Fréttablaðið - 15.01.2022, Side 90

svavamarin@frettabladid.is
ninarichter@frettabladid.is
Íslenski indíkvartettinn ArnarÁrna,
sem skipaður er fjórum Íslending­
um búsettum í Kaupamannahöfn,
gefur út nýtt lag á næstu dögum.
Hljómsveitin leikur notalegt kántrí­
skotið indí­popp og minnir hressi­
lega á bandaríska popparann John
Mayer, en lag sveitarinnar hefur
verið lengi á dönskum vinsælda­
lista.
ArnarÁrna er nefndur eftir söngv­
aranum Arnari Hrafni Árnasyni, 33
ára kennara sem hefur búið í Dan­
mörku síðan hann var tvítugur og
sinnir tónlistinni samhliða starfi
sínu með börnum í sértæku náms­
umhverfi vegna einhverfu og ADHD
hjá Baunevangens Børnehave.
Kynntust í karlakór
Kvartettinn fylla síðan Andrés Lár­
usson, Smári Þorsteinsson og Sóla
Aradóttir. „Við kynntumst í karla­
kórnum Hafnarbræðrum; ég, Andr­
és og Smári. Sóla stjórnaði kórnum,
þar sem hún spilaði líka á píanó og
söng bakrödd,“ segir Arnar Hrafn.
„Árið 2019 stilltum við saman
strengi okkar og ákváðum að stofna
hljómsveitina ArnarÁrna. Það er
ekki hægt að neita því að faraldur­
inn hafi skemmt örlítið fyrir okkur,
þar sem við vorum komin með
umboðsmann sem setti okkur á ís.“
Hljómsveitin nýtti tækifærið
þegar slaknaði á samkomutak­
mörkunum í fyrra og kom meðal
annars fram á tónlistarhátíðinni
Copenhagen Songwriters Festival í
ágúst. Þá hefur ArnarÁrna skemmt
Íslendingum í Kaupmannahöfn.
„Við höfum fengið tækifæri til að
gleðja samlanda okkar á ýmsum
viðburðum á vegum Íslendinga­
félagsins í Kaupmannahöfn, sem
og í Óðinsvéum.
Á topplista í Danmörku
Við erum öll að setja í annan gír á
þessu ári og erum að fara að gefa
út nýtt lag á næstu dögum,“ segir
Arnar Hrafn. Ási Einarsson pródú­
serar lagið sem verður aðgengilegt í
streymi á næstu dögum.
Arnar Hrafn segir að þrátt fyrir
takmörkuð tækifæri til að stíga á
svið fyrir fullum sal af fólki hafi
hljómsveitin náð að halda sig við
efnið. „Við höfum haldið okkar
plani til streitu og erum búin að
vera fjórðu vikuna í röð á topplista
streymisveitunnar Hear Us Music,
sem er alveg frábært,“ segir Arnar og
vísar til lagsins Country Love Song.
Hann bætir við að sveitin stefni á að
spila á Íslandi innan tíðar. n
Íslenskur kvartett kántrípoppar í Köben
Hljómsveitin
ArnarÁrna
hyggst sækja
í sig veðrið á
þessu ári.
MYND/AÐSEND
Þegar kemur að EM í handbolta eru margir glæsilegir á gólfinu.
Sumir skreyta sig með flúrum að íþróttamannasið, þó að fáir
komist með tærnar þar sem okkar maður Björgvin Páll Gúst­
avsson er með hælana. Fréttablaðið fór á stúfana og skoðaði þá
sem þykja töff, flúraðir eða ekki.
benediktboas@frettabladid.is
Flottir og flúraðir
á Evrópumótinu
Björgvin Páll Gústavsson
leikmaður Íslands
Björgvin Páll er þekktur fagurkeri og er með svokall-
aðar ermar á báðum handleggjum. Byrjaði ungur að
fá sér flúr sem hann hefur bætt í, hægt og rólega.
Bogdan Radivojevic
leikmaður Serbíu
Léttur hanakambur, flúr á hálsinum og blóm á
höndunum. Radivojevic spilar með Pick Szeged og
hefur verið landsliðsmaður síðan 2012 og hefur vakið
athygli síðan.
Leon Susnja
leikmaður Króatíu
Alvöru týpa sem birtist í fyrsta leik þar sem Króatar
töpuðu fyrir Frökkum. Yfirvaraskegg og flúr um allan
líkama en hreyfingar eins og ballerína.
Alfreð Gíslason
þjálfari Þýskalands
Alfreð verður að vera
með. Hann er jú svalasti
maður Evrópumótsins
og það geislar af honum.
Alfreð er ekki með húðflúr
enda þarf hann ekki að
skreyta sig.
Stúkan
Heimamenn hafa litað mótið
fallegum litum og stemning er á
pöllunum. Þó sóttvarnir séu litlar
í Ungverjalandi eru sumir með
sprelligrímu til að brosa yfir.
Nikolaj Jacobsen
þjálfari Dana
Einhver almesti sigurvegari handboltans,
bæði sem leikmaður og þjálfari, er með þrjár
stjörnur á handleggnum sem tekið er eftir en
hann fékk sér flúrið fyrir margt löngu.
Rastislav Trtik
þjálfari Tékka
Snúður í hár og grátt skegg er lúkk
sem aðrir öfunda, hvort sem það
eru ungir eða gamlir. Trtik er sex-
tugur en samt sjóðheitur á hliðar-
línunni – og hefur verið lengi.
Við höfum haldið
okkar plani til streitu
og erum búin að vera
fjórðu vikuna í röð á
topplista streymisveit-
unnar Hear Us Music.
50 Lífið 15. janúar 2022 LAUGARDAGURFRÉTTABLAÐIÐLÍFIÐ FRÉTTABLAÐIÐ 15. janúar 2022 LAUGARDAGUR