Morgunblaðið - 29.07.2021, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 29. JÚLÍ 2021
Lágstemmdar fámennar hátíðir þar sem skynsemi og sóttvarnir ráða. Þetta er meginstef komandi verslunarmannahelgar. Fólk sem
Morgunblaðið ræddi við ætlar að gera sér glaðan dag; hittast í vinaranni, fara í gönguferðir, grilla, syngja og spila. Góða skemmtun!
„Við gerum það besta sem hægt er í stöðunni,“
segir Íris Róbertsdóttir, bæjarstjóri í Vest-
mannaeyjum. „Auðvitað eru vonbrigði að
Þjóðhátíð hafi verið frestað, annað árið í röð,
og enn verra að kórónuveiran hafi aftur látið á
sér kræla. Við höfum færst aftur um reiti á
langri vegferð en við því er svo sem ekkert að
gera eða segja nema halda baráttunni áfram.
Ég hlakka til þjóðhátíðarhelgarinnar, þar sem
við systkinin og makar okkar – auk vinafólks –
ætlum að hittast og gera eitthvað skemmtilegt
saman með krökkunum okkar. Eyjarnar bjóða
upp á svo margt og við Vestmannaeyingar er-
um þekkt fyrir gleði og stemningu.“
Rétt eins og hæfir verður margvíslegt góð-
gæti á borðum hjá Írisi og hennar fólki um
þjóðhátíðarhelgina. Reikna með kjötsúpu á
föstudagskvöldið, út að borða á laugardeginum
og lunda á sunnudag. „Við erum búin að út-
vega okkur lunda, sem er alveg ómissandi
núna. Stefnt er að því að halda einhvers konar
útgáfu af þjóðhátíð síðar í ágúst ef sóttvarnir
og staða faraldursins leyfa. Að minnsta kosti
er nánast allt tilbúið inni í Herjólfsdal; skreyt-
ingar, myllan er á sínum stað, búið að hlaða
brennuna á Fjósakletti og svo mætti áfram
telja.“
Þjóðhátíð á sér fastan sess í tilveru fólks í
Eyjum og lengi hefur tíðkast að samin séu sér-
stök lög fyrir hátíðina. „Þjóðhátíðarlagið sem
er í mestu eftirlæti hjá mér er Þar sem hjartað
slær. Grípandi og fallegt lag, sem jafnframt er
sigurlag ÍBV og heyrist því oft á leikjum eða
við önnur tilefni hér í bænum þar sem íþrótt-
irnar eru alltaf stór þáttur af mannlífinu. Við
reynum því að vera bjartsýn og látum þetta
ástand ekki ræna okkur gleðinni,“ segir Íris.
Morgunblaðið/Sigurður Bogi
Eyjakona Búin að útvega okkur lunda, sem er
alveg ómissandi, segir Íris Róbertsdóttir.
Látum ekki
ræna gleðinni
„Þessa helgina gildir að ferðast í garðinum
heima. Sitja á sólpallinum, fara í gönguferðir,
spila golf og fleira skemmtilegt,“ segir Víðir
Reynisson, yfirlögregluþjónn almannavarna-
deildar ríkislögreglustjóra.
„Hjá mér og mínum stóð til að fara á
Þjóðhátíð í Vestmannaeyjum, sem hefur verið
aflýst eins og öllum fjölmennari viðburðum
sem voru á dagskrá nú um helgina. Í staðinn
ætla ég að fara á hinn frábæra golfvöll Odd-
fellowa í Heiðmörkinni, þar sem teknar verða
18 holur sem eru um það bil tíu kílómetra og
fjögurra klukkustunda ganga og útivera. Al-
gjör vítamínsprengja í fallegu umhverfi þarna
innan um hraun og skóg. Nei, ég er ekkert
sérstaklega góður í golfi eða með lága forgjöf.
En íþróttin sem slík er afar skemmtileg og það
finnst mér vera kjarni málsins.“
Þegar golfinu sleppir segist Víðir reikna
með að verða eitthvað að vinna um helgina, því
nú þurfi að fylgjast vel með stöðu mála vegna
Covid-19. Gripið verði til aðgerða skapist slík-
ar aðstæður og þörf krefji.
„Núna á þriðjudaginn smituðust 115 manns,
sem er vissulega ógnvekjandi há tala. Þessi
nýjasta bylgja smita ætlar að verða mjög
brött, aldrei frá því faraldurinn hófst fyrir um
einu og hálfu ári hafa fleiri smit greinst en ein-
mitt í þessari viku. Ég ber ákveðinn ugg í
brjósti gagnvart verslunarmannahelginni fari
fólk óvarlega og hafi ekki smitvarnir og al-
menna skynsemi að leiðarljósi í daglegu lífi.
Allra næstu dagar skera væntanlega úr um
hvort fólk veikist alvarlega af þeim smitum
sem hafa dreift sér, en góðu heilli hafa ein-
kennin hingað til í flestum tilvikum verið væg,“
segir Víðir.
Morgunblaðið/Ásdís
Kóróna Fólk hafi smitvarnir og almenna
skynsemi að leiðarljósi, segir Víðir.
Ferðast heima
og spilar golf
„Veðurspáin segir að hér í sveit verði algjör
bongóblíða um helgina og slíkt veit á gott. Hit-
inn gæti alveg farið í tuttugu stig en hitinn hér
hefur aldrei stigið svo hátt í sumar,“ segir
Ingibjörg Sigurðardóttir sem rekur Kaffi
Langbrók í Fljótshlíð. Staðurinn er því sem
næst fyrir miðri sveit og er fjölsóttur. Gildir
það bæði um tjaldsvæðið og eins kaffihúsið þar
sem um helgar er gjarnan talið í, sungið og
spilað. Þar fer hljómsveitin Hjónabandið, þar
sem Ingibjörg er söngkona, Auður Halldórs-
dóttir syngur og leikur á harmoniku og Jens
Sigurðsson eiginmaður hennar spilar á gítar.
„Við flytjum bæði frumsamin lög og svo ís-
lenska slagara sem flestir kunna. Stemningin
sem hér er ríkir er oft alveg frábær og sama
fólkið kemur hingað helgi eftir helgi,“ segir
Ingibjörg og heldur áfram:
„Hingað koma mikið gestir sem dveljast í
felli- eða hjólhýsum sem eru á langtímastæð-
um jafnvel allt sumarið. Langbrókin er í raun
lítið samfélag; búbbla eins og þetta er oft kall-
að í dag. Aðrir eru auðvitað skemur hér,
kannski bara eina eða tvær nætur, og sumir
dveljast í tjöldum. Útfærslurnar á þessu eru
margar,“ segir Ingibjörg sem telur ógerlegt að
segja eitthvað til um hve margir mæti á Lang-
brókina um verslunarmannahelgi. Slíkt ráðist
meðal annars af veðráttu og hvernig stemn-
ingin sé í þjóðfélaginu á hverjum tíma.
„Í sumar hafa oft verið í kringum 100 manns
hérna um helgar, stundum fleiri. Nú þarf
reyndar að sníða þessu öllu nýjan stakk sam-
kvæmt sóttvarnareglum, sem ætti samt ekki
að verða neitt stórmál. Svo er líka alltaf tals-
verð umferð hér um sveitina, enda margir vin-
sælir staðir hér í grennd,“ segir Ingibjörg.
Morgunblaðið/Sigurður Bogi
Söngur Við flytjum bæði frumsamin lög og
svo íslenska slagara, segir Ingibjörg.
Bongóblíðuspá
á Langbrókinni
„Fjölskyldan, við afkomendur Signýjar Rós-
antsdóttur móðurömmu minnar, ætlum um
verslunarmannahelgina að vera í sumarhúsinu
okkar sem heitir Hjallakot og er við Ísafjarð-
ardjúp,“ segir Sigurður Bogi Ólafsson tækni-
maður hjá Exton. „Hefð er fyrir því að við fjöl-
skyldan hittumst einu sinni á sumrin fyrir
vestan, þar sem rætur okkar liggja. Húsið
okkar er austanvert við hinn langa og breiða
Skötufjörð og stendur þar niður af eyðibýlinu
Hjöllum. Þarna verður alveg frábær hópur og
sennilega verðum við einhvers staðar á bilinu
10-15 sem mætum.“
Margt má finna sér til dundurs á fallegum
dögum í Djúpinu. Við Hjallakot er árabátur til-
tækur og margir nýta tækifærið og róa út á
Skötufjörðinn, sem á veðursælum dögum er
spegilsléttur og oft sjást þar hvalir á svamli.
„Mér finnst ofsalega gaman að veiða úti á firð-
inum, en þarna má oft fá þorsk, ýsu og jafnvel
makríl. Svo er kveikt í varðeldinum og þá kem-
ur oftast í minn hlut að stjórna söngnum. Að
minnsta kosti tek ég gítarinn með mér, eins og
svo oft áður,“ segir Sigurður Bogi sem býr
með fjölskyldu sinni á Akureyri. Stundar þar
nám í rafeindavirkjun og lýkur sveinsprófi nú
um áramótin.
„Sumarið hjá mér hefur annars að mestu
farið í vinnu, reyndar mjög skemmtilega svo
ég kvarta ekki. Við hjá Exton sjáum um hljóð
og mynd á ýmsum viðburðum og við önnur
tækifæri. Annar partur af tilveru minni eru
svo störf með björgunarsveitinni Súlum á
Akureyri. Tvívegis núna í vor fór ég með fé-
lögum mínum þar á vaktina við eldgosið í Geld-
ingadölum, verkefni sem ég gleymi ekki í
bráð,“ segir Sigurður Bogi Ólafsson.
Morgunblaðið/Eggert
Náttúrubarn Mér finnst ofsalega gaman að
veiða úti á firðinum, segir Siguður Bogi.
Með frábærum
hópi í Hjallakoti
Gönguhátíð í Súðavík er einn fárra
formlegra viðburða um verslunar-
mannahelgina sem ekki hafa verið
blásnir af. Farið var yfir alla dag-
skrána með það fyrir augum að
fækka öllum mögulegum snertiflöt-
um og auðvelda
fólki að halda
fjarlægðarmörk.
Göngudagskráin
heldur sér en
flestir viðburðir
innandyra hafa
verið felldir niður
eða færðir út
undir bert loft.
„Megininntak
þessa viðburðar
eru auðvitað hinar mörgu og fjöl-
breyttu gönguferðir og þar er til-
tölulega einfalt að halda fjarlægð-
armörk,“ segir Einar Skúlason,
forsvarsmaður hátíðarinnar.
„Veðurspáin er góð og því verður
hægt að halda alla viðburði utandyra
og auk þess verður tryggt að fjöldi á
hátíðinni fari ekki yfir 200 manns.
Því þarf ekki að skipta fólki niður í
sóttvarnahólf. Okkar litla hátíð fellur
vel að sóttvarnareglunum og það er
mikilvægt að huga að lýðheilsu og
hreyfingu og besti staðurinn til þess
er í faðmi vestfirskrar náttúru.“
Meðal viðburða á hátíðinni í Súða-
vík er gönguferð á milli Álftafjarðar
og Önundarfjarðar, þar sem lagt
verður upp kl. 8.30 á föstudags-
morgun. Ganga á Súðavíkurfjall frá
Arnardal í Álftafirði er á dagskrá á
laugardagsmorgun kl. 9. Á sama
tíma á sunnudagsmorgun kemur fólk
saman og fer í Skálavík vestan við
Bolungarvík þar sem gengið verður
um Bakkaskarð að Galtarvita. Vega-
lengdin 12 km og 880 m uppsöfnuð
hækkun í sex til átta stunda ferða-
lagi. – Loks má nefna göngu frá
kirkjustaðnum Ögri í Djúpi á sunnu-
dag kl. 12. Þar verður gengið á út-
sýnisstað þar sem má sjá glæsilegt
útsýni yfir Skötufjörð, Vigur, Ísa-
fjarðardjúp og Æðey.
Gönguhátíð í Súðavík þrátt fyrir sóttvarnamörk
Fjarlægðarmörk í ferðum upp
um fjöll og firnindi fyrir vestan
Morgunblaðið/Sigurður Bogi
Súðavík Fallegt umhverfi og marg-
víslegir möguleikar til útivistar.
Einar Skúlason
Bláu húsin v/Faxafen • Sími 553 7355 • Vefverslun selena.is
* Stuttermabolur 11.800 kr.-
* Stuttar buxur 8.900 kr.-
* Langerma bolur 13.800 kr.-
* Síðar leggingsbuxur 11.800 kr.-
litir: svart og kremað
Vefverslun
selena.is
Ullar
og silki
nærföt fyrir
útileguna!