Strandapósturinn - 01.06.1987, Page 12

Vestmannaeyjar voru síðan kvaddar sunnudaginn þann 28.
júní kl. 18 og haldið heim. Fullyrða má að ferð þessi hafi verið
öllum ógleymanleg sem hana fóru.
Eitt spilakvöld var haldið þann 10. október og skemmtikvöld
þann 14. nóvember með bingói og dansi og voru margir veglegir
vinningar sem velunnarar félagsins gáfu og vil ég færa þeim
sérstakar þakkir fyrir. Að lokum var kökubasar haldinn þann 6.
desember. Ekkertjólaball var haldið á þessu ári. Ekki má gleyma í
upptalningu, að 20. árgangur af Strandapósti kom út á árinu með
vönduðu efni sem hefur hlotið lof gagnrýnenda í fjölmiðlum.
Sumarhús félagsins, Strandasel, var leigt út í 13 vikur á síðasta
sumri en urn 20 sóttu um vikudvöl í húsinu á leigutímanum, svo
það komust færri að en vildu. Sú nýbreytni var tekin upp, að kór
félagsins hélt aðventukvöld þann 13. desember. Var það vel sótt,
mjög ánægjulegt og hátíðlegt kvöld að allra dómi, enda góð til-
breyting í undirbúningijólanna. Voru þar flutt jólalög sem kórinn
söng ásamt börnum kórfélaga. Þar sungu tvísöng bræðurnir frá
Gili, Sigmundur og Gunnar Jónssynir, einnig sungu Armann Ó.
Sigurðsson og söngstjórinn Erla Þórólfsdóttir. I upphafi flutti
séra Andrés Ólafsson hugvekju.
Á síðasta ári var haldið landsmót ungmannafélaganna á Islandi
og þar sem markmið Átthagafélags Strandamanna í Reykjavík er
að styðja hvert það mál sem að dómi félagsins er til hagsbótar og
menningar fyrir sýsluna og íbúa hennar, var Héraðssambandi
Strandamanna veittur nokkur fjárhagsstuðningur til þátttöku á
landsmótinu á Húsavík 10.—12. júlí.
Vil ég svo að lokum þakka öllum þeim sem veitt hafa félaginu
stuðning á árinu á ýmsa vegu og einnig stjórn og skemmtinefnd
fyrir ánægjulegt samstarf. Síðast en ekki síst óska ég öllum félags-
mönnum ánægjulegs árs og vænti mikils félagsáhuga á komandi
ári.
Formaður Átthagafélags Strandamanna í Reykjavík,
Sigurbjörn Finnbogason.
10