Þjóðmál - 01.09.2016, Qupperneq 91

LESLISTI ÞJÓÐMÁLA
Almenna bókafélagið hefur á undanförnum árum gefið út fjölmargar bækur um stjórnmál,
hugmyndafræði og sagnfræði, jafnt þýddar bækur og frumsamdar. Nýlega tók AB þá ákvörðun
að endurútgefa bækur um kommúnisma í ritröðinni; Safn tilsögu kommúnismans. Þjóðmálarit
AB hafa vakið verðskuldaða athygli en um er að ræða ritröð bóka sem fyrst og síðast varpa
Ijósi á samtímamál.
Ungir Sjálfstæðismenn veittu Almenna bókafélaginu og Jónasi Sigurgeirssyni forleggjara
frelsisverðlaun fyrir framlag til hugmyndabaráttunnar. Af því tilefni birta Þjóðmál leslista yfir
nokkrar helstu bækurnar.
Safn til sögu kommúnismans
Dr. Hannes Hólmsteinn Gissurarson sá um úgáfuna og ritar formála og skýringar
Eistland:
Smáþjóð undir oki erlends valds
Andres Kung
Höfundurinn var sænsk-eistneskur rithöfundur, sem lýsti
markvissum tilraunum rússnesku ráðstjórnarinnartil að má af
eistnesku þjóðinni sérkenni og svipta hana sjálfsvitund, eftir að
Rauði herinn tók landið 1940 og það var neytt inn í Ráðstjórnar-
ríkin. En gömul kona íTallinn sagði við Kung í Eistlandsferð:
„Segðu þeim, að Eistland sé lifandi." Bókin kom út hjá Almenna
bókafélaginu 1973 í þýðingu Davíðs Oddssonar, sem þá var
laganemi, en skömmu eftir að hann tók við embætti forsætis-
ráðherra 1991, varð ísland fyrsta ríkið til að taka á ný upp
stjórnmálasamband við Eystrasaltsríkin þrjú. Með formála og
skýringum eftir prófessor Hannes H. Gissurarson.
Úr álögum
Jan Valtin
Höfundur hét í raun Richard Krebs og lýsir hér ævintýralegu lífi
sem flugumaður Kominterns, Alþjóðasambands kommúnista,
um allan heim árin milli stríða, en þar koma íslenskir kommún-
istar m. a. við sögu. Síðar gómuðu nasistar hann og pynduðu
nærri því til dauðs. Eftir skipun Kominterns gekk Krebs í
þjónustu nasista og varð gagnnjósnari. Þegar bókin var gefin út
hér 1941, heimtuðu kommúnistar, að hún yrði bönnuð. Bókin er
sannkallaður aldarspegill áranna milli stríða, þegar
kommúnismi og nasismi virtust vera að leggja undir sig
heiminn. Hröð frásögn og reyfaraleg. Það leggur enginn þessa
bók frá sér. Með formála og skýringum eftir prófessor
Hannes H. Gissurarson.
ÞJÓÐMÁL hausthefti 2016 89