Bændablaðið - 23.09.2021, Síða 61

Bændablaðið | Fimmtudagur 23. september 2021 61
SMIÐJUVEGI 44-46
sími 414-2700
sala@idnvelar.is
www.idnvelar.is
allt fyrir bílskúrinn....
trésmíðavélar, bílalyftur, loftpressur, bílavörur, verkfæri, dælur, súluborvélar, lyftibúnaður, rennibekkir, bandsagir
rakatæki, sogbúnaður, legupressur, slönguhjól, 3d prentarar, sagarblöð, járnsmíðavélar, suðuborð, handverkfæri
LESENDARÝNI
Norska leiðin
er íslenskum
landbúnaði
mikilvæg
Ég hef látið setja upp norsku
leiðina í skipuriti Noregs gagnvart
landbúnaði og íslenskum bænd-
um. Þá set ég fram hugmynd að
skipuriti fyrir nýtt landbúnað-
ar- og matvælaráðuneyti í anda
norsku leiðarinnar.
Stjórnmálamenn og forystumenn
flokka hafa í kosningabaráttunni
komið til móts við þau sjónarmið
að landbúnaðinn verði ,,að frelsa
úr skúffunni“ í atvinnuvega- og
nýsköpunarráðuneytinu. Ræktum
Ísland er víðfeðm skýrsla eða opin
bók um framtíðarsýn sem Björn
Bjarnason vann ásamt Hlédísi
Sveinsdóttur. Skýrslan tekur því
miður ekki á stærsta málinu, sem er
hvernig umgjörð stjórnsýslu land-
búnaðarins verði að breytast til að
landbúnaður á Íslandi geti tekið til
varna og sótt fram. Norðmenn gera
sér hins vegar vel grein fyrir mik-
ilvægi landbúnaðarins í fæðu- og
matvælaöryggi landsmanna sem og
að vera grunnatvinnuvegur í dreifð-
um byggðum landsins.
Ég hef sett upp skipurit með
norsku leiðinni sem gæti verið mik-
ilvægt plagg í þeirri endurskipulagn-
ingu sem verður að eiga sér stað hér
á landi.
Allt frá 2007 þegar landbúnað-
urinn var settur með sjávarútvegi
saman í ráðuneyti hafa verið tekn-
ar ákvarðanir sem ganga í berhögg
við alla umræðu um fæðu- og mat-
vælaöryggi. Á þessum 13 árum hafa
verið stigin óheillaspor sem hafa gert
landbúnaðinn áhrifalausan við rík-
isstjórnarborðið. Sjávarútvegurinn
er hinn sterki atvinnuvegur okkar
með allt sitt á hreinu hjá ríkinu
með öflugar stofnanir eins og
Hafrannsóknastofnun og Fiskistofu.
Á sama tíma hefur öll þjónusta við
landbúnaðinn verið skert með mark-
vissum hætti og dregið úr stuðningi
ríkisins við landbúnað. Að lokum
hvet ég bændaforystu og forystu-
menn stjórnmálaflokkanna að bretta
upp ermar og endurskipuleggja alla
umgjörð landbúnaðarins til að hann
megi sækja fram til að efla byggð í
landinu og íslenska matvælafram-
leiðslu.
Guðni Ágústsson
Guðni Ágústsson.
Kemur næst út
7. október
Smáauglýsingar
56-30-300
Hafa áhrif
um land allt!
Dreift í 32 þúsund
eintökum á yfir
420 dreifingarstaði