Strandapósturinn - 01.06.1987, Qupperneq 10

Átthagafélag Strandamanna
í Reykjavík 1987
Starfsemi félagsins á árinu 1987 hófst með þorrablóti þann 17.
janúar í Domus Medica og var það mjög vel sótt að vanda. Má
segja að við höfum sprengt húsið utan af okkur, svo mikill var
fjöldinn. Eins og alltaf áður voru það konurnar okkar í stjórn- og
skemmtinefnd sem sáu um matinn, af miklum myndarskap.
Skemmtiatriði voru nokkur. Fyrst flutti formaður setningarræðu,
þá söng kór Átthagafélagsins nokkur lög við góðar undirtektir,
síðan söng Sævar Guðjónsson nokkrar gamlar gamanvísur við
undirleik Magnúsar Jörundssonar sem lék á harmonikku, síðar
léku þeir Halldór Jóhannsson og Gunnar Helgason frumsamin
leikþátt, sem gerist norður á Ströndum. Gunnar Helgason og
Ingunn Sigurðardóttir fluttu minni kvenna og minni karla í tilefni
dagsins. Á milli skemmtiatriða var sunginn fjöldasöngur sem
hljómsveitin Upplyfting stjórnaði og spilaði hún einnig undir
borðhaldi og fyrir dansi á eftir.
Nú gafst fleirum kostur á að fylgjast með Þorrablóti hjá Átt-
hagafélaginu í Reykjavík þar sem Ríkisútvarpið flutti hluta af
dagskránni í þætti Leifs Haukssonar „Mannamót".
Vorfagnaður var haldinn 4. apríl og aðalfundur 14. maí. Nú
eins og alltaf áður var öllum eldri og yngri félögum og velunnur-
um félagsins boðið í kaffiveitingar í Domus Medica, sunnudaginn
10. maí. Kór félagsins söng þá nokkur lög undir stjórn Erlu
Þórólfsdóttur. Voru þarna saman komnir um 350 manns.
í sumarferð árið 1987 var lagt land undir fót eða réttara sagt var
fasta landið kvatt og Vestmannaeyjar heimsóttar. Lagt var af stað
8
j