Bændablaðið - 15.04.2021, Page 17

Bændablaðið | Fimmtudagur 15. apríl 2021 17
BETRA START
MEÐ EXIDE RAFGEYMUM
Áreiðanlegir og sterkbyggðir rafgeymar fyrir
flestar gerðir dráttarvéla. Veldu þaulreynda
vöru frá gæðaframleiðanda.
Ráðgjafar Olís og Rekstrarlands veita allar nánari
upplýsingar í síma 515 1100 eða pontun@olis.is.
NYTJAR HAFSINS
Nýr forstjóri á Hafró
Þorsteinn Sigurðsson hefur verið
skipaður forstjóri Hafrann sókna­
stofnunar frá 1. apríl 2021. Tekur
hann við starfinu af Sigurði
Guðjónssyni.
Þorsteinn er fiskifræðingur
með BS gráðu í líffræði frá
Háskóla Íslands og Cand. Scient
gráðu frá Háskólanum í Bergen.
Hann hefur starfað yfir 25 ár hjá
Hafrannsóknastofnun, en Þorsteinn
hóf störf sem sérfræðingur hjá
Hafrannsóknastofnun árið 1994.
Á árunum 2005 til 2016
starfaði hann sem forstöðumaður
nytjastofnasviðs og frá árinu 2016 til
2019 var hann forstöðumaður sviðs
uppsjávarlífríkis.
Þorsteinn gerði starfslokasamning
á Hafrannsóknastofnun haustið
2019 samhliða uppsögnum á tíu
starfsmönnum stofnunarinnar. Þá
var hann ráðinn sérfræðingur í
sjávarútvegsráðuneytinu í byrjun
árs 2020. Þar sinnti hann ýmsum
störfum og meðal annars kom
hann að verkefnum innanlands og
alþjóðasamstarfi sem Ísland á aðild
að.
Alls bárust sex umsóknir um
embætti forstjóra Hafrannsókna­
stofnunar, en umsóknarfrestur rann út
þann 19. janúar 2021. Hæfnisnefnd
mat þrjá umsækjendur vel hæfa til
þess að gegna embættinu.
Ráðherra var sammála mati
nefndarinnar og tók í kjölfarið þá
þrjá sem metnir voru hæfastir í
viðtal. Var það síðan mat ráðherra, að
Þorsteinn væri hæfastur umsækjenda
til að stýra Hafrannsóknastofnun til
næstu fimm ára. /HKr.
Ráðlagt að veiða 9.040 tonn
af grásleppu á þessu ári
Hafrannsóknastofnun ráðleggur
að veiðar á grásleppu fiskveiði­
árið 2020/2021 verði ekki meiri
en 9.040 tonn. Er það um 74%
hækkun milli ára.
Ráðgjöfin byggir að mestu
á stofnvísitölu úr stofnmælingu
botnfiska í mars 2021 en hún var
sú hæsta frá upphafi mælinga 1985.
Stofnvísitölur hrognkelsa sveifl­
ast milli ára sem endurspeglar að
hluta til óvissu í mælingunum.
Vegna þessa vegur stofnvísitala
sama árs 70% á móti 30% vægi vísi­
tölu fyrra árs við útreikning ráðlagðs
hámarksafla. Hafrannsóknastofnun
leggur jafnframt til að upphafsafla­
mark fiskveiðiárið 2021/2022 verði
3.174 tonn.
Ráðgjöfin er samkvæmt nýrri ráð­
gjafareglu Hafrannsóknastofnunar
fyrir grásleppu sem kynnt var á árinu
og miðar við vísitölu veiðihlutfalls
(Fproxy) 0.75. /HKr.
Þorsteinn Sigurðsson.
Mynd / Svanhildur Egilsdóttir
Hrognkelsi. Hálf er hann nú væskilslegur rauðmagakarlinn við hliðina á
kellu sinni grásleppunni. Mynd / Hafrannsóknastofnun