Luxus - 01.12.1984, Síða 33

Ævisaga hennar hefði verið
þessi gamla, góða og
dæmigerða Hollywood-
saga, ef hún hefði ekki endað svona
skrambi illa. Gömlu, góðu Holly-
woodrómanarnir enda aldrei þann-
ig. að eiginmaðurinn skjóti höfuðið
af konu sinni og taki síðan eigið líf.
Þannig lauk þó ævi Dorothy
Stratten, rétt tvítugrar, ljóshærðrar
og glæsilegrar stúlku, sem átti svo
sannarlega framtíðina fyrir sér. Og
það er þessi stutta ævi, sem er efni-
viður kvikmyndarinnar Star 80. Þar
fer Mariel Hemingway með hlutverk
Dorothy. Leikstjórier Bob Fosse.
Þrátt fyrir að ævisaga Dorothy
Stratten sá hálf hryllileg í endann,
kepptu allnokkrar Hollywoodleik-
konur um aðalhlutverkið. Til þess
að Mariel Hemingway yrði gjaldgeng
sem Stratten varð hún að fá brjóst
sín stækkuð. Leikkonan lét slíka
smámuni ekki aftra sér. Hún vildi
leggja hvað sem var í sölumar til að
bijótast úr því smástelpuhlutverki
sem hún var að festast í. Enda skart-
ar Mariel Hemingway nú línum, sem
þættu gjaldgengar hjá Playbokanín-
um í hvaða Playboyklúbbi sem er.
Dorothy Stratten fæddist í Van-
couver í Bresku Kolombíu þann 28.
febrúar árið 1960. Faðir hennar var
trésmiður. Eitthvað hefur honum
mislíkað heimilislífið, því að er Dor-
othy var aðeins þriggja ára að aldri
hljópst faðirinn að heiman frá móð-
urinni, dóttur og enn yngri syni.
Líf þykir ekki ýkja mikið í tusk-
unum í Vancouver. Skemmtanalífið
aftraði Dorothy Stratten alltjent ekki
frá því að læra vélritunog hraðritun
með öðru skólanámi. Hún vann því
almenna skrifstofuvinnu á sumrin.
Og að lokaprófinu loknu fékk hún
sér vinnu í ísbúð.
I þessari sömu íssjoppu lágu leiðir
hennar og Pauls Snider saman. Hún
var þá átján ára gömul, hann níu
árum eldri. Paul þessi átti all vafa-
sama fortíð og sjálfsagt hefur honum
öðru hvoru skrikað fótur á þröngum
vegarslóða réttvísinnar, þó svo að
aldrei hafi hann þurft að afplána
neinar misgjörðir bakvið lás og slá.
Eitthvað hafði hann þó fengist við
hórmang, smáhnupl og annað í
þeim dúr. Skrautgjarn var Paul með
afbrigðum og gekk í skærlitum föt-
um með gullkeðjur hangandi alls
staðar, þar sem hægt er að hengja
slíka gripi.
Dorothy var saklaus og bamaleg á
þessum ámm og færðist feimnislega
undan smjaðri Sniders og fagurgala.
Hún var þögul og ekkert fyrir að
koma sjálfri sér á framfæri, virtist
með öðrum orðum hafa sætt sig
ágætlega við ísbúðarstarfið til ævi-
loka. Sálfræðingar halda því fram,
að barni, sem vanrækt er af föður
sínum, finnist það enga ástúð né
umhyggju eiga skilið. Feimni Dor-
othy og óframfærni kann því að hafa
stafað af föðurleysinu. sem hún ólst
Paul Snider gafst ekki upp eftir
fyrstu tilraun. Smátt og smátt fór
Maríel
Hemingway sem
Dorothy Stratten
í STAR 80.
Litla myndin: Ásamt
Eríc Roberts i
hlutverki Payl
Snider.
TBXTI: ÁSGBIR TÓMASSON
Dorothy Stratten að bráðna. Hann
bar í hana gjafir, kenndi henni að
klæðast þannig, að náttúrleg fegurð
hennar fékk betur notið sín og bauð
henni oft út á lífið. Hann bauðst
jafnvel til þess að gera hana að stór-
stjörnu. Og áður en langt um leið
vom draumar Sniders orðnir að
hennar eigin og hún eygði von til að
komast frá Vancouver.
Einn var þó galli á gjöf Njarðar.
REGNBOGINN SÝNIR
BRÁÐLEGA KVIK-
MYNDINA STAR 80
SEM GREINIR FRÁ
ÖRLÖGUM PLAYBOY-
LEIKFÉLAGANS
DOROTHY STRATTEN
Paul Snider var með afbrigðum
skapbráður. Dorothy reyndi eins og
hún gat að forðast rifrildi, og því
fékk hann oftast sínu framgengt, án
þess að neinar mótbámr heyrðust.
Snider ætlaði þó ekki að leigja Dor-
othy út sem vændiskonu né láta
hana taka þátt í keppni um, hvaða
stúlka í Vancouver tæki sig best út
í blautum nærbol einum fata. Á
slíkum tiltækjum hagnaðist Paul
Snider einmitt best. Nei, ó nei. Dor-
othy Stratten skyldi byrja á
toppnum. Hjá Playboy.
Það reyndist létt verk fyrir Paul
Snider að fá hina feimnu og ófram-
færnu Dorothy Stratten til að sitja
nakin fyrir hjá ljósmyndara. Ef til
vill var það af óttanum við hann,
sem hún lét tilleiðast. Myndimar
heppnuðust eins og best varð á
kosið og Dorothy var boðið á Playboy
herragarðinn í Kaliforníu. Reyndar
þurfti hún leyfi móður sinnar til að
láta birta af sér myndir í Playboy,
þar eð hún var undir lögaldri. Móðir-
in neitaði að gefa leyfið. Snider
bjargaði því máli snarlega: hann
falsaði einfaldlega undirskriftina.
Snider var ekki boðið, þegar Dor-
othy hitti Hugh Hefner, ritstjóra
Playboy, á herragarðinum, en hann
stjórnaði utan vallar, ef svo má
segja. Fljótlega kom hann á eftir
Dorothy til Kaliforníu og þau giftu
sig þar. Hvers vegna veit enginn, en
stúlkan var enn undir lögaldri og
varð sjálfkrafa undir ábyrgð eigin-
manns síns. Þá hefur hún vafalaust
talið sig eiga Snider skuld að gjalda,
og hver veit nema hún hafi elskað
hann eitthvað líka. Að auki var alltaf
auðveldara að láta að vilja Sniders
en að rífast við hann.
Hefner tók giftingarfréttinni hins
vegar illa. Honum líkaði engan veg-
inn við Paul Snider.
Ekki fór hjá því, að Dorothy og
Paul fjarlægðust hvort annað eftir að
hún var farin að vekja athygli. Hún
var valin mánaðarleikfang Playboy
tímaritsins í ágúst 1979 og vakti að
vonum mikla athygli. Snider trúði
því blátt áfram ekki, að til væri fólk,
sem vildi stía honum og konu hans
í sundur. Hún var hans uppgötvun
og hann vildi fá sín laun. Hann var
að auki staurblankur og leit á Dor-
othy sem sína einu fjárfestingu í
lífinu.
Og þá gerðist það alversta, sem
fyrir gat komið. Dorothy Stratten
varð ástfangin af kvikmyndaleik-
stjóranum Peter Bogdanovich. Hann
gaf henni tækifæri til að leika smá
hlutverk í myndinni They All
Laughed og hún tók því fegins hendi
að geta komist til New York til að
leika í myndinni. Þegar tökum lauk
hélt Dorothy til Kalifomíu að nýju -
og flutti inn til Bogdanovich. Hann
ráðlagði henni að hitta Snider aldrei
framar, en honum tókst að þvinga
hana til að koma. Þann dag lauk lífi
beggja.
Ætlaði Paul Snider að myrða konu
sína þennan örlagaríka dag eða
hafði hann upphaflega aðeins ætlað
að skjóta sjálfan sig vegna óstjórn-
legrar afbrýðisemi, eins og gengið er
út frá í myndinni Star 80? Var það
einungis vegna óstjórnlegs skapofsa
síns, sem hann beindi byssunni að
Dorothy? Þessar spurningar skipta
engu máli. Draumur fallegu stúlk-
unnar rættist um frægð og frama.
En hún keypti þann draum of háu
verði. Með lífi sínu.