Bændablaðið - 02.12.2021, Blaðsíða 12

12 Bændablaðið | Fimmtudagur 2. desember 2021
FRÉTTIR
Erlendir ferðamenn hafa greitt um 30 milljónir fyrir ferðir um Vaðlaheiðargöng:
Nægir fyrir kostnaði við
rekstur ganganna
Erlendir ferðamenn sem farið hafa
um Vaðlaheiðargöng á þessu ári
hafa greitt fyrir ferðir sínar um
30 milljónir króna. Þessi upphæð
dugar fyrir rekstrarkostnaði
ganganna. Valgeir Bergmann,
framkvæmdastjóri Vaðla­
heiðarganga, segir þetta jákvætt
fyrir reksturinn og sýni hversu
mikilvægt það sé að fá erlenda
ferðamenn til að ferðast um Ísland.
Tekjur frá erlendum
ferðamönnum hafa numið tæplega
6% að undanförnu og segir Valgeir
að uppsafnað frá áramótum hafi
Bandaríkjamenn notað göngin mest
þegar horft er til erlendra ferðamanna.
Fyrir hafi komið ein og ein vika þar
sem Bretar og Þjóðverjar hafi skotið
sér á toppinn í þeim efnum.
Bandaríkjamenn hafa greitt um
16,3 milljónir króna fyrir ferðir sínar
um Vaðlaheiðargöng, Þjóðverjar
koma næstir í röðinni og hafa greitt
rúmlega 6,8 milljónir, þá koma
Bretar með 3,2 milljónir. Ítalir hafa
greitt um 2 milljónir og Frakkar
tæplega 1,8 milljónir.
Valgeir segir að líkur séu á að
mun fleiri erlendir ferðamenn nýti
sér að aka um Vaðlaheiðargöng
heldur en þeir sem muna sjálfir
eftir að greiða veggjaldið. Sé ekki
greitt fyrir ferðina er rukkun send
til bílaleigunnar sem síðan rukka
leigjandann og bæta við þá rukkun
innheimtuþóknun.
Ódýrast að borga beint
„Því er ódýrast fyrir erlenda
ferðamenn að borga sjálfir og því
höfum við einfaldað greiðslusíðu
sérstaklega fyrir þann hóp, hún heitir
tunnel.is,“ segir Valgeir. Nokkuð er
síðan greiðslukerfi var breytti í þá veru
að greiðslutímabil er 24 klukkustundir
áður eða eftir að ekið er í gegnum
göngin, en ekki 3 klukkustundir eins
og var í byrjun. /MÞÞ
Tekjur af ferðum erlendra ferða-
manna um Vaðlaheiðargöng nægja
nú til að greiða kostnað við rekstur
ganganna, en þær eru komnar upp í
um 30 milljónir króna á árinu.
Ódýrara er að greiða beint í gegnum
vefsíðuna www.tunnel.is, heldur
en að láta myndavél um að lesa
bílnúmerið þegar ekið er í gegn og
fá reikninginn sendan sjálfvirkt í
banka bíleigandans.
Nýtt 450 íbúða hverfi
byggt í Þorlákshöfn
Framkvæmdir eru hafnar við
uppbyggingu fyrsta áfanga
Móabyggðar, nýs 450 íbúða
hverfis í Þorlákshöfn. Íbúðirnar í
hverfinu verða tveggja til fjögurra
herbergja á bilinu frá 60 til 95 fm.
Húsin verða staðsteypt, einangr-
uð að utan og klædd álklæðningu.
Gluggar verða ál eða trégluggar.
Þróunarfélagið Hamrakór ehf. stend-
ur að uppbyggingunni í Móabyggð
og hefur félagið þegar samið við
byggingafélagið Verkeiningu ehf. um
byggingu fyrstu húsanna. Alls verða
78 íbúðir í 11 lágreistum fjölbýl-
ishúsum í fyrsta áfanga Móabyggðar,
þar sem mikil áhersla verður lögð
á hlýja og aðlagandi umgjörð með
lágstemmdri byggð sem skiptast mun
í nokkra kjarna sem tengjast saman
með vistgötum. Elliði Vignisson bæj-
arstjóri segir að Ölfus sé það sveitar-
félag á landinu
sem vaxi hvað
hraðast um
þessar mundir.
„Eftirspurn
eftir húsnæði
í Þorlákshöfn
hefur verið
svo hröð að nú
nýlega kom sú
staða upp að
ekki var eina
einustu lóð að
fá og engar
fasteignir voru
til sölu. Hér mælast íbúar þeir
ánægðustu á landinu og því eðlilegt
að ásóknin sé mikil. Við gleðju-
mst því mjög yfir samstarfinu við
Hamrakór og vonumst til að í því
felist enn frekari sóknarfæri. Það er
að okkar mati ein af frumskyldum
bæjar- og sveitarstjórna að bregðast
við húsnæðisskorti enda húsnæði
ein af frumþörfum almennings. Við
þurfum að bregðast skjótt við og sam-
starfið við Hamrakór er eitt af þeim
púslum sem við þurfum til að geta
fullgert myndina,“ segir Elliði. /MHH
Þessi mynd var tekin þegar fyrsta skóflustungan af nýja hverfinu var tekin, talið frá vinstri, Elliði Vignisson bæjarstjóri,
Grétar Erlendsson, formaður bæjarráðs Ölfuss, Gísli Steinar Gíslason, framkvæmdastjóri Hamrakórs, Jón Helgi
Sen Erlendsson hjá Hamrakór og Jóhann Pétur Reyndal, fjármálastjóri Hamrakórs. Myndir / Sveitarfélagið Ölfus
Móabyggð í Þorlákshöfn verður nýtt 450 íbúða hverfi en
mikill uppbygging á sér nú stað í Þorlákshöfn.
Samtök sunnlenskra sveitarfélaga:
Vill sérhæfða sjúkraþyrlu
staðsetta á Suðurlandi
Ein af fjölmörgum ályktunum,
sem samþykkt var á þingi Sam­
taka sunnlenskra sveitarfélaga
(SASS) í lok október var um
nauðsyn þess að fá sérhæfða
sjúkraþyrlu á Suðurland og var
skorað á heilbrigðisráðherra að
beita sér í málinu.
Í ályktuninni segir m.a.: Brýnt
er að slík þyrla verði staðsett á
Suðurlandi og sé hluti starfsemi
Heilbrigðisstofnunar Suðurlands,
enda hefur mikil aukning ferðamanna
átt sér stað á undanförnum árum og
samhliða því hefur sjúkraflutningum
fjölgað verulega. Þá hafa breytingar
á þjónustu heilbrigðisstofnana á
landsbyggðinni sömuleiðis leitt til
þess að í fleiri tilfellum en áður
þarf að flytja íbúa dreifbýlisins til
Reykjavíkur ef alvarlega sjúkdóma
eða slys ber að garði.
Skorað er á ráðherra að draga
til baka hugmyndir um að staðsetja
þyrluna á suðvesturhorni landsins þar
sem slíkt leysir ekki vanda sjúkra-
flutninga á Suðurlandi þar sem mest
þörf er fyrir snöggt viðbragð sjúkra-
þyrlu, m.a. vegna langra vegalengda
í umdæminu og fjarlægðar frá
Landspítalanum háskólasjúkrahúsi
í Reykjavík.“ /MHH
Sigríður Júlía Brynleifsdóttir, sviðsstjóri skógarauðlindasviðs Skógræktar-
innar, og Elías Jónatansson orkubússtjóri handsala verksamning um ræktun
kolefnisskógar í Arnarfirði. Samkvæmt honum veitir Skógræktin Orkubúi
Vestfjarða ráðgjöf vegna þróunar á kolefnisverkefni með skógrækt á þremur
jörðum í Arnarfirði sem allar eru í eigu Orkubúsins. Samtals er ráðgert að
rækta skóg á um 235 hekturum. Þar með er hafinn undirbúningur að fyrsta
vottaða kolefnisbindingarverkefninu á Vestfjörðum. Mynd / Orkubú Vestfjarða.
Orkubúið ræktar vottaðan
kolefnisskóg í Arnarfirði
Orkubú Vestfjarða hefur gert
verksamning við Skógræktina um
ráðgjöf vegna þróunar á kolefn­
isverkefni með skógrækt á þrem­
ur jörðum í Arnarfirði sem allar
eru í eigu Orkubúsins. Samtals er
ráðgert að rækta skóg á um 235
hekturum. Þar með er hafinn
undirbúningur að fyrsta vottaða
kolefnisbindingarverkefninu á
Vestfjörðum.
Jarðirnar þrjár eru Hjallkárseyri,
Rauðstaðir og Borg í Arnarfirði. Í
fyrsta áfanga verður unnið með 70
hektara svæði. Markmiðið er að til
verði kolefnisbinding í skógrækt
og náttúrulegu skóglendi og
miðað er við að kolefnisverkefnið
fullnægi kröfum Skógarkolefnis
þannig að það sé tækt til vottunar
óháðs vottunaraðila til skráningar í
Loftslagsskrá Íslands.
Að sögn Elíasar Jónatanssonar
orkubússtjóra fellur samningurinn
vel að loftslagsstefnu Orkubús
Vestfjarða þar sem markmiðið sé að
draga úr losun gróðurhúsalofttegunda
frá starfseminni og minnka
kolefnissporið með markvissum
aðgerðum í rekstri og með því að
binda kolefni með skógrækt og
endurheimt votlendis. Orkubú
Vestfjarða stefni að því að vera
kolefnishlutlaust fyrirtæki árið 2030.
Byrjað á 70 hekturum
Hlutverk Skógræktarinnar er
að veita Orkubúinu ráðgjöf um
þróun verkefnisins og annað
sem Orkubúið kann að óska
ráðgjafar um. Byrjað verður á því
að gera úttekt á möguleikunum
og hagkvæmni þeirra. Í kjölfarið
verður gerð ítarleg ræktunaráætlun
þar sem skógræktarsvæði verður
afmarkað á hnitsettum uppdrætti.
Undirbúningsvinna Skógræktarinnar
hefst í þessum mánuði og er gert ráð
fyrir að henni ljúki haustið 2023.
Til að byrja með verður ráðist í
skógrækt á um 70 hekturum lands
en stefnt er að því að í fyllingu
tímans nái skóglendið til um 235
hektara. Samhliða verkefnalýsingu
fyrir kolefnisverkefnið verður
gerð kolefnisspá fyrir svæðið og
kostnaðaráætlun til 50 ára.
Mikilvægt að taka þátt
í að draga úr losun
Þetta verkefni verður fyrsta vottaða
kolefnisverkefnið sem ráðist er í á
Vestfjörðum. Elías segir að það verði
mikilvægara með hverjum deginum
fyrir orkufyrirtækin að geta sýnt fram
á að þau séu að taka fullan þátt í því
með heimsbyggðinni allri að draga úr
losun gróðurhúsalofttegunda.
„Fyrirtækið er í almannaeigu
og hefur þannig ríkar skyldur til að
taka fullan þátt í stefnu stjórnvalda
í loftslagsmálum. Það er mikilvægt
fyrir viðskiptavini Orkubúsins að
þeir geti treyst því að stefnunni sé
fylgt eftir og að kolefnisbindingin
sé vottuð,“ segir Elías. /MÞÞ