Strandapósturinn - 01.06.2010, Blaðsíða 14

12
Síðasti áfangi dagsins var Gunnarsstofnun á Skriðuklaustri þar
sem skoðað var safn til minningar um Gunnar Gunnarsson.
Var mörgum starsýnt á hjónarúmið, en tvö rúm eru þar
samhliða og er annað nokkuð lengra. Nokkrir fóru og fengu sér
kaffi en þar var örtröð eins og oft er á sunnudögum. Þennan
seinni part gerði hressilegar rigningarskúrir, annars var veður
gott. Til tals hafði komið að líta við í Trjásafninu á heimleiðinni
en af því varð ekki, heldur farið beint heim á hótel því nú var
farið að líða að kvöldverði og þurfti Arndís að fá smá tíma fyrir sig
svo að hún gæti borðað með okkur lokakvöldverðinn á hótelinu
og áttum við skemmtilegt kvöld öll saman. Hér kvöddum við
Arndísi og þökkuðum henni fyrir frábæra leiðsögn um Austfirði.
En við héldum áfram að dansa og skemmta okkur fram á nótt.
Mánudaginn 22. júní héldum við af stað heim á leið. Eftir
morgunmat þökkuðum við Þurí og hennar starfsfólki fyrir
frábærar móttökur í alla staði og ekki síst herbergin sem komu
öllum mjög svo á óvart.
Nú lá leið okkar frá Hallormsstað meðfram Lagarfljóti í gegnum
Egilsstaði yfir Lágheiði og Jökulsárbrú, síðan að Möðrudal þar
sem var stutt stopp. Síðan var haldið áfram að Dettifossi sem er
mjög tignarlegur foss að sjá. Þá lá leið okkar að Ásbyrgi og á þeirri
leið stoppuðum við í sjoppunni og fengum kaffi í boði hans
Sigurbjörns Finnbogasonar sem var mjög notalegt. Síðan var
gengið aðeins um í Ásbyrgi. Þaðan var ekið fyrir Tjörnes og komið
við á Mánárbakka. Þar er stórmerkilegt safn af gömlum húsum
sem gaman er að skoða. Áfram var haldið og stoppað stutta stund
á Húsavík því nú var kominn tími til að drífa sig á síðasta
gististaðinn okkar í þessari ferð sem var Stórutjarnir.
Þar eins og annars staðar í ferðinni var mjög vel tekið á móti
okkur. Þegar allir voru komnir með sín herbergi og búnir að laga
sig til var sest að borðum. Þetta kvöld var borin fram súpa, síðan
kjöt og þá eftirréttur. Eftir matinn fengum við aðstöðu út af fyrir
okkur og var þar spilað og sungið fram eftir kvöldi.
Nú var komið að síðasta deginum okkar, 23. júní. Eftir góðan
svefn og morgunverð voru allir tilbúnir að halda heim á leið. Við
þökkuðum fyrir okkur og lögðum af stað, kíktum aðeins á
Goðafoss, héldum síðan til Akureyrar þar sem við stoppuðum