Bændablaðið - 11.03.2021, Blaðsíða 14

Bændablaðið | Fimmtudagur 11. mars 202114
FRÉTTIR
Heimilisiðnaðarfélagið:
Skotthúfa frú Auðar
Heimilisiðnaðarfélag Íslands
hefur árum saman staðið fyrir
prjónakaffi fyrsta fimmtu-
dags-kvöld í mánuði. Vegna
samkomutakmarkanna hafa
slíkar samkomur ekki verið
mögulegar undanfarið svo nú
hefur verið brugðið á það ráð að
streyma prjónakaffinu á netinu.
Skotthúfa frú Auðar er við-
fangsefni á prjónakaffi á veraldar-
vefnum fyrsta fimmtudagskvöld í
febrúar og mars. Um er að ræða sam-
prjón þar sem prjónuð er skotthúfa
úr léttlopa með fallegum skúf og
skotthúfuhólk. Skotthúfan er endur-
gerð húfu sem Auður Sveinsdóttir
Laxness fékk viðurkenningu
fyrir í hekl- og prjónasamkeppni
Álafoss árið 1970. Auður tengd-
ist Heimilisiðnaðarfélaginu sterk-
um böndum og sat m.a. í ritnefnd
ársritsins Hugur og hönd árunum
1971-1984. Skemmtilegar upp-
lýsingar um frú Auði má finna á
heimasíðu Gljúfrasteins.
Endurgerðu uppskriftina
af skotthúfunni má nálgast
ókeypis á heimasíðu Heimilis-
iðnaðarfélagsins www.heimil-
isidnadur.is. Á fyrra streymis-
kvöldinu í byrjun febrúar var sagt
frá Skotthúfu frú Auðar og hún
sýnd á ýmsum stigum, það streymi
er enn aðgengilegt á facebook
síðu félagsins. Seinna kvöldið
fimmtudaginn 4. mars kl. 20
verður sýnt í streymi
á facebook hvern-
ig á að gera skúf á
húfuna og hvaða
möguleikar eru í
gerð skotthúfuhólka.
Framtakið hefur
þegar fengið mjög
góðar viðtökur og
fjöldi húfa hefur
þegar litið dagsins
ljós.
Skotthúfu-prjóna-
kvöldin eru í umsjón
Þórdísar Höllu
Sigmars dóttur og Guðnýjar Maríu
Höskulds dóttur og eru unnin í
samráði við Gljúfrastein - hús
skáldsins. Það var Þórdís sem
fædd er árið 1970 sem fékk þá
hugmynd að prjóna skotthúfur frú
Auðar á sjö saumaklúbbsvinkonur
sínar í tilefni af 50tugs afmælis
þeirra og í framhaldi af því kvikn-
aði hugmyndin af prjónakaffi í
streymi á netinu.
Heimilisiðnaðarfélag Íslands hefur árum saman staðið fyrir prjónakaffi fyrsta fimmtudagskvöld í mánuði. Vegna
samkomutakmarkanna út af COVID-19 hefur verið brugðið á það ráð að streyma prjónakaffinu á netinu.
Skeifunni 3h ll Sími: 588 5080 ll dynjandi.is
Öflugar
rafstöðvar
Hjá Dynjanda færðu öflugar rafstöðvar,
í mismunandi stærðum og gerðum
sem henta fyrir margskonar aðstæður.
Við veitum þér faglega aðstoð.
Hafðu samband.
Ljósmyndir og litaflóð í Gallerí Vest
Dagana 11., 12. og 13. mars sýnir
Áskell Þórisson, blaðamaður, lit-
ríkar ljósmyndir í Gallerí Vest við
Hagamel 67 í Reykjavík.
Sýningin er opin kl. 13-17.
Heimasíðan www.askphoto.is sýnir
vel hvernig Áskell vinnur sínar ljós-
myndir.
Grímuskylda. Fjarlægðarmörk
þarf að virða.
Skaftárhreppur leiðandi
í umhverfismálum
Nýtt og glæsilegt gámasvæði
hefur verið tekið í notkun á
Kirkjubæjarklaustri eftir að
lokið var við að koma upp
flokkunarhúsi.
Skaftárhreppur hefur verið
í tilraunaverkefni hvað varðar
sorphirðulausnir í sveitarfé-
laginu sem þegar hafa skilað
sér í bættri flokkun.
„Já, það er markmið okkar
að vera leiðandi í umhverfis-
málum á landsvísu og vanda til
verka, m.a. hvað varðar með-
höndlun úrgangs, og leggja
okkar af mörkum við að draga
úr áhrifum loftslagsbreytinga,“
segir Sandra Brá Jóhannsdóttir,
sveitarstjóri Skaftárhrepps.
/MHH
Grímsnes- og Grafningshreppur:
Byggt við íþróttahúsið og
börnin vilja „ærslabelg“
Ingibjörg Harðardóttir sveitar stjóri
og Ása Valdís Árnadóttir, oddviti
Grímsnes- og Grafnings hrepps,
voru nýlega gestir hjá Frístunda-
klúbbnum á Borg. Þar voru krakk-
arnir búnir að undirbúa sig með
spurningar sem þau lögðu fyrir þær
og fengu greið og góð svör á móti.
Krakkarnir voru ánægðastir með
það þegar þær sögðu frá því að í fjár-
hagsáætlun þessa árs væru lagfæringar
á skólalóðinni og að mögulega kæmi
einhvern tíma ærslabelgur á Borg. Þá
á að byggja við íþróttahúsið glæsi-
legan líkamsræktarsal. Sveitarstjórinn
og oddvitinn voru m.a. spurðar út í
hvað væri skemmtilegast við starfið
þeirra og hvað leiðinlegast, hvaðan
peningarnir koma til sveitarfélagsins,
hvað íbúarnir væru margir, hvað væri
best við sveitarfélagið, sameiningar-
mál, fjöldi sumarbústaða og svona væri
hægt að telja lengi áfram. /MHH
Ingibjörg sveitarstjóri og Ása Val-
dís með penna og barmmerki merkt
sveitarfélaginu sem þær gáfu krökk-
unum. Mynd / MHH