Bændablaðið - 11.03.2021, Blaðsíða 10

Bændablaðið | Fimmtudagur 11. mars 202110
FRÉTTIR
Myndin af námskeiði sem boðið er upp á fyrir matvælaframleiðendur á Norðurlandi vestra. Myndir / Vörusmiðjan
SSNV og Vörusmiðja BioPol á Skagaströnd:
Áframhaldandi stuðningur
við smáframleiðendur
Samtök sveitarfélaga á Norður­
landi vestra og Vörusmiðja
BioPol á Skagaströnd hafa
gengið frá samstarfssamn­
ingi um áhersluverkefnið
Matvælasvæðið Norðurland
vestra. Verkefnið lýtur að áfram­
haldandi stuðningi við smáfram­
leiðendur á starfssvæði samtak­
anna og er unnið í nánu sam­
starfi við Farskóla Norðurlands
vestra.
Meðal þátta verkefnisins eru
stuðningur við ýmiss konar nám-
skeiðahald fyrir smáframleiðendur,
sölubíl smáframleiðenda og vef-
verslun Vörusmiðjunnar. Einnig
fellur undir verkefnið kynnisferð
til Eldrimmer í Svíþjóð en það
svæði er framarlega hvað full- og
heimavinnslu varðar.
Þetta er í þriðja skiptið sem
áhersluverkefni hafa verið skilgreind
sérstaklega til að styðja við smá-
framleiðendur á starfssvæði SSNV.
Slík verkefni hafa skýra skírskotun
í sóknaráætlun landshlutans þar sem
áhersla er lögð á fullvinnslu, sölu
beint frá býli, virðisaukningu heima
í héraði og stuðning við smáfram-
leiðendur.
Býður upp á vottað vinnslurými
fyrir smáframleiðendur
Vörusmiðja BioPol er vottað
vinnslu rými fyrir smáframleiðendur
sem staðsett er á Skaga strönd. Þar
hafa framleiðendur matvæla aðgang
að aðstöðu til þróunar, nýsköpunar
og framleiðslu á náttúrulegum mat-
og heilsuvörum. Allur aðbúnaður
í Vörusmiðjunni uppfyllir kröfur
um öryggi framleiðenda og heil-
næmi framleiðsluvörunnar og er
þar aðgengi að tækjum og tólum til
framleiðslunnar auk stuðnings við
þróun, markaðssetningu og sölu.
Á heimasíðu Vörusmiðjunnar er
vefverslun þar sem framleiðslu-
vörur smáframleiðendanna eru til
sölu. Einnig heldur Vörusmiðjan
úti sölubíl smáframleiðenda sem
fer um Norðurland vestra í reglu-
bundnum ferðum samkvæmt leiða-
kerfi sem auðveldar íbúum að nálg-
ast vörur framleiddar í héraði.
/MÞÞ
Vörusmiðjan heldur úti sölubíl smáframleiðenda sem fer um Norðurland
vestra í reglubundnum ferðum samkvæmt leiðakerfi sem auðveldar íbúum
að nálgast vörur framleiddar í héraði.
Kosið um sameiningu í Austur-
Húnavatnssýslu 5. júní
Sveitarstjórnir Húnavatns­
hrepps og Skagabyggðar hafa
sam þykkt tillögu sameiningar­
nefndar Austur­Húnavatnssýslu
um að sveitarfélögin fjögur í
sýslunni hefji formlegar sam­
einingarviðræður.
Einnig var samþykkt að hvert
sveitarfélag skipi tvo fulltrúa
og tvo til vara í samstarfsnefnd.
Um er að ræða öll sveitarfélög-
in í Austur-Húnavatnssýslu, þ.e.
Húnavatnshreppur, Blönduós-
bær, Skagabyggð og Sveitar-
félagið Skagaströnd. Kosið verð-
ur 5. júní á kjörstað. 1. desember
2020 voru íbúar sveitarfélaganna
1893. /MHH
Kosið um sameiningu
á Suðurlandi í haust
Sveitarstjórnir Skaft ár­
hrepps, Mýrdalshrepps,
Rangárþings eystra,
Rang árþings ytra og
Ása hrepps hafa sam­
þykkt að kosið verði um
sameiningu sveitarfélag­
anna samhliða alþingis­
kosn ing unum í haust,
eða laugardaginn 25.
september.
Samþykki íbúar til-
löguna verður til langstærsta sveitar-
félag Íslands og þar af leiðandi stærsta
skipulagsumdæmi landsins. Innan
marka sveitarfélagsins yrði stór hluti
hálendisins, Vatnajökulsþjóðgarður,
merkar náttúruminjar og margir af
helstu ferðamannastöðum landsins.
Íbúar sveitarfélagsins yrðu um fimm
þúsund og fjögur hundruð.
/MHH
Minni sveitarfélög vilja alls ekki
lögþvingaða sameiningu
Það varð ljóst á landsþingi
Sambands íslenskra sveitarfé­
laga þann 18. desember á síðasta
ári að ekki ríkir sú samstaða sem
áður var haldið fram um lög­
festingu íbúalágmarks sveitar­
félaga. Síðan þá hefur hópur
minni sveitarfélaga unnið að
mótun tillögu sem gæti komið í
stað íbúalágmarks í því skyni að
styrkja og efla sveitarfélög, ekki
síst með sameiningum.
Jafnframt að horfa til leiða sem
sveitarfélög gætu sameinast um á
vettvangi sambandsins, þannig að
það megi betur gegna sínu hlut-
verki, sem sameiginlegur málsvari
sveitarfélaga.
„Við höfum sent okkar tillögu
til umhverfis- og samgöngunefnd-
ar Alþingis, en frumvarp um íbúa-
lágmark er nú í umsagnarferli.
Tillagan er framlag hópsins til að
ná fram sátt um hið mikilvæga mál
sem er efling sveitarfélaga, íbúum
landsins til heilla. Tillagan hefur
verið nokkurn tíma að mótast og
tekið góðum breytingum, m.a. eftir
fund starfshóps minni sveitarfé-
laga með stjórn sambandsins á
dögunum. Tillagan í endanlegri
mynd verður nú jafnframt kynnt
stjórninni, sem og öllum sveit-
arstjórnum. Er það von okkar
að hún hljóti góðan stuðning og
hægt verði að ljúka þessu máli í
góðri sátt Alþingis og sveitarfé-
lagastigsins,“ segir Ása Valdís
Árnadóttir, oddviti Grímsnes-
og Grafningshrepps sem á sæti í
hópnum.
Aðrir sem eiga þar sæti eru
Jón Páll Hreinsson, sveitarstjóri
í Bolungarvík, Jónas Egilsson,
sveitarstjóri Langanesbyggðar,
Linda Björk Pálsdóttir, sveit-
arstjóri í Hvalfjarðarsveit og
Þröstur Friðfinnsson, sveitarstjóri
í Grýtubakkahreppi. Að tillögunni
standa um 20 sveitarfélög. /MHH
Ása Valdís Árnadóttir, oddviti Grímsnes- og Grafningshrepps, á sæti í
starfshópi minni sveitarfélaga, sem vilja ekki sjá lögþvingaða sameiningu
sveitarfélaga því ákvörðun eigi að vera í höndum íbúa. Mynd / MHH
Undirbúningur fyrir sýninguna
„Íslenskur landbúnaður 2021“
sem haldin verður í Laugar­
dalshöll dagana 8.–10. október
stendur nú sem hæst. Að sögn
Ólafs M. Jóhannessonar sýningar­
haldara hafa þegar fjölmörg fyr­
irtæki pantað bása og stefnir í
sannkallaða stórsýningu í haust.
Síðasta sýning var haldin 2018 og
sló hún öll aðsóknarmet í Höllinni.
„Ég er handviss um að sýn-
ingin mun vekja mikla athygli og
gagnast landbúnaðinum í heild.
Landbúnaður spannar allt landið og
er afar mikilvægur í samfélaginu.
Sjálfur held ég að greinin muni eflast
í framtíðinni því að ungt fólk sækir í
fjölbreytnina. Íslenskur landbúnaður
er síður en svo einhæfur og getur
byggt á sínu góða orðspori sem felst
í hreinum og hollum framleiðsluvör-
um. Þá ber að hafa í huga að milli-
stéttin vex víða með ógnarhraða og
þannig opnast stöðugt nýir markaðir
fyrir heilnæmar landbúnaðarvörur.“
Ólafur segir að gestir geti búist
við fjölbreyttri sýningu þar sem
fyrirtæki og stofnanir kynni sínar
áherslur.
„Það verður mikið af stórum
og litlum tækjum, bæði á úti- og
innisvæði. Þarna verða allir helstu
vélasalar landsins og þjónustufyr-
irtæki landbúnaðarins. Þá eru fyr-
irtæki sem tengjast ferðaþjónustu
og húsbyggingum ýmiss konar
áberandi. Mikið af ýmsum rekstr-
arvörum verða kynntar og ekki síst
framleiðsla bænda. Matvæla- og
afurðafyrirtæki kynna einnig sínar
fjölbreyttu og gómsætu afurðir.“
Fyrirlestrar um landbúnað
Í hliðarsal í Laugardalshöllinni
verða haldnir fyrirlestrar um allt
milli himins og jarðar tengt land-
búnaði, bæði fyrir lærða og leikna.
Á síðustu sýningu voru afar áhuga-
verðir fyrirlestrar og vafalítið hefur
bæst í hugmynda bankann, segir
Ólafur og minnir á að dagskráin
verði birt á bbl.is þegar hún liggur
endanlega fyrir.
Félagsmönnum í Bænda-
samtök unum er öllum boðið á
sýninguna og þar að auki fá fyrir-
tækin sem taka þátt fjölda boðs-
miða til þess að koma til sinna
viðskiptavina.
„Við finnum mikinn áhuga hjá
almenningi á sýningunni sem er til
marks um áhuga á íslenskum land-
búnaði í dag. Framtíðin í þessum
geira er sannarlega björt.“
Nánari upplýsingar veita Ólafur
M. Jóhannesson framkvæmdastjóri
sýningarinnar olafur@ritsyn.is 698
8150 og Inga markaðsstjóri inga@
ritform.is 898 8022.
ÍSLENSKUR LANDBÚNAÐUR 2021:
Stórsýning í undirbúningi í
Laugardalshöllinni í október
„Það er engin spurning að land-
búnaðarsýningin mun lyfta íslensk-
um landbúnaði. Fyrri sýning sló öll
aðsóknarmet,“ segir Ólafur M. Jó-
hannesson sýningarhaldari.