Bjarmi - 01.04.2018, Blaðsíða 26

Með vaxandi notkun samfélagsmiðla hafa
Jón og Gunna getað tjáð sig á nýjan hátt
og náð til margra með skoðanir sínar og
viðbrögð við fréttum, skrifum og annarri
tjáningu fólks. Á það sömuleiðís við um
kristið fólk. Það fólk sem er hvatvíst og
kannski vant því að segja ýmislegt og „láta
það flakka" áttar sig ef til vill ekki alltaf á
þeim áhrifum sem það hefur, til ills og góðs
með viðbrögðum sínum, athugasemdum
og skrifum á samfélagsmiðlum.
Norskur starfsmaður kristilegu sam-
takanna Indremisjonsforbundet, Arild
Ove Halás, skrifar um þetta í leiðara
blaðsins Indremisjonsnytt. Hann vísar í
barnasönginn, (sem hvorki var sérstaklega
góður uppeldislega né guðfræðilega):
„Gættu að þér litli munnur hvað þú segir."
Hann segir að þessi söngur hafi búið
í huga sínum og hjarta þegar ákveðnir
einstaklingar í norsku kirkjulífi og samfélagi
hafa verið í sviðsljósinu - og að hann gæti
hugsað sér að uppfæra sönginn og bæta
við „gættu að þér litli fingur hvað þú skrifar"
og „gættu að þér hverju deilt er og þér
líkar."
Hann varð fyrir áfalli og miður sín af því að
lesa margt af því sem vinir hans á Facebook
létu frá sér fara. Sérstaklega sé það slæmt
sem sumt kristið fólk skrifar, líkar við og deilir.
Fólk sem segist byggja líf sitt á boðskap
Biblíunnar en virðist ekki þurfa að fara eftir því
sem Biblían segir um það hvernig við tölum
hvert um annað. Hér að neðan eru nokkrar
af hugsunum hans í styttu máli og lítils háttar
útfærslu:
Pólitískar skoðanir okkar sem kristins
fólks eru t.d. misjafnar og fólk kýs ekki allt
sama flokkinn. Enginn flokkur hefur hina
fullkomnu stefnu með fullkomnu fólki. Við
kjósum þann flokk sem við samsömum
okkur mest við hverju sinni með hag lands
og þjóðar að leiðarljósi. Það er okkar ábyrgð.
En það er hætta á ferðum þegar reynt
er að umbreyta kristnu samfélagi í pólitískan
vígvöll. Mat okkar á utanríkisstefnu, land-
búnaðarstefnu, innflytjendum og fleiri þáttum
er misjafnt. í hita umræðna falla oft hörð orð
um fólk sem ekki sæmir okkur sem kristin
erum.
Við þurfum að vera á verði gagnvart
okkur sjálfum. Hverju deilum við og hvers
vegna? Hvað látum við okkur vel líka og
hvers vegna? Hvað knýr okkur áfram?
Reiði, ótti, vandlæting, kærleikur? Leiða
tilfinningar okkur áfram án skynsemi? Erum
við hugsanlega boðberar haturs?
Biblían taiar um að auðsýna öðrum
gæsku og góðvild, að tala vel hvert um
annað og sýna umburðarlyndi. Er samræmi
í því sem við segjumst trúa og því hvernig
við högum okkur á samfélagsmiðlum?
Málefnaleg umræða, ákveðin
skoðanaskipti og hressilegar umræður
er gott mál og hluti af því að búa við
tjáningarfrelsi. En ef þau sem ekki eru
sammála mér geta ekki fengið að tjá sig
án þess að á ég uppnefni viðkomandi og
stimpli sem svikara og illmenni þá er það
nær því að vera brot á tjáningarfrelsinu og
grunnhugsun lýðræðis.
Þess vegna er full ástæða til að vera
á verði og benda trúsystkinum okkar í
kærleika á það þegar okkur finnst þau
fara yfir strikið. Og gætum að okkur, hvað
við skrifum, hverju við deilum og hvað við
látum okkur vel líka.
Samantekt: Ragnar Gunnarsson
26 | bjarmi | apríl 2018