Bændablaðið - 15.04.2021, Page 14
Bændablaðið | Fimmtudagur 15. apríl 202114
HLAÐVARP BÆNDABLAÐSINS FRÉTTIR
Leiðbeiningar um flokkun landbúnaðarlands:
Sérhverju sveitarfélagi gert
að flokka allt ræktanlegt land
– Unnið á grundvelli breytinga á jarðalögum
Atvinnuvega- og nýsköpun-
ar-ráðuneytið hefur gefið út leið-
beiningar um flokkun landbún-
aðarlands. Með leiðbeiningun-
um er lögð áhersla á að flokka
land sem nýtist til ræktunar á
matvælum og fóðri, með tilliti
til fæðuöryggis og jarðarlaga.
Niðurstöður flokkunar er ætlað
að nýtast sveitarfélögum sem
forsendur við skipulagsákvarð-
anir um landnotkun við gerð
aðalskipulags.
Leiðbeiningarnar voru unnar
á grundvelli jarðalaga, en með
breytingum á þeim í júlí síðast-
liðnum varð ráðherra heimilt að
gefa út slíkar leiðbeiningar – um
hvernig skuli flokka landbúnaðar-
land í aðalskipulagi, í samvinnu við
yfirvöld skipulagsmála. Að gerð
leiðbeininganna stendur atvinnu-
vega- og nýsköpunarráðuneytið í
samstarfi við Skipulagsstofnun og
Landbúnaðarháskóla Íslands.
Flokkun á öllu ræktanlegu landi
Leiðbeiningunum er skipt upp í
fjóra kafla. Í öðrum kafla er al-
mennt fjallað um ræktunarland
á Íslandi; útlistun á mismunandi
gerðum þeirra. Í þriðja kafla er
svo fjallað um mismunandi hæfni
lands til ræktunar og sérstaklega
fjallað um land sem hentað gæti til
akuryrkju. Fyrst er fjallað um al-
menn skilyrði og síðan gæði lands
og jarðvegs, til fróðleiks og nánari
upplýsinga. Þar eru einnig talin
upp lagaleg ákvæði sem hindrað
geta ræktun á landbúnaðarlandi.
Í fjórða kafla eru settar fram
skilgreiningar á þeim fjórum
flokkum sem leiðbeiningarnar ná
til. Þar er tekið fram að gert sé ráð
fyrir að sérhvert sveitarfélag flokki
allt ræktanlegt land innan síns lög-
sagnarumdæmis. Allt ræktanlegt
land er skilgreint sem land sem
liggur neðan við 300 metra yfir sjó,
er utan þéttbýlis, hefur ekki verið
ráðstafað varanlega til annarra nota
og kemur ekki til álita til ræktunar
af náttúrufarslegum ástæðum – eins
og ár og vötn.
/smh
Sandar, melar og áraurar teljast með ræktunarlandi að uppfylltum þeim skilyrðum sem sett eru.
Mynd/Skýrslaleiðbeiningaumflokkunlandbúnaðarlands
Útfærsla á 970 milljóna króna stuðningi
við sauðfjár- og nautgripabændur
– 562 milljóna króna viðbótargreiðsla á gæðastýringarálag í sauðfjárrækt
Lokið er við útfærslu á á 970
milljóna króna stuðningi við
sauðfjár- og nautgripabændur,
sem er ein af aðgerðunum tólf
í aðgerðaáætlun Kristjáns Þórs
Júlíussonar sem er ætlað að mæta
áhrifum COVID-19 á íslenskan
landbúnað.
Í tilkynningu úr atvinnuvega-
og nýsköpunarráðuneytinu kemur
fram að í nefndaráliti meirihluta
fjárlaganefndar við afgreiðslu
málsins hafi verið miðað við að 75
prósenta fjármagnsins myndi renna
til sauðfjárbænda og 25 prósent til
nautgripabænda.
562 milljóna króna viðbótar-
greiðsla á gæðastýringarálag
„Nú liggur fyrir útfærsla á dreifingu
þessara fjármuna sem unnin var í
samráði við Bændasamtök Íslands,
Landssamtök sauðfjárbænda og
Landssamband kúabænda.
Fjármunum til sauðfjárbænda,
alls 727 m.kr., verður ráðstafað með
eftirfarandi hætti:
Viðbótargreiðsla á gæðastýring-
arálag kindakjöts 2020 – 562 m. Kr.
Greitt í mars 2021. Þetta þýðir
að greiðslan til bænda hækkar um
þriðjung frá því sem áður hefur
verið greitt vegna ársins 2020.
Viðbótargreiðsla á ullar-
framleiðslu 2020 – 65 m. kr.
Bætist við greiðslu vegna ullarnýt-
ingar þegar uppgjör fer fram um
mitt ár 2021.
Til framkvæmdar á sérstakri
aðgerðaáætlun í sauðfjárrækt (sbr.
11. tölulið í áætlun ráðherra).
Þessi áætlun verður unnin í sam-
starfi við sauðfjárbændur í mars
2021. Greiðslur fara eftir fram-
kvæmd og eðli verkefna,“ segir í
tilkynningu ráðuneytisins.
Rúmar 22 þúsund krónur fyrir
hvern UN slátraðan nautgrip
„Fjármunum til nautgripabænda,
alls 243 m.kr., verður ráðstafað með
eftirfarandi hætti:
Viðbótargreiðsla á alla ungnauta-
gripi 2020 – 243 m. kr.
Greitt í mars 2021. Greiðslan
dreifist á alla UN gripi sem komu
til slátrunar á árinu 2020. Það
eru alls tæplega 11.000 gripir og
aukagreiðslan er tæpar 22.400
kr. á hvern,“ segir enn fremur í
tilkynningu ráðuneytisins. /smh
Kristján Þór Júlíusson, sjávarútvegs- og landbúnaðarráðherra. Mynd/Golli
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
STARTARAR
gerðir dráttarvéla
Matvælið
– Nýtt hlaðvarp Matís um rannsóknir og
nýsköpun í matvælaframleiðslu
„Matvælið – hlaðvarp
Matís“ er nafn á glænýjum
hlaðvarpsþætti sem er nú
aðgengilegur í Hlöðunni,
hlaðvarpi Bændablaðsins.
Þættirnir eru framleiddir af
Matís og fjalla um fjölbreytt
matvælatengd málefni.
„Nýsköpun með verð-
mætaaukningu, matvælaöryggi,
lýðheilsu og sjálfbærni í fyrirrúmi
er helsta viðfangsefni Matís.
Fjölbreytt sjónarhorn á þessa
þætti verða umfjöllunarefni í
hlaðvarpsþáttunum okkar sem
munu snúast um rannsóknir og
nýsköpun í matvælaframleiðslu,“
segir Ísey Dísa Hávarsdóttir,
sem er einn umsjónarmanna
hlaðvarpsins og starfar í
miðlunarteymi Matís.
Kynnist viðfangsefnum Matís
Hjá Matís er unnið að fjölbreyttum
verkefnum í matvælaiðnaði.
Þau eru unnin í samvinnu við
innlenda matvælaframleiðendur
og frumkvöðla, háskóla og alla þá
sem með einhverjum hætti koma
að matvælaiðnaði.
„Til þess að fólk og fyrirtæki
geti nýtt þjónustu og starfsemi
Matís sér í hag er þörf á að miðla
upplýsingum um starfsemi
fyrirtækisins með fjölbreyttum
hætti svo þær nái bæði augum
og eyrum landans. Nú þegar
er vefsíðan www.matis.is og
samfélagsmiðlar Matís nýttir
í þessum tilgangi, en hlaðvarp
er nýjasti miðillinn sem tekinn
hefur verið í gagnið svo fólk geti
á einfaldan og þægilegan hátt
kynnst þeim viðfangsefnum sem
fengist er við hjá Matís hverju
sinni,“ segir Ísey Dísa.
Próteingjafar framtíðarinnar í
fyrsta þætti
Í þáttunum verður rætt við
verkefnastjóra og starfsfólk
um þeirra verkefni eða tengd
mál en einnig við ýmsa
samstarfsaðila, svo sem úr
frumkvöðlaheiminum, matvæla-
iðnaðinum, viðskiptalífinu og
frá háskólum landsins. Stefnan
er að varpa ljósi á fagið og fólkið
fremur en á fyrirtækið sem slíkt.
Í fyrsta þætti hlaðvarpsins er
rætt við Birgi Örn Smárason,
verkefnastjóra hjá Matís, og Búa
Bjarmar Aðalsteinsson, sem hefur
bakgrunn úr Listaháskólanum,
vöruþróun, matvælaframleiðslu og
ýmiss konar frumkvöðlastarfsemi.
Þeir hafa ólíka aðkomu að
viðfangsefni þáttarins, sem er
próteingjafar framtíðarinnar og
sjálfbær matvælaframleiðsla,
og skapast því umræður um
fjölbreytta vinkla á efnið.
Hvað gerir Matís?
Tveir þættir eru þegar komnir
inn í Hlöðuna – hlaðvarp
Bændablaðsins á vefslóðinni
bbl.is, en þeir eru líka
aðgengilegir á vef Matís og á
öllum helstu hlaðvarpsveitum.
Stefnan er að gefa út einn þátt
í mánuði en í upphafi fylgir
stuttur kynningarþáttur sem ber
yfirskriftina Hvað er Matís?
Þar situr Hákon Stefánsson,
stjórnarformaður Matís, fyrir
svörum.
Miðlunarteymi Matís hefur
umsjón með gerð þáttanna og
Ísey Dísa Hávarsdóttir sér um
þáttastjórnun.
Í fyrsta þætti hlaðvarps Matís er m.a. spurt hvort skordýr verði helstu
prótíngjafar framtíðarinnar. Birgir Örn Smárason og Búi Bjarmar
Aðalsteinsson velta fyrir sér sjálfbærri matvælaframleiðslu með
þáttastjórnandanum Íseyju Dísu Hávarsdóttur. Mynd / Matís