Bændablaðið - 11.03.2021, Blaðsíða 48

48 Bændablaðið | Fimmtudagur 11. mars 2021
LÍF&LYST – BÆRINN OKKAR
Arnór Ari Sigurðsson er fæddur
og uppalinn á Breiðdalsvík.
Hann er lærður vélvirki og
starfar við löndun og sinnir
viðhaldi á tækjum tengdum því.
Jórunn Dagbjört Jónsdóttir er
fædd og uppalin á Stöðvarfirði.
Hún er með stúdentspróf frá
Menntaskólanum á Egilsstöðum
en starfar sem stuðningsfulltrúi
í Grunnskóla Breiðdalsvíkur og
Stöðvarfjarðar.
Ólafía Jónsdóttir föðuramma
og Hermann Guðmundsson
stjúpafi Jórunnar byggðu bæði
íbúðarhúsið, vélarskemmuna og
byggðu við fjárhúsin á Þverhamri.
Arnór og Jórunn keyptu Þverhamar
haustið 2018.
Búið var að útbúa gistingu á
neðri hæð íbúðarhússins og reka
þau hana samhliða búinu. Í byrjun
árs keyptu þau hlut í Breiðdalsbita
og vonast þau til þess að geta gert
spennandi hluti í samstarfi við
Guðnýju Harðardóttur.
Býli: Þverhamar 3.
Staðsett í sveit: Breiðdal í Fjarða­
byggð.
Ábúendur: Arnór Ari Sigurðsson,
Jórunn Dagbjört Jónsdóttir,
Árndís Eva Arnórsdóttir, Elvar
Freyr Arnórsson og Ester Lóa
Arnórsdóttir.
Fjölskyldustærð (og gæludýra):
Arnór á hana Árndísi Evu 9 ára úr
fyrra sambandi, en saman eiga þau
Elvar Frey, 4 ára og Ester Lóu, 2 ára.
Svo eiga þau tvo hunda, Pílu og Mola.
Stærð jarðar? Við hreinskilnislega
munum það ekki …
Gerð bús? Sauðfjárbúskapur og
ferðaþjónusta.
Fjöldi búfjár og tegundir? 350
kindur og tveir hundar.
Hvernig gengur hefðbundinn
vinnu dagur fyrir sig á bænum?
Eins og núna á veturna, þegar það er
búið að hýsa féð, þá fara Jórunn og
börn í vinnu og leikskóla. Arnór fer
og gefur morgungjöf og fer svo beint
í vinnu. Jórunn sækir börnin í leik­
skóla og fer með þau heim og sinn­
ir þeim og heimilinu. Arnór kemur
úr vinnu og fer svo í kvöldgjöfina.
En það eru ekki allir dagar eins í
sveitinni og störfin eru fjölbreytt.

Skemmtilegustu/leiðinlegustu
bústörfin? Okkur finnst sauðburður
og smalamennskur skemmtilegustu
störfin. Í rauninni finnst okkur
ekkert verk leiðinlegt sem viðkemur
búinu en þau geta verið miserfið.
Hvernig sjáið þið búskapinn fyrir
ykkur á jörðinni eftir fimm ár?
Framtíðarsýn okkar væri að koma
öllu fé á gjafagrindur, stækka
fjárhúsin og fjölga fénu talsvert.
Hvar teljið þið að helstu tækifær-
in séu í framleiðslu á íslenskum
búvörum? Við sjáum fyrir okkur
að nýta hluta af afurðunum í gegnum
Breiðdalsbita. Koma með nýjar og
spennandi vörur á markað.
Svo væri draumurinn að Íslend­
ingar yrðu sjálfum sér nógir í fram­
leiðslu á íslensku kjöti og vörum, til
þess þyrfti að vera minna af innfluttu
kjöti. Þar af leiðandi þyrftu tollamál
að vera í lagi.
En á innanlandsmarkaðinum
mætti bæta framsetningu íslensku
vörunnar með áherslu á gæði og
hreinleika.
Hvað er alltaf til í ísskápnum?
Mjólk, smjör, ostur, tómatsósa,
kokteil sósa og skyr.
Hver er vinsælasti maturinn á
heimil inu? Lambalæri eða pitsa.
Eftirminnilegasta atvikið við
bú störfin? Fyrsti sauðburðurinn
var frekar eftirminnilegur. Ester
Lóa fæddist 29. apríl 2019 og
voru þau á sjúkrahúsinu í um
rúma tvo daga og komu heim 2.
maí. Sauðburðurinn byrjaði á fullu
6. maí, þá var nóg að gera. Arnór
sá um sauðburðinn með hjálp
fjölskyldu og vina og Jórunn sá um
börn, heimili og gistingu á meðan
sauðburðinum stóð. Þetta var mjög
krefjandi en mjög dásamlegur og
gefandi tími.
Grænmeti og möndluhjúpaður kjúlli
Við skulum vera heiðarleg,
grænmetismeðlæti getur orðið
einhæft og stundum erfitt að fá
hugmyndir en það er auðvelt að
baka grænmeti og prófa framandi
grænmeti til að krydda lífið. Svo
er hægt að auka skammtinn til að
fá fjölbreytt mataræði með fullt af
vítamínum.

Ristað fennel og spergilkál

Hráefni
› 1 haus spergilkál
› 1 fennel skorið í sneiðar
Sinneps-skalottlauks kryddlögur
Hráefni
› 2 litlir skalottlaukar, smátt saxaðir
› 1 hvítlauksrif, smátt saxað
› 2 tsk. Dijon sinnep
› 4 msk. góð olía
› salt og pipar
Aðferð
Hitið ofninn í 200 gráður.
Blandið saman skalottlauk, hvítlauk
og sinnepi í skál og þeytið saman.
Bætið næst olíunni í stöðugum
straumi meðan þið þeytið til að
þykkja marineringuna. Saltið og
piprið eftir smekk og setjið til hliðar.
Undirbúið grænmeti. Skerið toppinn
af fennel. Skerið fennelið í fjórðunga
og fjarlægið harðan kjarna frá rótinni
og sneiðið í sneiðar. Setjið fennel­
sneiðar á fat.
Bætið við spergilkálsblómum og
dreifið grænmeti út á smjörpappír og
steikið við 200 gráður í 30­40 mínútur
eða þar til fennel er mjúkt. Stráið
ríkulega yfir ferskun parmesanosti.
Möndluhjúpaður kjúklingur
Kornflögur – eða jafnvel Rice
Krispies – er oft notað til að hjúpa
kjúkling.
Möndluhjúpaður bakaður kjúklingur
er eins og naggar sem flestir elskuðu
þegar þeir voru krakkar, en nú er
komin hollari útgáfa. Hreint út sagt
ljúffengt!
Þessi möndluhjúpaði kjúklingur er
frábær þegar þú vilt fá góða stökka
húð á kjúklinginn.
Það skiptir ekki öllu máli ef þú notar
egg til hann festist betur við, eða
mjólk hægt er að nota bara vatn.
Kjúklingurinn er stökkur og safa­
ríkur í hvert skipti. Þú getur notað
kjúklingabringur, læri eða jafnvel
svínakótelettur!
Hráefni
› 500 g kjúklingur
› 300 g möndlumjöl
› 50 g heilar möndlur, kornflex eða
annað stökkt korn
› Paprikuduft, salt og pipar fyrir krydd
› Egg, vatn og/eða mjólk hrært til að
hjúpa kjúklinginn
Aðferð
Að búa til möndluhjúpaðan kjúkling
er svo auðvelt!
Blandið saman kryddinu við möndl­
ur og möndlumjöl í kraftmiklum
blandara eða í skál.
(Ekki vinna saman of mikið, annars
býrðu til möndlusmjör.)
Dýfðu kjúklingi í eggja og vatns­
blöndu (eða mjólk) og svo í
möndlurnar.
Kjúklingurinn er settur á bökunar­
plötu klæddri smjörpappír þar til
hann er orðinn gullinnbrúnn og safinn
glær.
Bakaðir sætakartöflubitar
Einfalt og hollt meðlæti til að
breyta til frá djúpsteiktum kartöflum
sem sumum finnst vera reglan með
stökkum kjúklingi.
Hráefni
› 4 heilar sætar kartöflur, vel skolaðar
og skornar í bita eða fleyga
› 3 msk. ólífuolía
› 1 tsk. blandaðar kryddjurtir
› 1 tsk. paprikuduft
Aðferð
Hitið ofninn í 200 gráður. Smyrjið
bökunarplötu létt, eða klæðið hana
með bökunarpappír.
Blandið olíu og papriku í stóra skál.
Bætið við sætum kartöflum og
dreifið þeim jafnt yfir.
Setjið bita í eitt lag á bökunarplötu
og bakið í 40 mínútur.
Hægt er að forbaka annað grænmeti
eins og sellerírót eða gulrætur líka
til að fá litríkt grænmeti.
MATARKRÓKURINN
Bjarni Gunnar Kristinsson
matreiðslumeistari
Þverhamrar 3