Heilsuvernd - 01.04.1948, Qupperneq 48

Alþjóðafélag náttúrulækna gerir
Are Waerlanð heiðnrsfélaga sinn.
Are Waerland hefir nýlega verið kjörinn heiðursfélagi í
alþjóðafélagi náttúrulækna (The International Society of
Naturopathic Physicians), sem hefir aðsetur í Los Angeles
í Kalíforníu. Eru deildir þessa félags um allan hinn ensku-
mælandi heim, og er það orðið mjög fjölmennt, var stofnað
1. janúar 1938. 1 félagi þessu eru sem venjulegir félagar
eingöngu lærðir læknar, og hefir Jónas Kristjánsson nýlega
fengið upptöku í það.
Eins og lesendum HEILSUVERNDAR er kunnugt, hefir
Waerland ekki læknispróf, og er hér því um að ræða mjög
þýðingarmikla viðurkenningu á lærdómi hans og starfi í
þágu heilbrigðismálanna. — Til þess að gefa lesendum
HEILSUVERNDAR hugmynd um þann orðstír, sem Waer-
land hefir aflað sér meðal fræðimanna, fara hér á eftir
ummæli nokkurra merkra manna um hann.
Dr. Mikkel Hindhede, hinn heimsfrægi danski læknir og
vísindamaður segir:
,,t næringarfræði hefir Waerland meiri þekkingu og langtum meiri
reynslu en nokkur læknir. Aðalrit hans á ensku, „In the cauldron of
disease", er bezta bók, sem eg hefi nokkru sinni lesið um heilbrigðis-
mál.“
Dr. Axel Borgbjcerg, hinn þekkti danski sérfræðingur í
meltingarsjúkdómum, líkir Waerland við Hippókrates, Lane
og Kellogg:
„Allt sem Waerland ritar, styðst við óyggjandi staðreyndir.,....