Þjóðmál - 01.09.2016, Qupperneq 20

verslunarstarfsemi. Er það einlæg sannfæring
þeirra að hlutverk ríkisins sé að selja leikföng,
snyrtivörur og sælgæti?
Ríkisvaldinu er ekkert heilagt
Fjölmörg önnur dæmi mætti nefna um
yfirgang ríkisvaldsins í atvinnulífinu. íslands-
póstur hefur frá stofnun farið með einokunar-
vald ríkisins á póstþjónustu í landinu. Það
hefur þó ekki látið við það eitt sitja að sinna
þessari kjarnastarfsemi sinni, sem einkarekin
fyrirtæki ættu þó að geta með góðu móti
sinnt, heldur hefur fyrirtækið aukið umsvif sín
á undanförnum árum, þannig að eftir hefur
verið tekið, og sótt á nýja markaði. Keppir
það nú við sjálfstæða atvinnurekendur á sviði
þrentþjónustu, vörudreifingar, sendlaþjónustu
og brettaflutninga, svo aðeins nokkur dæmi
séu nefnd. í pósthúsum landsins selur ríkið
í þokkabót sælgæti, geisladiska, ritföng,
bækur og alls kyns hönnunarvörur. Ekkert
virðist vera heilagt í samkeppni ríkisins við
einkaframtakið.
íslensk stjórnvöld, ólíkt öðrum Evrópu-
ríkjum, leggja enn fremur undir sig útgáfu
námsbóka, sem er fjórðungur hérlends
bókamarkaðar, og stunda að auki umfangs-
mikla hljóðbókaútgáfu endurgjaldslaust,
öðrum bókaútgefendum til tjóns. Opinbera
fyrirtækið Strætó hefur auk þess á síðustu
árum notað almannafé til þess að drepa
niður frjálsa samkeppni í fólksflutningum um
landið - þjónustu sem rútufyrirtæki hafa sinnt
af miklum myndarbrag í marga áratugi.
Breytinga er þörf
Við þetta verður ekki unað. Sú ríkisstjórn
sem tekur við valdataumum í haust þarf að
spyrna við fótum og draga ríkisvaldið alfarið
af samkeppnismörkuðum. Rökin eru ekki
aðeins þau að tryggja þurfi heilbrigða sam-
keppni í atvinnulífinu, þar sem allir standa
jafnfætis, heldur er ekki síður óverjandi að
skattgreiðendur skuli látnir bera ábyrgð á
áhættusömum samkeppnisrekstri hins opin-
bera. Breytinga er þörf.
Kristinn Ingi Jónsson er laganemi
Svo segir þetta fólk að
Sjálfstæðisflokkurinn vilji
engar breytingar
Þótt ég sé nú ekki mjög gamall maður
man ég tímana tvenna. Ég var ungmenni
þegar hart var barist gegn innflutningi
á litasjónvörpum og því að heimilt væri
að selja mjólk í almennum kjörbúðum.
Safnað var tugþúsunda undirskrifta gegn
þessum stórhættulegu breytingum.
Fjölmennur hópur barðist síðan mjög
gegn því að afnema einkarétt ríkisins á
Ijósvakamiðlum. Þeir sömu voru síðan
með böggum hildar þegar afnema átti
bann við sölu bjórs svo ekki sé talað
um að afnema einkarétt ríkisins á sölu
áfengis. Allt átti að fara til fjandans í
íslensku menntakerfi þegar einkareknum
háskólum var leyft að starfa. Nú á íslenskt
heilbrigðiskerfi að fara á hliðina vegna
einkareksturs mjög sérhæfðs sjúkrahúss í
Mosfellsbæ.
Svo segist þetta sama fólk ekki geta
starfað með Sjálfstæðisflokknum eftir
kosningar af því að hann vilji engar breyt-
ingar. Þetta ágæta fólk hefur nú ekki viljað
miklar breytingar í gegnum tíðina annað
en víðtækt bann við einkarekstri og
hækkun skatta.
Brynjar Níelsson, þingmaður Sjálfstæðis-
flokksins, á bloggsíðu sinni 28.júlí 2016
18 ÞJÓÐMÁL hausthefti 2016