Bændablaðið - 23.09.2021, Síða 72

Bændablaðið | Fimmtudagur 23. september 202172
MATARKRÓKURINN
LÍF&LYST – BÆRINN OKKAR
Ábúendur Litlu Brekku –
Kvíaholts eru Anna Dröfn og
Hjörleifur Stefánsson í ekta
íslensku samkurli við for-
eldra Hjörleifs, Ragnheiði
Jóhannesdóttur og Stefán
Ólafsson.
Býli: Litla Brekka – Kvíaholt.
Staðsett í sveit: Litla Brekka
– Kvíaholt staðsett í gamla
Borgarhreppi rétt við ósa Langár.
Ábúendur: Anna Dröfn og
Hjörleifur Stefánsson, í samkrulli
við foreldra Hjörleifs, Ragnheiði
Jóhannesdóttur og Stefán Ólafsson.
Fjölskyldustærð (og gæludýra):
Fjölskyldustærð er misjöfn eftir
vikum, með föst herbergi í húsinu í
Kvíaholti eru við hjónin og börnin
þrjú. Jóhannes Þór, 15 ára, Eyjólfur
Ágúst, 13 ára og Helga Sigríður
Guðfríður, 7 ára. „Heimalningar“
innandyra eru margir, vinir sem
koma í sveitina og njóta næðis,
umhverfis og almennrar slökunar í
sófum heimilisins. Gestir sem vita
hvar kaffivélin er og fjölskyldan,
sem situr stundum við bálstæðið
í garðinum og kemst út úr stressi
þéttbýlis. Foreldrar Hjörleifs búa
svo í næsta húsi og þangað leita
bæði börn og fullorðnir í blómahaf-
ið hjá ömmu, skúrinn hjá afa og
fá lifrarpylsu í höndina þegar þeir
hjóla framhjá í daglegu amstri.
Gerð bús? Litla Brekka – Kvíaholt
er sauðfjárbú, stundum lítið, stund-
um umfangsmeira. Ásamt rekstri
heimilis og sauðfjár reka Hjörleifur
og Anna gistiheimilið Ensku húsin
við Langá þar sem sauðfjárbúið
hefur skaffað ljúffengt lambakjöt
á veitingastaðinn. Á þessum breyttu
tímum í dag hafa þau Hjörleifur og
Anna þó minnkað umfangið í ljósi
aðstæðna og lambakjötið núna
heimtekið og selt beint frá býli
unnið að óskum kaupanda. Ull er
tekin af lambfé og send í spuna í
Uppspuna. Svo er henni breytt í
gersemar, handlituð með jurtum úr
garðinum og svo fær ullin að ferðast
um Norðurlöndin bæði til sýnis og
sölu. Einnig eru á heimilinu 2 hund-
ar, 2 kettir og einn heimalningur
sem borðar tacos, eltir hundana og
stangar bíla.
Hvernig gengur hefðbundinn
vinnudagur fyrir sig á bænum?
Hefðbundnir dagar í Kvíaholti
er óhefðbundið fyrirbrigði.
Gistiheimilið dregur til sín allt
vinnuafl sem vogar sér að koma
niður afleggjarann.
Þetta haustið er fjöldi sauðfjár
þó bara um 50 fullorðnar og þar
af leiðandi er sú vinna ekki eins
mikil, þó segja fróðir menn að það
þarf að vinna sömu vinnuna við 15
kindur eins og 50. Sauðféð býr við
mjög ákveðið frelsi, hólma sem
fara á kaf reglulega þegar flæðir
inn í ósinn og birkiása sem skýla og
fela mjög grimmt allt sauðfé þegar
á að smala því heim í nafnakall.
Ullarvinnsla og sala tekur upp tíma
Önnu en Hjörleifur þrífur gistiheim-
ili, vinnur jarðvinnslu með litlum
nettum tækjum ásamt því að skrifa
þjóðsagnabækur á ensku. Saman
hjálpast húsin og stórfjölskyldan
að í þessum útiverkum sem unnin
eru. Stundum er slegist um næðið
á jötubandinu.

Skemmtilegustu/leiðinlegustu
bústörfin? Bústörfin þykja flest
vera skemmtileg, kannski af því
þau eru ekki yfirgnæfandi. Meira
að segja leiðinlegu verkin verða
bara merkilega ágæt þegar fólk
hjálpast að, bæði börn og fullorðnir
og gleðin er við völd. Fjölskyldan
hlustar mikið á sögur og þá er dag-
legt amstur á bæjunum fljótt að
líða.
Hvernig sjáið þið búskapinn
fyrir ykkur á jörðinni eftir fimm
ár? Miðað við alla óvissutíma þá er
ómögulegt að segja til um framtíð-
ina, hvorki í spilum, kaffibollum né
hér. En kindur verða til staðar, það
er nokkuð öruggt. Í hvaða magni
er óvíst. Ullin verður prjónuð og
margar nýjar hugmyndir munu líta
dagsins ljós. Börnin munu stækka,
fara í skóla hingað og þangað, skoða
heiminn. Þá sitja eftir eldri sálirnar
og reyna að fylgja tækni og nýjum
áherslum án þess að tapa rósemd og
núvitund sveitarinnar.
Hvað er alltaf til í ísskápnum?
Ostur. Ef það ekki til ostur þá er
„ekkert til“.
Hver er vinsælasti maturinn á
heimilinu? Hakk og spagettí með
íslensku nautahakki frá Mýranaut
á Leirulæk hér hinum megin við
Langárós.
Eftirminnilegasta atvikið við
bústörfin? Eftirminnilegast í fljótu
bragði var þegar við foreldrarn-
ir komum heim úr bændaferð til
Skotlands með Ræktunarsambandi
hér á Mýrunum og drengirnir voru
búnir að slá „broskall“ í túnið með
sláttutraktornum svo við myndum
sjá það úr flugvélinni.
Lambakótelettur og ristað blómkál
Nú er sláturtíð og ef fólk á ber í
frysti er hægt að gera veislu með
hjálp frá náttúrunni og tilvalið að
setja lambakjöt á matseðillinn.
Ekki skemmir að kryddleggja
það og framreiða með nóg af græn-
meti og kartöflum. Hægt er líka að
breyta til með því að nota kalkúna-
læri, íslenskt haustgrænmeti eða
góða íslenska sveppi – og jafnvel
villisveppi ef það hefur verið tími
fyrir sveppamó.

Lambið
› Um fjórar 200 g hreinsaðar
lambakótelettur (kóróna)
› 2 tsk. fínt rifinn sítrónubörkur
› 11/2 tsk. saxað rósmarín
› 1 hvítlauksrif, saxað
› Nýmalaður pipar
› 100 ml auk 1 msk. ólífuolíu
› 2 msk. ferskur sítrónusafi
› 200 g nýtt grænmeti
› 200 g villisveppir
Aðferð
Blandið sítrónusafa, sítrónuberki,
rósmarín og hvítlauk í matvinnsluvél.
Bætið við olíu og kryddið. Marinerið
lambasteikina í að minnsta kosti 10
mínútur.
Steikið á pönnu með grænmeti og
sveppum í um 4 mínútur á hvorri hlið
(miðlungs elduð). Færið pönnuna í
ofn eða á ofnfast fat í 5 mínútur og
berið fram.
Ristað blómkál og kalkúnalæri
með parmesanosti
› 3 kalkúnalæri úrbeinuð (u.þ.b. 700 g)
› 2 msk. ólífuolía, skipt
› 1 haus blómkál (um það bil 1 kg),
snyrt, brotinn í stóra bita
› 80 g smjör
› 40 g brauðmylsna
› 1 tsk. nýmalaður svartur pipar
› 1/3 bolli (25g) fínt rifinn parmesan
› 1 msk. fínsöxuð fersk steinselja
Aðferð
Setjið ofngrindina í miðju ofnsins.
Hitið ofninn í 230 gráður.
Í stórri skál, setjið kalkúnalæri
penslað með 1 msk. olíu. Kryddið
með salti. Færið á bakka. Eldið og
snúið til hálfs í eldun, í 20 mínútur.
Eða þar til er eldað í gegn.
Setjið blómkálið í stóra skál með 1
matskeið olíu.
Kryddið með salti. Bætið blómkáli
við bakkann, því sem eftir er. Eldið
með kalkúninum í 15 mínútur eða
þar til blómkál er meyrt og kara-
melliserað.
Á meðan, í meðalstórri pönnu, eldið
smjörið, hrærið yfir miðlungs hita
í 3 mínútur eða þar til það er ljós-
brúnt á litinn. Hrærið brauðmylsnu
og pipar saman við, ef það er notað,
og setjið til hliðar.
Setjið kalkúnalæri og blómkál í stórt
fat. Veltið upp úr brúnuðu smjöri,
ristaðri brauðmylsnu og stráið
parmesan og steinselju yfir.
Bjarni Gunnar Kristinsson
matreiðslumeistari
bjarnigk@gmail.com
Litla Brekka
– Kvíaholt