Strandapósturinn - 01.06.2011, Side 19

17
dags í myrkri á norðurleið. Áin hér var í vexti og rann ofan á
ísnum. Skarphéðinn fór nokkuð langt fram með ánni áður en
hann lagði í hana en hann komst yfir af því hann hafði stóran og
sterkan broddstaf. Þarna mátti víst ekki muna miklu að yrði slys.
Ég hef víst ekki farið margar dagleiðir gangandi um dagana.
En þegar við Helgi, Óli á Þórustöðum og Hjörleifur í Tungu
komum frá Hvanneyri vorið 1922 fórum við gangandi heim.
Fyrsta daginn fórum við frá Hvanneyri að Breiðabólstað í Dölum.
Við fórum norður Bröttubrekku. Þetta var of löng dagleið fyrsta
daginn og við vorum orðnir þreyttir. Daginn eftir fórum við að
Hróðnýjarstöðum. Það er stutt dagleið. Þriðja daginn fórum við
norður Gaflfellsheiði og heim. Komum í Ljárskógasel, fengum
þar kaffi og Jónas blessaður fylgdi okkur norður á heiði og var
með einn hest sem ég hvíldi mig á.
Við Björn Pálsson á Löngumýri vorum saman á Samvinnu-
skólanum í Reykjavík og fórum heim til okkar síðla vetrar
1925. Og einhver sá þriðji var með í ferðinni, ég man ekki
hver það var. Við fórum sjóleiðina í Borgarnes og þaðan löbb-
uðum við. Það tók okkur víst tvo daga að fara frá Borgarnesi
og norður í Grænumýrartungu. Við fengum hríðarjaganda á
Holtavörðuheiði en það gerði lítið til, símalínan var svo góður
leiðarvísir. Við gistum í Grænumýrartungu. Daginn eftir skildu
leiðir okkar Björns við brúna á Hrútafjarðará. Hann fór heim til
sín en ég hélt áfram mína leið og pabbi kom með hesta á móti
mér inn að Borgum.
Seinnipart vetrar 1930 fórum við Magga til Reykjavíkur.
Pabbi reiddi okkur suður á Gaflfellsheiði. Þaðan gengum við að
Ljárskógum. Mig minnir að við værum reidd þaðan í Búðardal, þar
gistum við. Fólk var komið í Búðardal sem ætlaði til Reykjavíkur
og við vorum búin að tala um það að fá bát úr Stykkishólmi að
sækja okkur. Frekar lítil, opin trilla kom og með henni fórum
við í Stykkishólm í góðu veðri. Í Stykkishólmi biðum við svo eitt-
hvað eftir Esju og með henni fórum við til Reykjavíkur. Þegar við
fórum heim aftur fengum við skipsferð í Búðardal. Við gistum
í Hjarðarholti. Lóa Gísladóttir var þar og hún lét Markús reiða
okkur norður á Laxárdalsheiði daginn eftir. Pabbi mun svo hafa
sótt okkur á hestum inn í Bæjarhrepp.
Ég hætti nú ferðalögum og fer beint í heyskapinn. Það var