Rit Landbúnaðardeildar : B-flokkur - 01.04.1953, Blaðsíða 73

71
Á sömu reitum var svo gerð tilraun með brennisteinssúrt ammoníak 1943
til 1950. Tilraun þessi sýnir það, að 1. dreifingartími gefur bezta raun.
— í þessi átta ár liefur eitt árið (1947) gefið annan árangur, en í það sinn
reyndist bezt að dreifa 30. maí, en það vor var kalt og gróður kom seint.
Þessari tilraun er haldið áfram, og hefir með sama áburðarmagni farið
svo, að uppskera allra reita, sem hafa fengið brennisteinssúrt ammoníak,
hefur hnignað. Má vafalaust kenna um sýringu jarðvegsins af völdum
langvarandi notkunar á áburði, sem eykur sýrustig jarðvegsins.
Síðasta dreifingartímatilraunin með köfnunarefnisáburð er í töflu
LXVI, með ammoníaksaltpétur (33.5% N). Þetta er einungis tveggja
ára tilraun, en árangur hennar hnígur í sömu átt og árangur annarra
dreifingartímatilrauna, að fyrsti dreifingartími (um 10. maí) hefur gefið
bezta nýtingu áburðarins. Bæði árin, 1949 og 1950, gaf hann 19% meira
heymagn af ha en síðasti dreifingartími. Það virðist því mega draga þá
ályktun af framangreindum tilraunum, að öruggast sé að draga ekki
dreifingu köfnunarefnisáburðarins lengur en til 20,—25. maí, svo að not
áburðarins verði sem mest og uppskerumagnið verði eins mikið og ár-
ferði gefur möguleika til.
Tafla LXVI. Tilraun mcð dreifingartíma á ammoniaksaltpétri (33.5% N).
(Uppskera hey hkg/ha).
Meðaltal 2 ára Hlutföll
a. Enginn N-áburður 35.5 47
b. 1. dreifingartími 76.3 100
c. 2. 70.4 92
d. 3. 64.3 84
e. 4. 61.5 81
Á alla liðina var borið: 160 kg kalí 60%, 150 kg þrífosfat og 250 kg
ammoníaksaltpétur á alla liði nema a-lið.