu á Solis dráttarvélum árið
2016 og Royal Enfield mótorhjól-
um árið 2017, en bæði þessi merki
hafa vaxið gríðarlega á heimsvísu
á þessum árum.
Solis er t.d. orðinn einn af 6
stærstu dráttarvélaframleiðendum
í heiminum í dag og eru vélarnar
seldar í u.þ.b. 130 löndum.
Nýlega hóf Vallarbraut að bjóða
nýjar tvær týpur af Solis. 26 hestafla
vél með HST skiptingu og Narrow
(mjóar) 90 hestafla vélar.
Vallarbraut flutti í nýtt húsnæði í
Trönuhrauni 5 í Hafnarfirði og hefur
að undanförnu verið að koma sér
fyrir þar í nýjum sýningarsal og
með góðu útisvæði. /HKr.
Sendiherrann skemmti sér konung-
lega við að prófa traktora og mótor-
hjól hjá Vallarbraut.
Þórdís Kolbrún Reykfjörð Gylfadóttir ferðamála-, iðnaðar- og nýsköpunarráð-
herra ásamt Bjarna Guðmundssyni, framkvæmdastjóra SASS, við undirritun
samningsins um stofnun áfangastaðastofu.
Áfangastaðastofa á Suðurlandi
Stofna á áfangastaðastofu á
Suðurlandi, sem á að stuðla að
heildstæðari uppbyggingu ferða­
þjónustunnar á svæðinu.
Þórdís Kolbrún Reykfjörð
Gylfa dóttir ferðamála-, iðnaðar-
og nýsköpunarráðherra og Samtök
sunnlenskra sveitarfélaga (SASS)
hafa undirritað samstarfssamning
um stofnun áfangastaðastofu á
starfssvæði samtakanna.
Áfangastaðastofa er svæðisbund-
in þjónustueining á vegum opinberra
aðila og einkaaðila, sem hefur það
meginhlutverk að styðja við ferða-
þjónustu í viðkomandi landshluta og
tryggja að hún þróist í takt við vilja
heimamanna þar sem sjálfbærni er
höfð að leiðarljósi.
„Ég er mjög ánægð með að við
skulum komin með samning um
stóra og öfluga áfangastaðastofu á
Suðurlandi en þar fer um verulega
stór hluti ferðamanna sem hingað
koma. Áfangastaðastofan mun starfa
á grunni áfangastaðaáætlunar fyrir
svæðið og ég er þess fullviss að hún
muni stuðla að enn heildstæðari upp-
byggingu ferðaþjónustunnar á svæð-
inu,“ segir Þórdís Kolbrún. /MHH
Zenta og Eiríkur Vilhelm í Árbæjarhjáleigu en Zenta, sem er labrador, er
aðeins með þrjár lappir. Mynd / MHH
Tíkin Zenta spjarar sig
vel á þremur löppum
Tíkin Zenta á bænum Árbæjar­
hjáleigu í Holtum í Rangárþingi
ytra varð fyrir því óhappi síðasta
haust að hestur sparkaði í hana,
sem leiddi til þess að það þurfti
að taka af henni hægri afturlöpp.
Það var erfið ákvörðun fyrir
eiganda hennar en engin spurning
þar sem hún var með þriggja vikna
gamla hvolpa. Eiríkur Vilhelm
Sigurðsson, eigandi Zentu, segir að
það sé búið að vera hreint ótrúlegt
að fylgjast með bataferlinu.
„Já, hún var nokkuð fljót að
verða alveg sjálfbjarga og hefur
svo braggast jafnt og þétt. Í dag
leikur hún sér, smalar hrossum og
gerir allt eins og áður og verðum
við frekar að halda aftur af henni.
Eina sem sér á henni í dag, auðvitað
fyrir utan það að það vantar eina
löpp, er að hún hefur gránað
töluvert. Hvolparnir döfnuðu allir
vel og við ákváðum að halda eftir
tveimur tíkum, Skvísu og Rúsí,“
segir Eiríkur Vilhelm. /MHH