Morgunblaðið - 29.07.2021, Qupperneq 39

MINNINGAR 39
MORGUNBLAÐIÐ FIMMTUDAGUR 29. JÚLÍ 2021
✝
Guðbjörg Árna-
dóttir fæddist í
Hellnafelli við
Grundarfjörð 13.
mars 1925. Hún lést
á Hrafnistu í
Hafnarfirði 20. júlí
2021.
Foreldrar henn-
ar voru Árni Svein-
björnsson, f. 3.12.
1891, d. 11.10. 1963,
og Herdís Sigurlín
Gísladóttir, f. 24.2. 1899, d. 1.10.
1996.
Guðbjörg var önnur í röð 11
systkina. Þau eru Ingibjörg, f.
1923, Sveinbjörn, f. 1926, Guðný,
f. 1928, Gísli, f. 1930, Kristín, f.
1931, Ester, f. 1933, Arndís, f.
1935, Benedikt Gunnar, f. 1937,
Sigurberg, f. 1940, og Ívar, f.
1940. Kristín og Sigurberg eru
ein eftirlifandi.
Guðbjörg fór 18 ára að heiman
og lá þá leið hennar í Stykk-
ishólm, þar sem hún vann við
heimilisstörf og barnapössun. Í
Guðbjörg var heimavinnandi
meðan börnin voru lítil. Síðan fór
hún út á vinnumarkaðinn og vann
ýmis störf, lengst af á sjúkrahús-
inu í Stykkishólmi. Einnig var hún
mörg ár í kirkjukór Stykkis-
hólmskirkju. Það lék allt í hönd-
unum á henni, hvort sem var
prjónaskapur eða saumaskapur,
enda lærði hún saumaskap og var
allt saumað heima í þá daga hvort
sem var kjólar, kápur eða buxur.
Þegar heilsu Ingvars fór að
hraka árið 1993 tóku þau þá stóru
ákvörðun að flytja frá Stykk-
ishólmi og varð Hafnarfjörður fyr-
ir valinu, þar sem meirihluti barna
þeirra bjó. Þau keyptu þjón-
ustuíbúð á Sólvangsvegi 1 og áttu
þar þrjú góð ár áður en Ingvar
lést. Eftir lát Ingvars bjó Guðbjörg
þar áfram. Þar eignaðist hún góða
vini og vinkonur og voru þetta 18
góð ár við góða heilsu.
Guðbjörg hafði alla tíð slæma
sjón og hún missti hana 2012. Þá
átti hún erfitt með að hugsa um
sig sjálf og fékk hún inni á Hrafn-
istu í Hafnarfirði. Hún hélt góðri
heilsu þar til fyrir tveimur árum.
Þá fór heilsu hennar að hraka og
lést hún á Hrafnistu 20. júlí 2021.
Guðbjörg verður jarðsungin
frá Hafnarfjarðarkirkju í dag,
29. júlí 2021, klukkan 13.
Stykkishólmi kynnt-
ist hún mannsefni
sínu, Ingvari
Ragnarssyni. Þau
gengu í hjónaband
13. desember 1946.
Foreldrar Ingvars
voru Sólveig
Ingvarsdóttir og
Ragnar Einarsson.
Börn Guðbjargar
og Ingvars eru: 1)
Edda, gift Sigurði
Pétri Guðnasyni. Þau eiga Ingv-
ar, Björn og Hlyn, átta barna-
börn og eitt barnabarnabarn. 2)
Rannveig, gift Herði Sigurjóns-
syni. Þau eiga Hjörvar og
Thelmu, fimm barnabörn og tvö
barnabarnabörn. 3) Rakel, gift
Þorvaldi Karlssyni. Þau eiga
Ólínu Sigríði, Guðbjörgu Öldu og
Tinnu Ósk og fimm barnabörn. 4)
Gústaf Hinrik, ókvæntur og
barnlaus. 5) Benedikt Gunnar,
kvæntur Sigríði Haraldsdóttur.
Þau eiga Aron, Guðrúnu Evu og
Harald Leví og sjö barnabörn.
Ó, mamma mín hve sárt ég sakna þín
Sál mín fyllist angurværum trega
Öll þú bættir bernskuárin mín
Blessuð sé þín minning ævinlega.
(Jón Gunnlaugsson)
Elsku mamma okkar er kvödd í
dag.
Efst í huga okkar er þakklæti
og aftur þakklæti, hún var alltaf til
staðar fyrir okkur, hugsaði ein-
staklega vel um okkur systkinin.
Hún var hógvær, hlý og kom vel
fram við alla. Minningarnar eru
margar, mamma að þrífa, mamma
að þvo, mamma að baka, mamma
að sauma, hún var löngum stund-
um við saumavélina
og saumaði á okkur, við stelp-
urnar þurftum að fá nýja kjóla fyr-
ir hitt og þetta tilefnið. Þá var
Burda skoðað og eitthvað fallegt
valið og síðan var það bara saum-
að, svona lærðum við allar að
sauma sjálfar eftir hennar tilsögn,
þetta eru dásamlegar minningar.
Hún elskaði barnabörnin og
langömmubörnin sín, spurði alltaf
hvort ekki væri allt í lagi með þau
og mundi afmælisdaga þeirra, og
allra í fjölskyldunni.
Þeim elstu fannst alveg dásam-
legt að fara í Hólminn á sumrin
vera hjá ömmu og afa.
Takk fyrir allt, elsku mamma,
þín verður sárt saknað, þú varst
einstök kona.
Þínar dætur
Edda, Rannveig og Rakel.
Elskuleg tengdamóðir mín fékk
loksins hvíldina langþráðu, gengin
er yndisleg kona sem tók mér
strax mjög vel þegar við Rannveig
fórum að stinga okkur saman fyrir
allmörgum árum, gaman var að
heimsækja þau Ingvar heim í
Stykkishólminn, árin 4 sem við
Rannveig bjuggum þar voru mjög
skemmtileg og þá höfðum við góða
tíma til að mynda góð tengsl við
Guggu, Ingvar og Gústaf.
Áður var venjan að koma reglu-
lega í Hólminn á sumrin og á
stórhátíðum eins og jólum og
páskum og alltaf var mjög vel tek-
ið á móti okkur, hlaðið veisluborð-
ið hennar Guggu var alltaf til stað-
ar, en Gugga elskaði að gefa öllum
sem komu að borða, góðar minn-
ingar um matinn hennar Guggu,
þverskornu ýsuna með soðnum
kartöflum, lambahrygginn og lær-
ið ásamt öðrum rammíslenskum
mat og hlaðna kaffiborðið af
heimabökuðum kökum og þá tíðk-
aðist að hafa kvöldkaffi og þar var
margt skemmtilegt rætt, og oftar
en ekki var tekið í spil, þetta voru
gæðastundir með tengdaforeldr-
um mínum.
Elsku Gugga mín, takk fyrir
allar góðu stundirnar og alla um-
hyggjuna sem þú sýndir okkur,
börnum og barnabörnum okkar
Hvíl í friði, ástkæra tengda-
mamma.
Þinn tengdasonur
Hörður Sigurjónsson.
Elsku amma mín. Eins sárt og
það er að kveðja þig þá er ég viss
um að þið afi séuð loks sameinuð
að nýju, nú þegar þér var loksins
hleypt inn eins og þú sagðir alltaf
sjálf. Ég er svo þakklát að eiga
ótal minningar sem gleymast aldr-
ei. Hversu yndislegt það var að
koma til ykkar afa í Hólminn, fá
sjónvarpsköku og taka upp kart-
öflur með þér í garðinum. Enn
fleiri minningar eftir að þið fluttuð
í Hafnarfjörð og ég eyddi ótal
stundum hjá ykkur og svo þér eft-
ir að afi dó. Ég gleymi því ekki
þegar við löbbuðum saman upp á
6. hæðina á Sólvangsveginum og
litla hjartað mitt þorði ekki í lyft-
una svo við löbbuðum niður, en
vorum báðar svo lofthræddar að
við ríghéldum okkur í handriðið,
lafhræddar, en hlógum svo að
hættuför okkar eftir á.
Eftir að þú misstir sjónina
sagðir þú alltaf að það væri svo
leiðinlegt að geta ekki séð börnin
okkar en þú gerðir meira en að sjá
þau, þú vissir að þau væru á leið í
heiminn áður en þér var sagt frá
því. En þau eiga góðar minningar
og sakna elsku langömmu sinnar.
Það var alltaf gott að heimsækja
þig og alltaf tókst þér að láta okk-
ur hlæja á þinn einstaka hátt, allt-
af svo hlý og góð. Takk fyrir allar
góðu stundirnar, elsku amma mín.
Hvíldu í friði og gefðu elsku afa
knús frá mér.
Tinna Ósk Þorvaldsdóttir.
Elsku besta yndislega amma
okkar fékk loksins hvíldina löngu
þriðjudaginn 20. júlí, orðin alltof
gömul eins og hún sagði sjálf. Hún
valdi fallegan og góðan dag til að
kveðja en þetta er afmælisdagur
elsku mömmu okkar. Hennar
verður sárt saknað enda var hún
alltaf til staðar fyrir okkur barna-
börnin sín, ljúf og góð amma sem
gat verið fyndin, kaldhæðin og
hnyttin í tilsvörum.
Þegar við hugsum til baka eru
minningarnar um allar dásamlegu
heimsóknirnar til ömmu og afa í
Stykkishólm ómetanlegar. Frelsið
var algjört fyrir utan það að það
eina sem amma bannaði okkur að
gera var að fara niður á höfn, sem
við hlustuðum ekkert á enda var afi
alltaf þar. Í Hólminum var amma
alltaf í eldhúsinu að elda góðan mat
eða baka góðar kökur sem við bið-
um spenntar eftir að borða. Það
sem okkur þótti mest spennandi
var kvöldkaffið, þar sem við sátum
við eldhúsborðið og gæddum okkur
á kræsingum ásamt því að ræða
ævintýri dagsins.
Skemmtilegast var að við feng-
um að taka þátt í öllu sem þurfti að
gera.
Svo var það ómetanlegt þegar
þau fluttu í Hafnarfjörð og gátum
við þá hitt þau eins oft og við vild-
um. Þegar ég (Guðbjörg) vann á
leikjanámskeiði á Hörðuvöllum
fór ég eins oft og ég gat í hádeg-
ismat til ömmu og afa. Þegar ég
kom þangað lá afi í sófanum og
amma á fullu í eldhúsinu. Þá
heyrðist í afa: „Sjáðu hvað hún
amma þín er löt að hafa allt til!“
Svona var hann alltaf við hana og
aldrei kippti hún sér upp við það.
Svo þegar afi dó þá var svo gott
að hafa ömmu svona nálægt okkur
til að geta kíkt til hennar hvenær
sem var til að eiga gæðastund með
henni yfir kaffi og auðvitað ein-
hverju heimabökuðu með. Þegar
hún flutti síðan á Hrafnistu fyrir
átta árum þá þótti henni ekkert
skemmtilegra en að fara niður að
dansa og einhvern tímann sagði
hún mér (Lólý) að þau afi hefðu
alltaf elskað að fara að dansa sam-
an og eins og hún orðaði það þá
hefðu þau verið hálfgerð dansfífl!
Elsku amma, við eigum eftir að
sakna þín óendanlega mikið en er-
um glaðar að nú sért þú búin að fá
hvíldina og komin til elsku afa þar
sem þið getið dansað í sumarland-
inu.
Þín barnabörn,
Guðbjörg og Ólína (Lólý).
Elsku amma, nú hefur þú loks-
ins fengið hvíldina og ert komin í
sumarlandið til afa.
Hógvær, hlý og alltaf með á
nótunum er það fyrsta sem kemur
upp í hugann þegar við hugsum
um þig. Húmorinn, innsæið og
þessi tilfinning fyrir hlutunum. Þú
sást okkur alltaf skýrt þó svo að
sjónin hafi smám saman gefið sig.
Minningar okkar frá því að við
fjölskyldan bjuggum í Stykkis-
hólmi eða þegar við dvöldum hjá
ykkur afa í lengri eða skemmri
tíma eru fjölmargar. Leika úti allan
daginn, skottast á rauðum trékloss-
unum inn á Bókhlöðustíg, nýbak-
aðar kleinur, soðin ýsa í hádeginu
og hryggur á sunnudögum og ís og
kokteilávextir á eftir. Kvöldkaffið
þar sem sjónvarpskakan var í lyk-
ilhlutverki – Ömmu Guggu kaka.
Elsku amma, takk fyrir sam-
fylgdina, góðar samverustundir
og hlýjar minningar. Hvíldu í friði.
Hjörvar og Thelma.
Guðbjörg
Árnadóttir
Harpa Heimisdóttir
s. 842 0204
Brynja Gunnarsdóttir
s. 821 2045
Kirkjulundur 19 | 210 Garðabær
s. 842 0204 | www.harpautfor.is
Ástkær móðir okkar, tengdamamma, amma
og langamma,
ÁSLAUG PÁLSDÓTTIR,
Borgarbraut 57 í Borgarnesi,
lést föstudaginn 16. júlí.
Útförin fer fram frá Reykholtskirkju
miðvikudaginn 4. ágúst klukkan 14. Vegna samkomutak-
markana verða eingöngu nánustu ættingjar og vinir viðstaddir
útförina en athöfninni verður streymt á kvikborg.is
Blóm og kransar afþakkaðir en þeim sem vilja minnast hennar
er bent á samtökin Ljónshjarta.
Páll Jökull, Ásta, Margrét, Guðný,
tengdabörn, barnabörn og barnabarnabörn
Ástkær móðir okkar, amma og langamma,
SIGRÚN JONNÝ SIGURÐARDÓTTIR,
lést föstudaginn 23. júlí á hjúkrunarheimilinu
Ísafold, Garðabæ.
Útförin fer fram frá Hafnarfjarðarkirkju
föstudaginn 30. júlí klukkan 10.
Þórunn Guðmundsdóttir
Halldór Guðmundsson
Ástkær faðir okkar, afi, langafi og
langalangafi,
ÞORKELL G. GUÐMUNDSSON
arkitekt,
lést þriðjudaginn 20. júlí.
Útförin fer fram frá Fossvogskirkju
fimmtudaginn 5. ágúst klukkan 15.
Ingveldur Þorkelsdóttir
Rúna Þorkelsdóttir
Guðmundur Þorkelsson
Sigurður Hrafn Þorkelsson
og fjölskyldur
Ástkær eiginkona mín, móðir okkar,
tengdamóðir, amma og langamma,
ÞORBJÖRG JÓNATANSDÓTTIR,
Suðurlandsbraut 58, Reykjavík,
lést á hjúkrunarheimilinu Mörk föstudaginn
23. júlí. Útför hennar fer fram frá
Langholtskirkju mánudaginn 9. ágúst klukkan 15.
Sigmar Þorsteinsson
Sigurborg Erna Mostrup Otto Mostrup
Margrét Sigmarsdóttir Jóhannes Þórðarson
Þorsteinn Sigmarsson Lilja Rós Óskarsdóttir
barnabörn og barnabarnabörn
Innilegar þakkir fyrir auðsýnda samúð og
hlýhug vegna andláts og útfarar ástkærrar
móður okkar, tengdamóður, ömmu og
langömmu,
ÁSDÍSAR JÓNASDÓTTUR,
Suðurlandsbraut 58.
Sérstakar þakkir til alls starfsfólks sem kom að umönnun og
heimahjúkrun Ásdísar undanfarin ár, sem og á deildum A2 og
B4 á Landspítalanum í Fossvogi.
Sigurlaug Regína Friðþjófsd.
Jónas Gauti Friðþjófsson Ragnhildur Georgsdóttir
barnabörn og barnabarnabarn
Hjartans þakkir fyrir auðsýnda samúð
við andlát og útför elskulegrar móður,
tengdamóður, ömmu og langömmu okkar,
SIGRÚNAR GUÐJÓNSDÓTTUR,
Greniteig 9, Keflavík.
Sérstakar þakkir fær starfsfólk
Heilbrigðisstofnunar Suðurnesja fyrir alúð og góða umönnun.
Guðjón Sigurðsson Steinunn Njálsdóttir
Bjarni Ásgrímur Sigurðsson Hansborg Þorkelsdóttir
Sigurður Sigurðsson Árný Þorsteinsdóttir
Sveinbjörg Sigurðardóttir Guðsveinn Ólafur Gestsson
barnabörn og barnabarnabörn