Strandapósturinn - 01.06.1987, Page 70

Síðan var dæmt í málinu. Ekki man ég nú hvort það var gert
strax að loknum svardögum eða síðar. Samkvæmt því sem fréttist
um sveitina var dómsorðið á þá leið, að Dungal var sektaður
eitthvað fyrir álftadrápið og fyrir að skera kindurnar á háls. En
um hundinn er það að segja, að það þótti ekki fullsannað að
Dungal hefði haft högl í byssunni þegar hann skaut á eftir seppa.
Þess vegna var hann sýknaður af slíku athæfi.
Svo gleymdist þessi sögulega atburðarás og vék fyrir öðrum
dægurmálum.
Þess skal svo getið, að þrátt fyrir ítrekaðar tilraunir hefur mér
ekki tekizt að fá ljósrit af lögreglubók Strandasýslu frá þessum
tíma. Virðist enginn vita hvar hún er niðurkomin, ef til vill er hún
glötuð. Ef til vill er hún einhversstaðar í drasli í vörzlu sýslu-
mannsembættisins á Ströndum og ef til vill er hún komin á Þjóð-
skjalasafnið.
En sökum þess að ég hefi ekki haft aðgang að þessum gögn-
um hefur þessi frásögn ekki orðið eins ýtarleg og nákvæm og ella
myndi orðið hafa. Og ef til vill hafa einhverjar smávillur slæðst
með.
Um Jón Dungal er það að segja, að hann bjó í Bæ á tveim
þriðju hlutum jarðarinnar frá 1919 — 1928. Þó að hann þætti
stundum nokkuð byssuglaður var hann mjög vinsæll og vildi
hvers manns vandræði leysa. Elonum fyrirgafst því fljótt ævintýr-
ið um hundinn frá Kvíslaseli.