Bændablaðið - 02.12.2021, Blaðsíða 17

17Bændablaðið | Fimmtudagur 2. desember 2021
Hafrannsóknastofnun leggur til
að beinar veiðar á landsel verði
áfram takmarkaðar og að grip-
ið verði til frekari aðgerða til að
draga úr meðafla landsels við
netaveiðar, til að stuðla að því að
stofnstærð nái aftur stjórnunar-
markmiðum stjórnvalda.
Jafnframt leggur stofnunin til að
reynt verði að takmarka möguleg
truflandi áhrif af athöfnum manna
á landsel, sérstaklega yfir maí til
ágúst þegar kæping og háraskipti
eiga sér stað.
Ráðgjöf Hafrannsóknastofnunar
byggir á mati á stærð landsela­
stofnsins við Ísland sem
Hafrannsóknastofnun vann í sam­
vinnu við Selasetur Íslands. Matið
byggir á talningum sem fram fóru
sumarið 2020.
Þróun landselastofnsins
Fjöldi landsela var metinn um 33
þúsund dýr árið 1980 en ört fækkaði
í stofninum fram til 1989 og var þá
kominn niður í um 15 þúsund dýr.
Mat á stærð stofnsins eftir talningu
sem gerð var 2020 er 10.319 dýr og
samkvæmt því er stofninn nú 69%
minni en árið 1980 og 14% undir
stjórnunarmarkmiðum stjórnvalda
sem er 12 þúsund dýr.
Benda niðurstöður undanfarinna
ára til þess að stærð stofnsins sé
nálægt sögulegu lágmarki.
Veiðar háðar leyfi
Samkvæmt reglugerð um bann við
selveiði sem var innleidd 2019 eru
allar selveiðar óheimilar á íslensku
forráðasvæði, í sjó, ám og vötnum,
nema að fengnu sérstöku leyfi
frá Fiskistofu til selveiða til eigin
nytja. Öll sala og markaðsfærsla
á íslenskum sel og selaafurðum er
einnig bönnuð.
Afföll vegna óbeinna veiða, til
dæmis meðafli við fiskveiðar, eru
umtalsverð og líklegt að helsta
dánarorsök íslenskra landsela sé
vegna þess. Takmörkuð gögn eru
til um óbeinar veiðar, en mat sem
unnið er úr gögnum sem safnað er
af veiðieftirlitsmönnum og úr stofn­
mælingu með þorskanetum bendir
til að á árunum 2014 til 2018 hafi
að meðaltali veiðst 1.389 landselir
árlega í grásleppunet.
Metinn meðafli landsels í
þorskanet og botnvörpu er mun
minni og mun meiri óvissa er í
kringum matið í þau veiðarfæri. Á
árunum 2014 til 2018 er áætlað að
15 selir hafi veiðst í þorskanet árlega
og landselir í botnvörpu. /VH
BÆNDUR ERU FREMSTIR Í ENDURVINNSLU
Fyrsta skref við endurvinnslu á heyrúlluplasti er að huga að
gæðum þess til endurvinnslu við kaup. Þar skiptir litaval máli.
Eftir notkun þarf að ganga vel um heyrúlluplastið og sundur-
greina það frá öðrum úrgangi. Minnka umfang þess og gæta
að geymslu fyrir hirðu.
Þessi fyrstu skref við meðhöndlun skipta miklu máli við
endurvinnslu á heyrúlluplasti.
Hringrásarhagkerfið byrjar á þínu býli.
Stofnmat og ráðgjöf á landsel 2021:
Landselastofninn við
sögulegt lágmark
Grásleppuveiðar eru líklega helsta dánarorsök íslenskra landsela. Mynd / HKr.
Guðni Ágústsson:
Guðni Ágústsson:
Aftur ráðherra
landbúnaðar
„Þetta er spennandi verkfæri
og tækifæri til þess að lyfta
íslenskum landbúnaði,“ segir
Guðni Ágústsson, fyrrverandi
landbúnaðarráðherra, sem er
að byrja með hlaðvarpsseríu
hjá Mannlífi. Þáttaröðin heitir
Landbúnaðarráðherra Mannlífs.
Guðni mun einbeita sér að
viðmælendum sem tengjast
landbúnaði og framtíð sveitanna.
„Störf bóndans, landbúnaðurinn
og öll þau tækifæri sem hann gefur
þessari þjóð eru mitt hjartans mál.
Viðmælendur mínir munu með
þekkingu sinni og hugsjónum marka
ný spor,“ segir Guðni.
Fyrsti þátturinn af Landbúnaðar­
ráðherranum verður sendur út á
sunnudag á mannlif.is og vikulega
þar eftir. Þátturinn er sendur út sem
Vef­TV og einnig sem hlaðvarp á
öllum helstu streymisveitum.