Þjóðmál - 01.09.2016, Síða 83

SteingrimurJ. íRÚV kvöldið fyrir kosningar 2009 - afneitaði aðiidarumsókn þrisvar eins og
Pétur postuli frelsaranum og róaði þar með kjósendur VG sem flykktust á kjörstað.
Drífa Snædal framkvæmdastjóri VG eftir kosningarnar 2009: Heiðarleiki og stefnufesta
borgar sig til langs tíma litið.
að ræða Evrópumálin og fá í þau botn áður
en lengra væri haldið." Ætlunin var að mynda
hópa þingmanna úr báðum flokkum til að
fínpússa aðgerðir í ýmsum málaflokkum en
hvorki gekk né rak fyrstu vikuna. Sem fyrr
er þögn Steingríms í bók hans um ákveðin
mál nokkuð hávær, t.d. segir hann ekkert
frá lcesave-málinu í sambandi við þessar
viðræður, eins og það hafi engu máli skipt við
myndun ríkisstjómarinnar.
Steingrímur var spurður um það í Morgun-
blaðinu 27. apríl, hvort ESB-umræðan fyrir
kosningarnar hefði haft áhrif á fylgi flokksins
og svaraði:
Mjög mikið af okkar stuðningsfólki vildi
fullvissu um að við stæðum á okkar stefnu
í Evrópumálum um leið og við höfum
alltaf sagt að við erum tilbúin til að ræða
farveginn og að það sé þjóðin sem ráði.
Hér eins og oftar stendur Steingrímur fast við
„stefnuna" en er um leið tilþúinn að slaka til.
I fréttaskýringu í Morgunblaðinu sama dag
nefnir Pétur Blöndal að á Alþingi væri nú
meirihluti fyrir aðildarumsókn, síðan
segir hann:
Það setur Vinstri græn í erfiða stöðu,
þar sem aðild að Evrópusambandinu er
hafnað skýrum orðum í stefnu flokksins.
Formaðurinn Steingrímur J. Sigfússon
undirstrikaði þá afstöðu réttfyrir kosningar
er hann sagði að flokksráð VG mundi aldrei
samþykkja að sækja um aðild í sumar.
Víst er að forysta Vinstri grænna gerir
sér grein fyrir breyttu landslagi og mátti
strax greina skipulagt undanhald í orðum
Ögmundar Jónassonar í Silfri Egils í gær
[sunnudag 26. apríl], sem sagði að leysa
ætti ágreininginn með lýðræðislegum
hætti og að það væri einungis tæknilegt
úrlausnarefni hvort ein eða tvær þjóðar-
atkvæðagreiðsluryrðu um málið.
Alla þessa viku lagði Steingrímur kapp á
að fá þingmenn flokksins til að samþykkja að
leggja fram umsókn um aðild að ESB, að sögn
Atla Gíslasonar og Jóns Bjarnasonar. Þrátt
fyrir fögur fyrirheit á fyrsta þingflokksfundi
ÞJÓÐMÁL hausthefti 2016 81