Strandapósturinn - 01.06.1987, Side 100

Seglbjuggu þeir í snatri og ýttu frá. Settist pabbi undir stýri en
Guðmundur settist á þóftu og hafði hendur á dragreipinu. Aður
en þeir félagar lögðu frá landi sagði Guðmundur að þeir þyrftu að
lenda á Bakkastekk, það er sunnan við Bakkaá og taka eitthvað
með sér. Hann bað og pabba að minna sig á að taka nokkra steina í
kjölfestu.
Þeir lentu á Bakkastekk og pabbi minnti á að taka kjölfestuna,
en þá sagði Guðmundur að þeir yrðu að lenda í Vík og myndi
duga að taka kjölfestuna þar.
Sigldu þeir síðan í blásandi byr. Það var ánægjulegt að sigla út
Hrútafjörð í suðvestan stormi. Sólin skein og bæirnir runnu fram
hjá. Prestsbakki, Kollsá og Hvalsárbæirnir og innan stundar
sigldu þeir framhjá Búðarvogi, gamalli verstöð Hrútfirðinga.
I Vík Ientu þeir en nú minnti faðir rninn ekki á kjölfestuna og
Guðmundur talaði ekki um að taka steinana. Héldu þeir svo
áfram. Þegar norður fyrir Guðlaugshöfða kom, stóð rokið fram
úr Bitrunni. Bjóst pabbi við að nú rnyndi Guðmundur minnka
nokkuð seglið, en hafði ekki orð á. En Guðmundur sat við sama
keip og þurrkaði sædrifið framan úr sér. Er þeir voru komnir út á
miðjan BitruQörð, kallaði Guðmundur til pabba. „Finnst þér
hann vera mjög krænkur"?
Hann átti við hvernig báturinn færi í sjó. Pabbi lét vel yfir. Lauk
för þeirra giftusamlega. en pabba dreymdi æ síðan að eignast bát
sem Guðmundur Bárðarson hefði srníðað.
98